قازىرگى جاعداي مەن اتقارىلىپ جاتقان جۇمىستار تۋرالى قر ساۋدا جانە ينتەگراتسيا ءمينيسترى باقىت سۇلتانوۆ, اۋىل شارۋاشىلىعى ءمينيسترى ەربول قاراشوكەەۆ, باسەكەلەستىكتى قورعاۋ جانە دامىتۋ اگەنتتىگى توراعاسىنىڭ ءبىرىنشى ورىنباسارى رۋستام احمەتوۆ, نۇر-سۇلتان قالاسىنىڭ اكىمى التاي كولگىنوۆ, شىعىس قازاقستان وبلىسىنىڭ اكىمى دانيال احمەتوۆ, سولتۇستىك قازاقستان وبلىسىنىڭ اكىمى قۇمار اقساقالوۆ, قىزىلوردا وبلىسىنىڭ اكىمى گۇلشارا ابدىقالىقوۆا, پاۆلودار وبلىسىنىڭ اكىمى ابىلقايىر سقاقوۆ, الماتى وبلىسىنىڭ اكىمى قانات بوزىمباەۆ جانە تاعى باسقالار باياندادى.
وتكەن اپتادا قازاقستاندا الەۋمەتتىك ماڭىزى بار ازىق-ت ۇلىك تاۋارلارىنىڭ باعاسى 0,1% تومەندەدى. تۇركىستان وبلىسىندا 0,6%, ەلوردادا 0,3%, شىمكەنت قالاسىندا جانە ماڭعىستاۋ وبلىسىندا 0,2%, الماتى قالاسىندا جانە قاراعاندى وبلىسىندا 0,1% باعانىڭ تومەندەۋى تىركەلدى.
جالپى, رەسپۋبليكا بويىنشا كوكونىستەر باعاسىنىڭ تومەندەۋى جالعاسۋدا. قالعان باسقا ونىمدەردىڭ باعالارى تۇراقتى. 2021 جىلى 769,3 مىڭ توننا ونىمگە, ونىڭ ىشىندە 684 مىڭ توننا جۇمساق بيدايعا كەلىسىمشارت جاسالدى. قازىرگى ۋاقىتتا 559 مىڭ توننا نەمەسە كەلىسىمشارت جاسالعان كولەمنىڭ 72,7% جەتكىزىلدى.
قازىرگى تاڭدا باسەكەلەستىكتى قورعاۋ جانە دامىتۋ اگەنتتىگى نارىق سۋبەكتىلەرىنىڭ اتىنا 113 حابارلاما جىبەردى, 16 تەرگەۋ جۇرگىزدى, وندىرۋشىلەرمەن, كوتەرمە جەتكىزۋشىلەرمەن جانە ساۋدا جەلىلەرىمەن ساۋدا ۇستەمەسىن 15-تەن 10% دەيىن تومەندەتۋ تۋرالى مونوپولياعا قارسى كومپلاەنستىڭ 192 اكتىسىن جاسادى.
ساۋدا ۇستەمەسىن كوتەرۋدىڭ 75 فاكتىسى انىقتالدى. بيىلعى 10 جەلتوقساننان باستاپ قازاقستاننىڭ جۇمىرتقا وندىرۋشىلەر قاۋىمداستىعى رەسپۋبليكانىڭ بارلىق قۇس فابريكالارى بويىنشا تاۋىق جۇمىرتقاسىنىڭ باعاسىن 16% ءبىر داناسىنا 37 تەڭگەدەن 32-31 تەڭگەگە دەيىن تومەندەتتى.
پرەمەر-مينيستر ورتالىق مەملەكەتتىك جانە جەرگىلىكتى اتقارۋشى ورگاندارعا قولدانىستاعى بارلىق قۇرالداردى پايدالانۋ ارقىلى الەۋمەتتىك ماڭىزى بار ازىق-ت ۇلىك ونىمدەرىنىڭ باعاسىن تۇراقتاندىرۋ جانە تومەندەتۋ جۇمىسىن ودان ءارى جالعاستىرۋدى تاپسىردى.
