كەزدەسۋدىڭ نەگىزگى ماقساتى – وتكەن جارتى جىلدىقتاعى بىرلەسكەن جۇمىستىڭ قورىتىندىسىن شىعارۋ جانە ەكى ەل اراسىنداعى ستراتەگيالىق سەرىكتەستىكتى ودان ءارى كەڭەيتۋ مۇمكىندىكتەرىن ايقىنداۋ بولدى.
ءىس-شارانىڭ كۇن تارتىبىندە ەكىجاقتى قارىم-قاتىناستاردىڭ ساياسي, ساۋدا-ەكونوميكالىق جانە ينۆەستيتسيالىق, مادەني-گۋمانيتارلىق, عىلىمي-تەحنيكالىق سالالارداعى كەڭ اۋقىمدى وزەكتى ماسەلەلەرى, سونداي-اق ادام قۇقىقتارى, ادام ساۋداسى جانە ت. ب. ماسەلەلەر قامتىلدى. كوميسسيا وتىرىسىنىڭ قورىتىندىسى بويىنشا بىرلەسكەن مالىمدەمە قابىلداندى.
ء«بىز كەڭەيتىلگەن ستراتەگيالىق سەرىكتەستىگىمىزدى دوستىق, ءوزارا قۇرمەت جانە سەنىم رۋحىندا ودان ءارى تەرەڭدەتۋگە نيەتتىمىز», دەدى ا. راحمەتۋللين ءوز سوزىندە.
اقش دەلەگاتسياسىنىڭ نۇر-سۇلتانعا ساپارى شەڭبەرىندە قازاقستان رەسپۋبليكاسى پرەمەر-ءمينيسترىنىڭ ورىنباسارى – سىرتقى ىستەر ءمينيسترى مۇحتار تىلەۋبەردى امەريكالىق قوناقتى قابىلداپ, ەكىجاقتى كۇن تارتىبىندەگى ماڭىزدى ماسەلەلەردى تالقىلادى. كەلىسسوزدەر بارىسىندا د. لۋ قازاقستاننىڭ تاۋەلسىزدىك كۇنىمەن قۇتتىقتادى. امەريكالىق ديپلومات ۆاشينگتون نۇر-سۇلتانمەن كەڭەيتىلگەن ستراتەگيالىق سەرىكتەستىكتى جوعارى باعالايتىنىن جانە قازاقستانمەن دە, جالپى ورتالىق ازيا وڭىرىمەن دە بەرىك, ءارى تۇراقتى قارىم-قاتىناستاردى ساقتاۋعا نيەتتى ەكەنىن اتاپ ءوتتى.
