جۋىردا مەملەكەت باسشىسى «2022-2024 جىلدارعا ارنالعان رەسپۋبليكالىق بيۋدجەت تۋرالى» زاڭعا قول قويدى, وندا دەنساۋلىق ساقتاۋ مينيسترلىگىنىڭ ءۇش جىلدىق رەسپۋبليكالىق بيۋدجەتىنىڭ پارامەترلەرى بەكىتىلدى.
بيۋدجەت 5 671 ملرد تەڭگەنى قۇرادى, ونىڭ ىشىندە: 2022 جىلى - 1 773 ملرد تەڭگە, 2023 جىلى - 1 934,2 ملرد تەڭگە; 2024 جىلى - 1 963,8 ملرد تەڭگە.
دەنساۋلىق ساقتاۋ ۆيتسە-ءمينيسترى اسەم ءنۇسىپوۆا تۇسىندىرگەندەي, شىعىستاردىڭ جالپى سوماسىنىڭ 90%-دان استامىن الەۋمەتتىك مەديتسينالىق ساقتاندىرۋ قورىنا رەسپۋبليكالىق بيۋدجەتتەن بەرىلەتىن ترانسفەرتتەر الادى. ءبىرىنشى كەزەكتە, 1 ترلن 211,3 ملرد تەڭگە ەسەبىنەن تەگىن مەديتسينالىق كومەكتىڭ كەپىلدىك بەرىلگەن بارلىق كولەمى قارجىلاندىرىلاتىن بولادى.
ەكىنشى قۇرامداس بولىگى - بۇل حالىقتىڭ وسال توپتارى ءۇشىن مەملەكەتتىڭ 361 ملرد تەڭگە مولشەرىندەگى جارنالارى.
«مەن «مينيسترلىك نە ءۇشىن قاراجات جۇمسايدى؟» دەگەن سۇراققا قىسقاشا جاۋاپ بەرۋگە تىرىسايىن. مەديتسينالىق قىزمەتتەردى ساتىپ الۋ جوسپارى مينيسترلىكتىڭ بيۋدجەتتىك كوميسسياسىمەن بەكىتىلگەن جانە قارجىلاندىرۋ كوزدەرى, وزدەرىڭىز بىلەتىندەي, مەديتسينالىق قىزمەتتەردىڭ كەپىلدەندىرىلگەن كولەمىنە (1211,3 ملرد تەڭگە, مەملەكەتتىڭ ءمامس جارنالارى (361 ملرد تەڭگە), جۇمىس بەرۋشىلەردىڭ جارنالارى (280 ملرد تەڭگە), قىزمەتكەرلەردىڭ جارنالارى (172 ملرد تەڭگە), جەكە كاسىپكەرلەر مەن جەكە تۇلعالاردىڭ جانە بىرىڭعاي الەۋمەتتىك سالىقتى تولەيتىن تۇلعالاردىڭ جارنالارى (شامامەن 20 ملرد تەڭگە) مەملەكەت ترانسفەرتتەرى بولىپ تابىلادى», دەدى اسەم ءنۇسىپوۆا.
ول ءمامس-ءتىڭ جالپى سوماسى 867 ملرد تەڭگەنى قۇرايتىنىن اتاپ ءوتتى. ۆيتسە-مينيستر ۆەدومستۆونىڭ 20 باعىت اياسىندا قاراجاتتى قايدا جۇمساۋدى جوسپارلاپ وتىرعانىن ءتۇسىندىردى.
«قاراجاتتى جۇمساۋدىڭ ءبىرىنشى ءىرى باعىتى - العاشقى مەديتسينالىق-سانيتارلىق كومەكتى قارجىلاندىرۋ, ياعني بارلىق ەمحانالىق جەلىنى قارجىلاندىرۋ. بۇل تولىعىمەن تمككك ترانسفەرتتەرى ەسەبىنەن جۇزەگە اسىرىلادى جانە 407,5 ملرد تەڭگەنى قۇرايدى. ءىس جۇزىندە بۇل قوردىڭ بارلىق شىعىندارىنىڭ بەستەن ءبىر بولىگى. ەكىنشى اۋقىمدى, «باسەكەلەس» باعىت - ستاتسيونارلىق جاعدايدا مامانداندىرىلعان مەديتسينالىق كومەككە شىعىندار. بۇل 373 ملرد تەڭگە - ءىس جۇزىندە قوردىڭ بارلىق شىعىستارىنىڭ بەستەن ءبىر بولىگى (18%). ءۇشىنشى باعىت - كونسۋلتاتيۆتىك-دياگنوستيكالىق كومەك (امبۋلاتوريالىق جاعدايدا مامانداندىرىلعان مەديتسينالىق كومەك), ونىڭ شىعىندارى 231,3 ملرد تەڭگەگە جەتتى. بۇل - امسق شىعىندارىنىڭ 11%-ى», دەپ ءتۇسىندىردى ءا. ءنۇسىپوۆا.
