Sputnik قىرعىزستان جاريا ەتكەندەي, ەكس-پرەزيدەنت 14 جەلتوقساندا ۇلى يليممەن بىرگە بىشكەككە ورالدى. بۇعان قۇمتور ءىسى بويىنشا ايعاقتار بەرۋ سەبەپ بولدى.
اقاەۆتىڭ جاقىندارى حابارلاعانداي,ول ۇقكۇ كەلىسىمى بويىنشا ەلىنە ەكى-ءۇش كۇنگە ۇشىپ كەلگەن.
«اقاەۆ قۇمتور تۋرالى ءىس بويىنشا كۋالىك بەرەدى. بۇل جولى بۇرىنعى پرەزيدەنت كەمينگە بارمايدى, ول تەرگەۋدىڭ بارلىق سۇراقتارىنا جاۋاپ بەرۋگە نيەتتى», دەيدى ەكس-پرەزيدەنتتىڭ تۋىستارى.
ەسكە سالا كەتسەك, 2 تامىزدا اقاەۆتىڭ قىرعىزستانعا قۇمتور كەن ورنى تۋرالى ءىس بويىنشا ايعاقتار بەرۋ ءۇشىن جەتكىزىلگەنى بەلگىلى بولدى. بۇل ونىڭ «قىزعالداق توڭكەرىسىنەن» كەيىنگى ەلىنە ءبىرىنىش رەت ورالعانى بولدى. ەكس-پرەزيدەنت وتانىندا بىرنەشە كۇن وتكىزىپ, ماسكەۋگە قايتا ورالدى.
اسقار اقاەۆ 1991 جىلدان 2005 جىلعا دەيىن قىرعىزستان رەسپۋبليكاسىنىڭ پرەزيدەنتى بولدى. ەلدە جاپپاي ەرەۋىلدەر باستالعاننان كەيىن ول وتستاۆكاعا كەتۋگە ءماجبۇر بولدى. 2005 جىلدان باستاپ رەسەيدە تۇرادى.
قۇمتور - جانجالدىڭ ورتاسىندا بولعان التىن كەن ورنى. 2021 جىلى رەسپۋبليكادا سىبايلاس جەمقورلىققا قارسى ءىرى ناۋقان باستالدى, ونىڭ بارىسىندا بىرقاتار شەنەۋنىكتەر ۇستالدى. ولاردىڭ قاتارىندا ەكس-دەپۋتاتتار مەن پرەمەر-مينيسترلەر بار. ولارعا قۇمتور كەن ورنىن يگەرۋ جوباسىن ىسكە اسىرۋدىڭ ءارتۇرلى كەزەڭدەرىندە سىبايلاس جەمقورلىق ارەكەتتەرىن جاسادى دەگەن ايىپ تاعىلدى.
