بۇل باسەكەدە قىزعالداقتار ەلى وكىلدەرىنىڭ جەڭىسكە جەتەتىنىنە كۇماندانعاندار كەمدە-كەم ەدى. سەبەبى سوڭعى كەزدەرى سپورتتىڭ بۇل ءتۇرى اتالعان مەملەكەتتە وتە قارقىندى دامۋدا. اتاپ ايتساق, ولار 2015 جىلى الەم چەمپيوناتىندا كۇمىس السا, 2017 جىلى قولاعا قول سوزدى. ال 2019 جىلى جاپونيادا الەم چەمپيونى اتاندى. 2016 جىلعى ەۋروپا بىرىنشىلىگىنىڭ فينالىندا ونەر كورسەتسە, 2018 جىلى قولا مەدالدى يەلەندى. وسىنداي ازۋلى قارسىلاسقا ءبىزدىڭ قىزدار ەش قايرات كورسەتە العان جوق. يسپانيانىڭ شىعىسىندا ورنالاسقان كاستەلون قالاسىندا وتكەن بۇل كەزدەسۋدە جەرلەستەرىمىز 15:61 ەسەبىمەن ويسىراي ۇتىلدى.
ەندى نەگىزگى راۋندتاعى ءوزىنىڭ سوڭعى باسەكەسىن قازاقستاننىڭ گاندبولشىلارى بۇگىن پۋەرتو-ريكو قۇراماسىنا قارسى وتكىزەدى.
