قازاقستاننىڭ ازاماتتىق اۆياتسياسى مەملەكەتتىلىگىمىزدىڭ ارقاۋى, ول – حالقىمىزدىڭ الەۋمەتتىك-ەكونوميكالىق جاعدايى مەن ءال-اۋقاتىنا تىكەلەي اسەر ەتەتىن ەكونوميكانىڭ كۇرە تامىرى.
«تاۋەلسىزدىكتىڭ 30 جىلىندا ۇشۋ قاۋىپسىزدىگى كورسەتكىشى دامىعان ەلدەردىڭ دەڭگەيىنە كوتەرىلدى. يكاو اۋديتورلارىنىڭ يكاو-نىڭ ۇيلەستىرىلگەن ۆاليداتسيالىق ميسسياسى (ICVM) شەڭبەرىندە سالانى تاۋەلسىز تەكسەرۋ قورىتىندىلارى بويىنشا قازاقستان ۇشۋ قاۋىپسىزدىگىن قامتاماسىز ەتۋ دەڭگەيىن 74-تەن 84 پايىزعا دەيىن ارتتىردى. بۇل الەمدىك ورتاشا كورسەتكىشتەن 15 پايىزعا جوعارى», دەلىنگەن اقپاراتتا.
ۇشۋ گەوگرافياسىن كەڭەيتۋ جانە كولىكتىڭ قولجەتىمدىلىگىن قامتاماسىز ەتۋ ماقساتىندا قازاقستاننىڭ 11 اۋەجايىندا «اشىق اسپان» رەجيمى ەنگىزىلدى. 68 باعىت بويىنشا 24 ەلمەن جاڭا حالىقارالىق اۋە رەيستەرى اشىلدى جانە جاڭارتىلدى, بۇل پاندەمياعا دەيىنگى كەزەڭنىڭ 66% قۇرايدى.
«تاۋەلسىزدىك جىلدارىندا بارلىعى 18 اۋەجايدا ۇشۋ-قونۋ جولاقتارىن قايتا قۇرۋ/سالۋ جانە 13 اۋەجايدا تەرمينالداردى قايتا قۇرۋ/سالۋ جۇرگىزىلدى. 2020 جىلى تۇركىستاندا اۋەجاي سالىنىپ, تاۋەلسىز قازاقستانداعى العاشقى greenfield اۋەجايى بولدى. سالادا تسيفرلاندىرۋدى دامىتۋعا ۇلكەن ءمان بەرىلەدى. «E-Freight» جۇك اۋە تاسىمالدارى سالاسىندا قاعازسىز قۇجات اينالىمى جوباسى ىسكە اسىرىلۋدا. جەكە دەرەكتەردى راستاۋعا ارنالعان تسيفرلىق قۇجات قىزمەتى Egov Mobile ەنگىزىلدى», دەلىنگەن مينيسترلىك مالىمەتىندە.
