«قارجى مينيسترلىگى سالىقتىق جانە كەدەندىك اكىمشىلەندىرۋدى ودان ءارى جەتىلدىرۋ مەن تسيفرلاندىرۋدى جالعاستىراتىن بولادى. بۇل كەشەندى شارالاردى ىسكە اسىرۋمەن بايلانىستى. بىرىنشىدەن, تاۋەكەلدەردى باسقارۋ جۇيەسىندە جاساندى ينتەللەكت قولدانۋ ادامي فاكتوردى بولدىرماۋعا جانە بيۋدجەتكە تۇسەتىن تۇسىمدەردى ۇلعايتۋعا مۇمكىندىك بەرەدى. سوندىقتان, جاساندى ينتەللەكتتى جەتىلدىرۋگە ەرەكشە كوڭىل بولىنەدى. ەكىنشىدەن, ءىرى سالىق تولەۋشىلەردىڭ «گوريزونتالدى مونيتورينگ» جوباسىن بارىنشا كەڭەيتۋ. جوبانىڭ نەگىزگى ماقساتى - سالىق تولەۋشىلەردىڭ تاۋەكەل وپەراتسيالارى مەن ولاردىڭ سالىق زاڭناماسىن بۇزۋ تۋرالى اقپاراتتارىن سالىق تولەۋشىلەردىڭ اقپاراتتىق جۇيەلەرىندە ونلاين-قولجەتىمدىلىك ورناتۋ ارقىلى ۋاقىتىلى ەسكەرتۋ. بۇل ءىرى كاسىپورىندارعا ايىپپۇل سالماي تازا جۇمىس ىستەۋىنە جانە شىعىندارىن ازايتۋعا مۇمكىندىك بەرەدى», دەدى ەرۇلان جاماۋباەۆ ماجىلىستەگى ۇكىمەت ساعاتىندا.
سونىمەن قاتار ول كەدەندىك ينفراقۇرىلىمدى جاڭعىرتۋ جانە ترانسشەكارالىق ساۋدانى باقىلاۋدى كۇشەيتۋگە توقتالدى.
«الدىندا ايتىپ وتكەندەي, 10 وتكىزۋ پۋنكتىن قايتا قۇرۋ/جاڭعىرتۋ جۇمىستارى باستالدى. ونى 2024 جىلعا دەيىن اياقتاۋ جوسپارلانۋدا. ناتيجەسىندە, بىزدە زاماناۋي ستاندارتتارعا تولىق جاۋاپ بەرەتىن وتكىزۋ پۋنكتتەرى بولادى. جاقىندا زاڭسىز ساۋدا اينالىمىمەن كۇرەسۋگە جانە كەدەندىك اكىمشىلەندىرۋدى جەتىلدىرۋگە باعىتتالعان مەملەكەتتىك شەكارادا زاڭسىز ساۋدا اينالىمىنا قارسى ءىس-قيمىلدىڭ كەشەندى جوسپارى قابىلداندى», دەدى ە. جاماۋباەۆ.
