ء«بىز الداعى جىلى ناۋرىز ايىندا ەلدەرىمىز اراسىنداعى ديپلوماتيالىق قاتىناستاردىڭ ورناعانىنا 30 جىل تولۋىن اتاپ وتەمىز. وسى جىلدار ىشىندە بىرلەسكەن كۇش-جىگەردىڭ ارقاسىندا قازاقستان-ەگيپەت دوستىعىنىڭ, ءوزارا تۇسىنىستىگى مەن تابىستى ىنتىماقتاستىعىنىڭ بەرىك ىرگەتاسى قالاندى. ەكى ەلدىڭ سىرتقى ساياسي مەكەمەلەرى اراسىندا بايلانىستار جولعا قويىلدى, ساۋدا-ەكونوميكالىق ىنتىماقتاستىقتى ارتتىرۋ ءۇشىن جاقسى نەگىزدەر جاسالدى, شارتتىق-قۇقىقتىق بازا نىعايا ءتۇستى», دەپ اتاپ ءوتتى ماۋلەن اشىمباەۆ.
سەنات توراعاسى اڭگىمە بارىسىندا ەلىمىزدىڭ دىنارالىق ديالوگتى جاھاندىق دەڭگەيدە ىلگەرىلەتۋ جانە الەمدىك جانە ءداستۇرلى دىندەر كوشباسشىلارىنىڭ سەزدەرىن وتكىزۋ جونىندەگى كۇش-جىگەرگە قولداۋ بىلدىرگەنى ءۇشىن مىسىر تاراپىنا العىس ايتتى.
تاراپتار سونداي-اق پارلامەنتارالىق بايلانىستاردى ودان ءارى نىعايتۋ ماسەلەلەرىن دە تالقىلادى.
ء«بىزدىڭ ەلدەرىمىزدىڭ پارلامەنتتەرى ەكىجاقتى قارىم-قاتىناستاردى نىعايتۋدا ەلەۋلى ءرول اتقارىپ كەلەدى. سەناتتا وتكەن جىلى مىسىردىڭ زاڭ شىعارۋشى ورگانىمەن ىنتىماقتاستىق توبى قۇرىلدى. ءبىز پارلامەنتارالىق بايلانىستاردىڭ جاقسى قارقىنىن ساقتاۋعا جانە مىسىر پارلامەنتشىلەرىمەن سىندارلى جۇمىس جۇرگىزۋگە مۇددەلىمىز», دەدى ماۋلەن اشىمباەۆ.
پالاتا توراعاسى كەزدەسۋ سوڭىندا قازاقستان پارلامەنتىنىڭ سەناتى ەكىجاقتى قارىم-قاتىناستاردى نىعايتۋعا بەلسەندى تۇردە ىقپال ەتەتىنىن اتاپ ءوتتى.
