اقساقالىمىز ەركىندىك, تاۋەلسىزدىك, ەگەمەندىكتىڭ تۇگەل تۇركى جۇرتى ءۇشىن اسا ماڭىزدى ۇعىم ەكەنىن باسا ايتىپ, تاريحتا تاعى ءبىر رەت جازبا قالدىردى.
ءومىرىن حالقى, تۇركى الەمى مەن بار ادامزاتتىڭ بەيبىتشىلىگىنە, ءوسىپ-ونۋىنە ارناعان اقساقالىمىزدىڭ كەلەشەككە كوز تاستاي وتىرا كەڭەس بەرىپ, ناسيحات ايتۋى جانە جاقسى جوسپار ۇسىنىپ, باعىت كورسەتۋى بىزدەرگە تاريحىمىزداعى ۇلى كوشباسشى, مارتەبەلى بىلگە قاعاندى ەسكە سالدى.
بىلگە قاعاننىڭ وسيەتىن وقىپ, اقساقالىمىز نۇرسۇلتان نازارباەۆتىڭ ماقالاسىمەن سالىستىرعاندا بىردەي رۋح, سول سەنىم مەن اقىل, ءدال سونداي پەيىل بايقايمىز.
ەلباسى نۇرسۇلتان نازارباەۆتىڭ قازاق باۋىرلارىمىز بەن تۇركى الەمىن قوسا العاندا تۇگەل ادامزات ءۇشىن ەڭبەك ەتۋدى ويلاۋى كوكتەن بەرىلگەن قاسيەت دەپ ويلايمىن.
قانداي كەرەمەت رۋح, قانداي جاقسى جول باستالعان.
مۇنداي جول ءجۇرىپ وتپەي, سەزبەي وسىنداي ءسوز ايتىلا ما؟ ءوزى سەنبەي تۇرا وسىنداي زاتتى ايتۋعا بولا ما؟
اقساقالىمىز شىنىمەن ءوزى كورگەنىن حالقىمەن ءبولىستى. ول شەكارالاردان شىعا الاتىن كۇشكە يە.
ول ەڭبەگى, ۇلت پەن مەملەكەتتىڭ ادامى بولۋى تۋرالى ايتىپ, بۇگىن ءۇشىن دە, كەلەشەك ءۇشىن دە داڭعىل جول سالدى.
ءبىلىمى, تاجىريبەسى, كۇرەسى, پايىمى, جۇرەگى مەن بار بولمىسىن حالقىنا, ادامزاتقا ارناعان بۇل ۇلكەن كوشباسشىنىڭ بىزبەن بولىسكەن التىن سوزدەرى ءۇشىن قالامى مەن جۇرەگىنە ساۋلىق تىلەي وتىرا, دەنساۋلىق, بەرەكە تىلەپ, قۇرمەتىمىزدى جەتكىزەمىز.
بۇگىن بەيبىتشىلىك, ەركىندىك كۇنى تۇركىستاننىڭ جۇرەگى سانالاتىن اتاجۇرتىمىز قازاقستاندا تۋىپ وتىر.
قىسقا ۋاقىتتا ءوز جەرىندە ەركىن رۋحپەن تىك تۇرعان, ءوز تەرريتورياسى سياقتى ماسشتابتارعا يە بولعان قازاقستان ءوز بيىك ماقساتتارىنا سەنىمدى قادام جاساپ, جەتىپ جاتىر.
تۇركى الەمىنىڭ بولىگى بولعان بىزدەر الەمگە مادەنيەتتى الىپ كەلگەن اتا-بابالارىمىزداي ءبىلىم, سەنىم, سۇيىسپەنشىلىكپەن دامىعان قازاقستانداي باۋىرعا يە بولعانىمىزعا قۋانىشتىمىز, قازاق باۋىرلارىمىزبەن ماقتانامىز.
وسى تۇستا ەڭبەگى زور اقساقالىمىز ەلباسى نۇرسۇلتان نازارباەۆ تۇگەل تۇركى جۇرتىنىڭ ماقتانىشى جانە ول سالعان سارا جولداعىلار ونى قۇرمەت تۇتادى.
رۋحى سوناۋ تامىرلى تاريحىمىزدان باستاۋ العان اقساقالىمىز – نازارباەۆ تۋرالى بىلگە قاعاننىڭ «ەي, تۇرىك! جوعارىدا اسپان قۇلاماي, تومەندەگى جەر تەسىلمەي, سەنىڭ مەملەكەتىڭدى, ادەتىڭدى كىم جويا الادى؟!» دەگەن سوزدەرىنىڭ زاماناۋي تىلدە قايتا جەتكىزگەن كوشباسشى دەي الامىز.
تۇگەل تۇركى الەمى ءۇشىن ونىڭ سوزدەرى نۇرلى ساۋلەدەي كورىنەدى.
حالقى جانە تۇركى جۇرتىمەن بىرگە بەيبىتشىلىكتى بيىك قويعان ادامدار ونىڭ بۇل كۇنگە دەيىن جاساعان بىرقاتار قايىرلى جانە ماڭىزدى ىستەرىنىڭ راحاتىن كوردى جانە ءالى دە كورە بەرەدى دەپ ۇمىتتەنەمىن.
حالقىڭىز جاساي بەرسىن!
يالچىن توپچۋ,
تۇركيا رەسپۋبليكاسى پرەزيدەنتىنىڭ باس كەڭەسشىسى
