ماۋلەن اشىمباەۆ ساپار اياسىندا قازاقستاندىق دەپۋتاتتار مەن پارلامەنتارالىق وداق اراسىنداعى ىنتىماقتاستىقتى ودان ءارى نىعايتۋ باعىتتارىن تالقىلاۋ ماڭىزدى ەكەنىن اتاپ ءوتتى.
پالاتا توراعاسى ەل پرەزيدەنتى قاسىم-جومارت توقاەۆتىڭ جاڭعىرتۋ جونىندەگى باعدارىن ىسكە اسىرۋعا, ونىڭ ىشىندە قازاقستاننىڭ ساياسي جۇيەسىن ودان ءارى دەموكراتيالاندىرۋعا باعىتتالعان زاڭ شىعارۋ جۇمىستارى تۋرالى اڭگىمەلەدى. ماۋلەن اشىمباەۆ مەملەكەت باسشىسى بيىلعى جىلدىڭ 8 ماۋسىمىندا قول قويعان «قازاقستان رەسپۋبليكاسىنىڭ ادام قۇقىقتارى سالاسىنداعى ودان ارعى شارالارى تۋرالى» جارلىققا دا توقتالدى.
«جارلىقتى ىسكە اسىرۋ ماقساتىندا ءبىرىنشى كەزەكتەگى شارالار جوسپارى قابىلداندى. زاڭ جوبالارىن, ونىڭ ىشىندە ايەلدەردى كەمسىتۋشىلىكتىڭ جولىن كەسۋ, ادام ساۋداسىنىڭ الدىن الۋ جانە وعان قارسى كۇرەس سالاسىندا تۇتاستاي توپتاما ازىرلەۋ كوزدەلىپ وتىر. مۇمكىندىگى شەكتەۋلى جانداردى جۇمىسقا ورنالاستىرۋ ماسەلەلەرى بويىنشا, سونداي ازاماتتاردىڭ مۇمكىندىكتەرىن كەڭەيتۋ جانە الەۋمەتتەندىرۋگە باعىتتالعان زاڭ جوباسى ازىرلەنەتىن بولادى», دەدى پالاتا توراعاسى.
ماۋلەن اشىمباەۆ اڭگىمە بارىسىندا ەلىمىزدىڭ ەتنوسارالىق جانە كونفەسسياارالىق كەلىسىمدى قامتاماسىز ەتۋ جونىندەگى تاجىريبەسىنە ەگجەي-تەگجەيلى توقتالدى.
«الەمدە تۋىنداپ قالاتىن ەتنوسارالىق جانە كونفەسسياارالىق قاقتىعىستار اياسىندا قازاقستاننىڭ ەرەكشە تاجىريبەسى جاھاندىق دەڭگەيدە سۇرانىسقا يە بولىپ وتىر. قازاقستاننىڭ تۇڭعىش پرەزيدەنتى نۇرسۇلتان نازارباەۆتىڭ باستاماسىمەن ەلىمىزدە 18 جىل بويى الەمدىك جانە ءداستۇرلى دىندەر كوشباسشىلارىنىڭ سەزدەرى ءوتىپ كەلەدى. فورۋمعا تەك ءدىن وكىلدەرى عانا ەمەس, سونداي-اق الەمدىك اۋقىمداعى بەلگىلى ساياسي قايراتكەرلەر دە قاتىسادى. ءبىز الداعى جىلدىڭ قىركۇيەگىندە VII سەزدى وتكىزەمىز. ول ادامزاتتىڭ الەۋمەتتىك-رۋحاني دامۋىندا پاندەميادان كەيىنگى كەزەڭدەگى الەمدىك جانە ءداستۇرلى دىندەر كوشباسشىلارىنىڭ رولىنە ارنالادى», دەپ اتاپ ءوتتى ماۋلەن اشىمباەۆ.
تاراپتار سونداي-اق ورتالىق ازياداعى قاۋىپسىزدىك ماسەلەلەرى مەن اۋعانستانداعى جاعدايدى قوزعادى جانە كوروناۆيرۋس پاندەمياسىمەن كۇرەس بارىسىن تالقىلادى. ماۋلەن اشىمباەۆ وسىعان بايلانىستى قازاقستان پرەزيدەنتى قاسىم-جومارت توقاەۆتىڭ بۇۇ اياسىنداعى بيولوگيالىق قاۋىپسىزدىك جونىندەگى حالىقارالىق اگەنتتىك قۇرۋ تۋرالى باستاماسىنا پارلامەنتارالىق وداقتىڭ توراعاسىن قولداۋ بىلدىرۋگە شاقىردى.
