1999 جىلى قازاقستاننىڭ مۇناي-گاز سالاسىنىڭ 100 جىلدىق مەرەيتويىندا نۇرسۇلتان نازارباەۆ اتىراۋداعى قوشەمەتتەۋ سوزىندە: «مۇناي وتاندىق ونەركاسىپتىڭ ماڭىزدى سالاسى عانا بولىپ قويماي, سونىمەن بىرگە مەملەكەتتىك تاۋەلسىزدىك مارتەبەسىنىڭ نىشانىنا, جارقىن بولاشاعىنا دەگەن سەنىمگە اينالدى. ەندى قازاقستان مۇنايى قازاقستان حالقىنىڭ يگىلىگىنە قىزمەت ەتۋدە!» دەدى.
سولتۇستىك كاسپي جوباسى 28 جىل بويى قازاقستان حالقىنىڭ يگىلىگىنە قىزمەت ەتىپ كەلەدى. سولتۇستىك كاسپي جوباسى – الەمدەگى ەڭ كۇردەلى جانە ءورشىل مۇناي-گاز جوبالارىنىڭ ءبىرى. جوبا وپەراتورى – NCOC كومپانياسى بۇگىنگى كۇنگە قاراعان شاقتا 60 ميلليون توننادان استام مۇناي ەكسپورتتادى جانە مۇناي مەن گاز ءوندىرۋ كولەمىن تۇراقتى جانە سەنىمدى تۇردە ارتتىرىپ جاتىر.
الايدا NCOC – تەك مۇناي مەن گاز, ۇڭعىمالار مەن جاساندى ارالدار, وندىرىستىك جوبالاردان عانا قۇرالمايدى. بۇل سونىمەن بىرگە ونداعان مەكتەپ پەن بالاباقشا, اۋرۋحانالار, ادامداردىڭ ۇيلەرىنە تارتىلعان گاز, سپورت كەشەندەرى, مادەنيەت ۇيلەرى ىسپەتتى الەۋمەتتىك جوبالاردان تۇرادى.
NCOC كومپانياسى ءوزىنىڭ بۇكىل قىزمەتى بويىنا اتىراۋ جانە ماڭعىستاۋ وبلىستارىندا الەۋمەتتىك جوبالاردى جۇزەگە اسىرىپ كەلەدى. وسىلايشا, كومپانيا ءۇشىن شىنايى قۇندىلىق ءوز قىزمەتى جۇرگىزىلىپ جاتقان وڭىرلەردىڭ ءال-اۋقاتى, جەرگىلىكتى حالىقتىڭ دەنساۋلىعى جانە وسكەلەڭ ۇرپاقتىڭ قورعالۋى ەكەنىن ءىس جۇزىندە كورسەتۋدە.
NCOC كومپانياسىنىڭ كوپتەگەن الەۋمەتتىك جوبالارى وسكەلەڭ ۇرپاققا باعىتتالعان.
20 جىلدان استام ۋاقىت ىشىندە كومپانيا 6 مىڭ ورىندىق 16 مەكتەپ جانە 3 مىڭ ورىندىق 14 بالاباقشا سالدى.
جەتىم بالالار مەن جاعدايى تومەن وتباسىلاردىڭ بالالارى قاتارىنان 3 340 بالا ەلىمىزدەگى ەڭ جاقسى بالالار لاگەرلەرىندە دەمالۋعا مۇمكىندىك الدى. ولاردىڭ ىشىندە 160 بالا 2018-2019 جىلدارى ءۇش اپتا بويى قازاقستان-بريتان تەحنيكالىق ۋنيۆەرسيتەتىنىڭ بيزنەس-مەكتەبى مەن تەڭىز اكادەمياسىندا اعىلشىن ءتىلى جانە باعدارلامالاۋ وقۋ كۋرستارىندا ءدارىس الدى.
