بيىل ەل تاۋەلسىزدىگىنە – 30 جىل. بۇل مەرزىم ادام ومىرىمەن ەسەپتەگەندە دە, تاريحي تۇرعىدان الىپ قاراعاندا دا كوپ ۋاقىت ەمەس. بىراق وسى ءبىر قىسقا مەرزىمنىڭ ىشىندە ەكونوميكالىق-الەۋمەتتىك جانە ساياسي قيىنشىلىقتاردى ەڭسەرە بىلگەن قازاق ەلى الەم مويىنداعان مەملەكەتتەر قاتارىنا قوسىلدى. الايدا تاۋەلسىزدىكتىڭ العاشقى جىلدارى حالىقارالىق ساراپشىلار جانە ساياساتتانۋشىلار قازاقستان ەتنوستىق جانە ءدىني قاقتىعىستار سالدارىنان ىدىراپ كەتۋى مۇمكىن دەگەن بولجامدار ايتاتىن. بىراق بۇل پەسسيميستىك بولجامدار جۇزەگە اسقان جوق.
كوپەتنوستى قازاقستان ءۇشىن تۇراقتىلىقتى, ەتنوسارالىق كەلىسىمدى قامتاماسىز ەتۋ – مەملەكەتتىك ساياساتتىڭ ماڭىزدى باسىمدىقتارىنىڭ ءبىرى, الەۋمەتتىك-ەكونوميكالىق جانە ساياسي رەفورمالاردى جۇرگىزۋدىڭ نەگىزگى مىندەتى بولدى. ەلىمىزدىڭ تۇڭعىش پرەزيدەنتى – ەلباسى نۇرسۇلتان نازارباەۆتىڭ ساياسي ەرىك-جىگەرى, كورەگەندىگى حالىقتىڭ بىرلىگىن قامتاماسىز ەتۋگە باعىتتالدى. بۇل ساياساتتىڭ ومىردە ىسكە اسىرىلۋى قوعامدىق كەلىسىم مەن جالپىۇلتتىق بىرلىكتىڭ قازاقستاندىق مودەلىندە كورىنىس تاۋىپ, ول حالىقارالىق تۇرعىدان مويىندالدى.
ەلىمىزدىڭ باستى زاڭى – كونستيتۋتسيامىزدا ەتنوسارالىق جانە كونفەسسياارالىق قاتىناستار تۋرالى نورماسى ء«بىز, قازاقستان حالقى» دەگەن سوزدەردەن باستالادى, بۇل اۋەل باستان-اق ەلدىڭ بارلىق ازاماتتارىنىڭ ورتاقتىعى يدەياسىن ءبىلدىرۋ ءۇشىن جازىلعان. ءبىز بىرگەمىز, ءبىرتۇتاسپىز جانە ۇلكەن ۇلت نەمەسە كىشى ۇلت دەپ بولىنبەيمىز. تاۋەلسىزدىگىمىزدىڭ العاشقى كۇندەرىنەن باستاپ ەلباسى ەلىمىزدەگى بىرلىك پەن تاتۋلىق يدەياسىن جۇزەگە اسىرۋ ءپرينتسيپىن ارقاشان العا قويعان بولاتىن.
ەلباسى: «ازات ەلىمىزدىڭ جاستارى تاۋەلسىزدىككە بارار جولدىڭ قانداي ازاپتى بولعانىن, قانداي قۇرباندىقتار مەن سىناقتار – 1916 جىلعى ۇلت-ازاتتىق كوتەرىلىس, ازامات سوعىسى, اشارشىلىقتىڭ الاپات ەكى تولقىنى, قۋعىن-سۇرگىن مەن رەپرەسسيالار, ۇلى وتان سوعىسى, تىڭ يگەرۋ جىلدارىنداعى جاپپاي قونىس اۋدارۋدىڭ زاردابى ارقىلى جەتكەنىمىزدى ءبىلۋى كەرەك. مۇنىڭ ءوزى وتكەن تاريحتى قاستەرلەپ, ودان ساباق الۋ ءۇشىن قاجەت. مەنىڭ «تاۋەلسىزدىك – بابالار قانىمەن كەلگەن كيەلى قۇندىلىق» دەيتىنىم وسىدان», دەپ ايتادى.
ەل تاۋەلسىزدىگىنىڭ باسىندا تۇرعان, وتپەلى كەزەڭنىڭ بارلىق قيىنشىلىعىن ەڭسەرىپ, مەملەكەتىمىزدى ساياسي, الەۋمەتتىك, ەكونوميكالىق داعدارىستارعا سوقتىرماي, بۇگىنگى كوز كورگەن ىنتىماق پەن جەتىستىككە قول جەتكىزگەن ەلىمىزدىڭ تۇڭعىش پرەزيدەنتى نۇرسۇلتان نازارباەۆتىڭ قاجىرلى ەڭبەگىن, دۇرىس تاڭداعان ساياساتىن الەم جۇرتشىلىعى دا مويىنداۋدا. قازىر تاۋەلسىز قازاق ەلىنىڭ تاريحى جاسالدى.
ەلىمىزدىڭ تاۋەلسىزدىگى مەن ەلباسى ەڭبەگىنىڭ ءبىر-بىرىمەن تىعىز ۇشتاسىپ جاتقانىن, ولاردىڭ ءبىر-بىرىمەن اجىراعىسىز ەگىز ۇعىم ەكەنىن اقيقات ەسەبىندە تاريح كورسەتىپ وتىر.
ويىمدى قورىتا كەلە, ەلباسىنىڭ: «ەلىڭنىڭ ۇلى بولساڭ, ەلىڭە جانىڭ اشىسا, ازاماتتىق نامىسىڭ بولسا, قازاقتىڭ ۇلتتىق جالعىز مەملەكەتىنىڭ نىعايىپ, كوركەيۋى جولىندا جان تەرىڭدى سىعىپ ءجۇرىپ ەڭبەك ەت. جەردىڭ دە, ەلدىڭ دە يەسى ءوزىڭ ەكەنىڭدى ۇمىتپا!» دەگەن ءسوزى بولاشاق ۇرپاققا ۇران بولسىن دەپ تىلەيمىن!
قاسيەتتى تاۋەلسىزدىگىمىز باياندى بولسىن!
ناتاليا دەمەنتەۆا,
ءماجىلىس دەپۋتاتى