ءتورتىنشى نەگىزگى باعىت - سوماسى 60,9 ملرد تەڭگەگە ستاتسيوناردى الماستىراتىن جاعدايداعى مامانداندىرىلعان مەديتسينالىق كومەك. بۇل رەتتە اۋىل حالقىنا ستاتسيوناردى الماستىراتىن جاعدايداعى مامانداندىرىلعان مەديتسينالىق كومەك 123,5 ملرد.تەڭگەنى قۇرايدى. جالپى سوما 184,4 ملرد تەڭگەگە نەمەسە قور شىعىستارىنىڭ 9%-ىنا جەتەدى. شىعىستاردىڭ بەسىنشى بولىگى, جوعارى تەحنولوگيالىق مەديتسينالىق كومەكتى قارجىلاندىرۋ - 63,9 ملرد تەڭگە (3%).
التىنشى بولىك - قان مەن ونىڭ كومپونەنتتەرىن وندىرۋگە جۇمسالاتىن شىعىستار 26,3 ملرد تەڭگە سوماسىنا جۇمسالاتىن بولادى.
جەتىنشى, سەگىزىنشى, توعىزىنشى باعىتتار - ايتۆ ينفەكتسياسىن جۇقتىرعان ادامدارعا مەديتسينالىق-الەۋمەتتىك كومەك - 19,7 ملرد تەڭگە, تۋبەركۋلەزبەن اۋىراتىن ادامدارعا مەديتسينالىق-الەۋمەتتىك كومەك - 39,7 ملرد تەڭگە, پسيحيكالىق, مىنەز-ق ۇلىق بۇزىلۋلارى (اۋرۋلارى) بار ادامدارعا پسيحيكالىق دەنساۋلىق سالاسىنداعى ناۋقاستارعا مەديتسينالىق كومەك - 40,8 ملرد تەڭگە. ەگەر وسى ءۇش باعىتتى بىرگە قوسساق - بۇل 100,2 ملرد تەڭگە.
«ونىنشى باعىت - باعدارلامالىق دياليز. وعان 39,6 ملرد تەڭگە ءبولۋ كوزدەلگەن. ون ءبىرىنشى باعىت - جەدەل مەديتسينالىق كومەك. ول كەپىلدەندىرىلگەن كولەمگە ترانسفەرت ەسەبىنەن تولىق قارجىلاندىرىلادى جانە 76,3 ملرد تەڭگەنى قۇرايدى. بۇل بارلىق امسق شىعىندارىنىڭ شامامەن 4%-ى. ون ەكىنشى باعىت - پاللياتيۆتىك مەديتسينالىق كومەك – 5,8 ملرد تەڭگە, ون ءۇشىنشى باعىت - پاتولوگواناتوميالىق دياگنوستيكا, بۇل قىزمەتتەرگە شىعىندار 3 ملرد تەڭگەنى قۇرايدى. ون ءتورتىنشى - ينفەكتسيالىق اۋرۋلارمەن اۋىراتىن ناۋقاستارعا مەديتسينالىق كومەك كورسەتۋگە جۇمسالاتىن شىعىستار 64 ملرد تەڭگەنى قۇرايدى. ون بەسىنشى, ون التىنشى باعىتتار - ونكولوگيالىق اۋرۋلارمەن اۋىراتىن ناۋقاستارعا مەديتسينالىق كومەك 71,8 ملرد تەڭگە, ال ونكوگەماتولوگيالىق ناۋقاستارعا - 20,4 ملرد تەڭگە سوماسىندا قارجىلاندىرىلادى. ون جەتىنشى باعىت - بۇل مەديتسينالىق وڭالتۋعا جۇمسالاتىن شىعىندار, ولار 66,8 ملرد تەڭگەنى قۇرايدى. ون سەگىزىنشىسى - شەتەلدە ەمدەلۋ. بۇعان 3,5 ملرد تەڭگە جۇمساۋ جوسپارلانىپ وتىر», دەدى سپيكەر.
شىعىستاردىڭ تاعى ءبىر ءىرى باعىتى امبۋلاتوريالىق ءدارى-دارمەكپەن قامتاماسىز ەتۋگە ارنالعان شىعىستار بولىپ تابىلادى. ولار 140,3 ملرد. تەڭگەگە جەتەدى, بۇل - امسق شىعىندارىنىڭ 7%-ى. سونىمەن قاتار جالاقىنىڭ وسۋىنە 171 ملرد تەڭگە بولىنەدى, بۇل امسق بارلىق شىعىستارىنىڭ 8,5%-عا جۋىعى.