NCOC كومپانياسى ءوزىنىڭ وندىرىستىك قىزمەتى ءجۇرىپ جاتقان وڭىرلەردەگى بالالاردىڭ ءبىلىم الۋ دەڭگەيىن ارتتىرۋعا ۇلەس قوسۋدى جالعاستىرۋدا. STEM-زەرتحانا (عىلىم, تەحنولوگيا, ينجينيرينگ جانە ماتەماتيكا) مەكتەپ وقۋشىلارىن وقىتۋداعى جاڭا ادىستەمە جانە الەمدىك ءبىلىم بەرۋ سالاسىنداعى نەگىزگى ترەند. بۇل سونىمەن بىرگە وقۋشىلارعا باعدارلامالاۋ بويىنشا وقۋعا جانە روبوتتەحنيكامەن كاسىبي دەڭگەيدە اينالىسۋعا مۇمكىندىك بەرەدى. كومپانيا سوڭعى ەكى جىل ىشىندە زاماناۋي STEM-زەرتحانا كابينەتتەرىن اتىراۋ جانە ماڭعىستاۋ وبلىستارىنىڭ 12 مەكتەبىنە جابدىقتاپ, تاپسىردى.
بيىل قازاقستانداعى بريتان كەڭەسىمەن بىرلەسىپ وتكىزىلگەن جۇمىس اياقتالدى, ءبىز بۇنى ماقتان تۇتامىز. بۇل قازاقستانداعى اعىلشىن ءتىلىن ۇيرەنۋ جونىندەگى ءۇش جىلدىق پيلوتتىق جوبا. اتىراۋدىڭ 7 جالپى ءبىلىم بەرۋ ورتا مەكتەبىنىڭ, ماقات كەنتىندەگى 1 جالپى ءبىلىم بەرۋ ورتا مەكتەبىنىڭ جانە ح.دوسمۇحامەدوۆ اتىنداعى اتىراۋ مەملەكەتتىك ۋنيۆەرسيتەتىنىڭ 750 وقۋشىسى مەن ستۋدەنتى, 8 اعىلشىن ءتىلىنىڭ وقىتۋشىسى اعىلشىن ءتىلىن ءبىلۋ دەڭگەيىن جانە كاسىبي بىلىكتىلىگىن ارتتىرۋعا مۇمكىندىك الدى. كونكۋرستىق نەگىزدە ىرىكتەلگەن ۇزدىك مۇعالىمدەر ۇلىبريتانيادا وقۋدى جالعاستىرادى.
وكىنىشكە قاراي, تولىققاندى ءبىلىم الۋ مۇمكىندىگى بالالاردىڭ بارلىعىندا بولا بەرمەيدى. پسيحيكالىق-سويلەۋ نەمەسە ويلاۋ قابىلەتى تەجەلگەن ەرەكشە قاجەتتىلىكتەرى بار بالالارعا الەۋمەتتىك ورتاعا بەيىمدەلۋ قيىنعا سوعادى. وسىنداي بالالارعا كومەكتەسۋ ءۇشىن NCOC كومپانياسى دەمەۋشىلىك جانە قايىرىمدىلىق باعدارلاماسى اياسىندا ماڭعىستاۋ وبلىسىنىڭ تۇپقاراعان اۋدانىنداعى مەكتەپتەردە 13 ينكليۋزيۆتىك قولداۋ كابينەتىن جانە اتىراۋداعى مەكتەپتەردە 5 كابينەتتى جابدىقتاۋعا كومەك كورسەتتى. مۇنداي كابينەتتەر عىلىم نەگىزدەرىن ۇيرەتۋمەن قاتار بالالاردىڭ ءبىر-بىرىنە كومەكتەسۋىنە, دوستاسۋىنا جانە بىرگە ويناۋىنا مۇمكىندىك بەرەدى.
NCOC كومپانياسى مۇمكىندىكتەرى شەكتەۋلى ادامدارعا ەرەكشە كوڭىل بولەدى. اتىراۋ جانە ماڭعىستاۋ وبلىستارىندا ەرەكشە قاجەتتىلىكتەرى بار ون مىڭداعان ادام تۇرادى. كومپانيا جىل سايىن ينۆاتاكسي جانە مۇگەدەكتەرگە ارنالعان ارباشالار ساتىپ الۋعا قاراجات بولەدى. اۆتوكولىك قۇرالدارى ارنايى تيەگىش الاڭشامەن جاراقتالعان, بۇل ادەتتەگى تاكسيمەن جۇرە المايتىن ارباعا تاڭىلعان مۇگەدەكتەر ءۇشىن ىڭعايلى. ماشينالاردىڭ سالوندارى كەڭ, مۇگەدەك ارباشاسىن كوتەرۋگە ارنالعان باسقارۋ ءپۋلتى بار ەلەكترگيدروكوتەرگىشپەن, تەرموشۋوقشاۋلاۋىشپەن, كونديتسيونەرلەرمەن جانە اۋديوجۇيەمەن جاراقتالعان, ياعني ەرەكشە قاجەتتىلىكتەرى بار جولاۋشىلاردىڭ جۇرۋىنە ىڭعايلى بولۋى ءۇشىن بارلىق جاعداي قاراستىرىلعان.
