وتىرىس كەزىندە بۇل زاڭ ەلىمىزدە ءولىم جازاسىن قولدانۋ اياسىن كەزەڭ-كەزەڭمەن قىسقارتۋعا باعىتتالعان جۇمىستىڭ لايىقتى جالعاسى ەكەنى اتاپ ءوتىلدى. مەملەكەت باسشىسى قاراشا ايىندا وتكەن ۇلتتىق قوعامدىق سەنىم كەڭەسىنىڭ وتىرىسىندا قازاقستاندا ءولىم جازاسى قانداي دا ءبىر ەسكەرتپەسىز جويىلۋعا ءتيىس ەكەنى ايتقان ەدى. سوندىقتان بۇل زاڭنىڭ قابىلدانۋىن سەناتورلاردىڭ ەل پرەزيدەنتىنىڭ تاپسىرماسىن ورىنداۋدىڭ ناقتى ناتيجەسى جانە قوعامدى الاڭداتقان ساۋالعا بەرىلگەن جاۋاپ رەتىندە قابىلداۋعا بولادى.
«وسى زاڭدى قابىلداي وتىرىپ, قازاقستان ءولىم جازاسىنا زاڭ جۇزىندە تىيىم سالعان ەلدەر توبىنا قوسىلدى. سونداي-اق ەلىمىز ءولىم جازاسىن تولىعىمەن جويۋعا ارنالعان حالىقارالىق قوزعالىستى قولدايتىنىن زاڭ ارقىلى دالەلدەپ وتىر», دەدى سەنات سپيكەرى.
ايتا كەتەيىك, 2003 جىلدان باستاپ قازاقستاندا ءولىم جازاسىنا موراتوري جاريالانعان بولاتىن. كەلەسى 18 جىل ىشىندە ءولىم جازاسى تۇرىندەگى جازا قولدانىلۋى مۇمكىن قىلمىستار ءۇشىن باپتاردىڭ ءتىزىمى كەزەڭ-كەزەڭىمەن قىسقارتىلىپ وتىردى. بۇل شارا قىلمىستىق كودەكستىڭ سوڭعى ماتىنىندە قىلمىستىڭ 17 ءتۇرى بويىنشا كوزدەلگەن ەدى.
