كۇن ءتارتىبى ناقتىلاندى

كەشە قاسىم-جومارت توقاەۆتىڭ توراعالىق ەتۋىمەن قازاقستان رەسپۋبليكاسى پارلامەنتى سەناتى بيۋروسىنىڭ وتىرىسى بولدى, دەپ حابارلادى وسى پالاتانىڭ ءباسپاسوز قىزمەتى. بيۋرو مۇشەلەرى سەناتتىڭ الداعى 13 ناۋرىزدا بولاتىن وتىرىسىنىڭ كۇن ءتارتىبىن قارادى. وتىرىستا قازاقستان رەسپۋبليكاسى كونستيتۋتسيالىق كەڭەسىنىڭ مۇشەسى قىزمەتىنە تاعايىنداۋ تۋرالى ماسەلەنى قاراۋ جوسپارلاندى. سەناتورلار, ودان باسقا, زاڭناماعا سىرتقى بارلاۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى زاڭ جوباسىن, ىشكى ىستەر ورگاندارى تۋرالى زاڭ جوباسىن, سونداي-اق, زاڭناماعا ىشكى ىستەر ورگاندارىنىڭ قىزمەتى ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى ىلەسپە قۇجاتتى ء(بىرىنشى وقىلىمدا) تالقىلايتىن بولادى. باس كوميتەتتەردىڭ توراعالارى پالاتا وتىرىسىندا وسى زاڭ جوبالارىن قاراۋعا ازىرلىك تۋرالى حاباردار ەتتى. بيۋرودا سەناتتىڭ تۇراقتى كوميتەتتەرىنە ماجىلىستە ماقۇل­دانعان بىرقاتار زاڭ جوبالارى ءبولىنىپ بەرىلدى. بيۋرودا, سونداي-اق, سەناتتىڭ 2014 جىلعا ارنالعان نەگىزگى ءىس-شارالار جوسپارىنا تولىقتىرۋ دا بەكىتىلدى. اتاپ ايتقاندا, IV توقسانعا «قازاقستان رەسپۋبليكاسى پرەزيدەنتىنىڭ «قازاقستان جولى – 2050: ءبىر ماقسات, ءبىر مۇددە, ءبىر بولاشاق» اتتى قازاقستان حال­قىنا جولداۋىن ىسكە اسىرۋداعى پار­لامەنتتىڭ ءرولى» حالىقارالىق كونفەرەنتسياسىن وتكىزۋ جوسپارلانىپ وتىر.