ونىڭ الدىندا مۇمكىندىكتەرى شەكتەۋلى 16 ادام تەحنيكالىق سيپاتتامالارى ەرەكشە بولۋىمەن قاتار, وتە ىڭعايلى جانە ديزاينى ادەمى, جەكە قاجەتتىلىكتەردى ەسكەرىپ ىرىكتەلگەن مۇگەدەكتەر كرەسلولارىنا يە بولدى. كرەسلولاردى ءبولۋ كەزىندە ولاردىڭ ولشەمدەرى, ۇلگىلەرى, فۋنكتسيالارى جانە ءتىپتى تۇستەرى ەسكەرىلدى.
دەنساۋلىق ساقتاۋ نىساندارىن سالۋ – الەۋمەتتىك جانە ينفراقۇرىلىمدىق جوبالاردىڭ باعىتتارىنىڭ ءبىرى. 1998 جىلدان باستاپ NCOC كومپانياسىنىڭ قارجىلىق قولداۋىمەن اۋىلدىق دارىگەرلىك بەكەتتەردەن باستاپ اۋرۋحانالارعا دەيىن 15 مەديتسينالىق مەكەمە تۇرعىزىلدى.
2020 جىلى بۇكىل دۇنيە ءجۇزى كوروناۆيرۋس پاندەمياسىنا تاپ بولىپ, قوسىمشا توسەكتىك ورىندار وتە قاجەت بولعان كەزدە NCOC كومپانياسى قىسقا مەرزىم ىشىندە اتىراۋدا جانە اقتاۋدا ارقايسىسىنىڭ قۇنى 7 ملرد تەڭگە تۇراتىن 2 ءمودۋلدى جۇقپالى اۋرۋلار اۋرۋحاناسىن سالدى. اۋرۋحانالار تولىعىمەن زاماناۋي مەديتسينالىق جابدىقتارمەن, سونىڭ ىشىندە جاعدايى اسا اۋىر ناۋقاستاردى ەمدەۋ ءۇشىن وتتەگى بەرەتىن ارنايى جەلىلەرمەن جاراقتالعان.
اتىراۋ قالاسىندا كارديولوگيالىق اۋرۋحانانىڭ 50 ورىندىق قوسىمشا كورپۋسى تۇرعىزىلدى. جوبا شەڭبەرىندە زاماناۋي مەديتسينالىق جابدىقتار, سونىڭ ىشىندە كوپتەگەن اۋرۋدى انىقتاۋعا ارنالعان Philips Prodiva ماگنيتتىك-رەزونانستىق توموگرافى (مرت), جاساندى جولمەن قان اينالدىراتىن اپپارات, ۋدز جابدىقتارى, ەمدەلۋشىلەردى باقىلاۋ جانە قاداعالاۋ جۇيەلەرى جانە باسقا دا كوپتەگەن جابدىق ساتىپ الىنىپ, ورناتىلدى. ال جاڭا ورتالىقتاندىرىلعان وتتەگى ستانساسى كارديولوگيالىق ورتالىقتىڭ جاڭا عيماراتىنا عانا ەمەس, سونداي-اق ەسكى عيماراتىنا دا وتتەگىنى ۇزدىكسىز بەرىپ تۇرادى.
2020 جىلعى قاراشادا NCOC كومپانياسى اتىراۋ وبلىسى قۇرمانعازى اۋدانىنىڭ جەرگىلىكتى اكىمشىلىگىنە 75 توسەكتىك ورىنعا ەسەپتەلگەن جاڭا ورتالىق اۋرۋحانانى تابىس ەتتى. بۇل جوبا وبلىستىڭ شالعاي اۋداندارىنىڭ بىرىندەگى تۇرعىندار ءۇشىن وتە ماڭىزدى. اۋرۋحانا زاماناۋي جابدىقتارمەن جانە قۇرال-اسپاپتارمەن جاراقتالعان, سونىمەن قاتار وندا اۋا جەلدەتۋ جانە كونديتسيونەرلەۋ اۆتوماتتى جۇيەسى, مەديتسينالىق گاز بەرۋ جۇيەسى جانە اپاتتىق جاعدايدا ەلەكترمەن جابدىقتايتىن ديزەلدى ەلەكترستانسا بار, ياعني جەرگىلىكتى حالىقتى جايلى جاعدايلاردا ساپالى ەمدەۋ ءۇشىن كەرەكتىڭ ءبارى قاراستىرىلعان.
كومپانيا اتىراۋ جانە ماڭعىستاۋ وبلىستارىنىڭ دەنساۋلىق ساقتاۋ جۇيەلەرىنە COVID-19 ىندەتىمەن كۇرەسۋ ءۇشىن تىكەلەي كومەك كورسەتۋگە بارلىعى 3 ملرد تەڭگەدەن استام قاراجات ءبولدى.
سونىمەن بىرگە كومپانيا مەن باسقا وپەراتورلاردىڭ بىرلەسكەن باستاماسى بويىنشا جەرگىلىكتى دەنساۋلىق ساقتاۋ جۇيەسىنە قولداۋ كورسەتۋ ءۇشىن ۇلىبريتانيادان قارقىندى تەراپيا دارىگەرلەرى شاقىرىلدى.
پاندەمياعا جانە ءتيىستى شەكتەۋلەرگە قاراماستان NCOC كومپانياسى جەرگىلىكتى حالىقتىڭ قاجەتتىلىكتەرىن قاناعاتتاندىرۋدى جالعاستىردى. مىسالى, دۇنيەجۇزىلىك دەنساۋلىق ساقتاۋ ۇيىمىنىڭ «سالاماتتى مەكتەپ» باعدارلاماسىن جۇزەگە اسىرۋدى جالعاستىرا وتىرىپ, اتىراۋ جانە ماڭعىستاۋ وبلىستارىنىڭ ەرەكشە قاجەتتىلىكتەرى بار بالالارعا ارنالعان توپتارى بار ءبىلىم بەرۋ جانە مامانداندىرىلعان مەكەمەلەرىندە اۋانى زارارسىزداندىراتىن باكتەريتسيدتى رەتسيركۋلياتورلار مەن اۋىز سۋ بۇرقاقشالارى ورناتىلدى. تەك 2020 جىلدىڭ وزىندە ەكى وبلىستاعى 83 بالالارعا ءبىلىم بەرۋ جانە مامانداندىرىلعان ۇيىمعا 1 038 زارارسىزداندىرعى-تازارتقى تابىس ەتىلدى. كومپانيا سونىمەن بىرگە اقتاۋ قالاسىنىڭ 25 مەكتەبىندە ءۇش ساتىلى سۋ سۇزگىلەۋ جۇيەسى بار 256 اۋىز سۋ بۇرقاقشاسىن ورناتتى.
دەمەۋشىلىك جانە قايىرىمدىلىق باعدارلاماسى الەۋمەتتىك جانە ينفراقۇرىلىمدىق جوبالارمەن بىرگە NCOC كورپوراتيۆتىك الەۋمەتتىك ساياساتىنىڭ اجىراماس بولىگى بولىپ تابىلادى. كونسورتسيۋم ءوزىنىڭ 30 جىلعا جۋىق تاريحىندا ءتۇرلى وقيعالاردى باسىنان كەشىردى: وپەراتورلىق ۇلگىنىڭ وزگەرۋى, العاشقى مۇناي الۋ, قۇبىر جەلىسىن اۋىستىرۋ, مۇناي ءوندىرۋدى قايتا باستاۋ, كۇردەلى جوندەۋ جۇمىستارىن تابىستى اياقتاۋ, 60 ملن توننادان استام مۇناي ەكسپورتتاۋ جانە COVID-19 ىندەتىنە بايلانىستى شەكتەۋلەر جاعدايىندا جۇمىس ىستەۋ.
الايدا وسى وزگەرىستەردىڭ بارلىعىنا قاراماستان, ءبىر نارسە وزگەرىسسىز: NCOC اتىراۋ جانە ماڭعىستاۋ وبلىستارىنىڭ تۇراقتى دامۋىنا جانە ولاردىڭ حالقىنىڭ ءال-اۋقاتىن ارتتىرۋعا ۇلەس قوسۋ باعىتىنان تايمايدى.
