«فيرۋزانىڭ كومانداسى مىقتى, بايسالدى ادامداردان قۇرالعانىنا كۇمانىم جوق. ولارمەن جۇمىس ىستەۋ وڭايعا سوقپايدى. ونىڭ كومانداسىنا ءبىزدىڭ فيرۋزانى كەتيدەن بولەك قوناق ۇيگە ورنالاستىرعانىمىز ۇنامايدى. قوناق ءۇيدىڭ سالقىن ەكەنىن ايتىپ شاعىمداندى. سپورت زال ماسەلەسىندە دە داۋ تۋىندادى. قازىرگى جاعدايعا بايلانىستى قوناق ۇيلەردەگى سپورت زالدار جابىق ەكەنىن بىلەسىزدەر عوي.
بىراق ولار بارىنە مۇقيات زەر سالادى. مەن پروموۋتەر رەتىندە تالاي ادامدى كۇتىپ الدىم. ولار: «جاعداي جاساعاندارىڭىز ءۇشىن راحمەت» دەگەن سوزدەن وزگە اڭگىمە ايتپايتىن. الايدا فيرۋزانىڭ كومانداسىنىڭ ۇستانىمى باسقاشا. ء«بىز ءبارىن دۇرىس ىستەۋىمىز كەرەك. بۇل جەكپە-جەكتە جەڭىسكە جەتۋگە ءتيىسپىز. سوندىقتان قانداي دا ءبىر كىشكەنتاي كەدەرگىلەر الدىمىزدان شىقپاۋى شارت» دەگەن ويدا جۇرەدى ەكەن. مۇنىڭ ءوزى ولاردىڭ ۇلىبريتانياعا رينگكە شىعىپ اقشا تابۋعا كەلمەگەندىگىن, تەك قانا جەڭىسكە ۇمتىلاتىنىن اڭعارتادى», دەيدى پروموۋتەر.
ەستەرىڭىزگە سالا كەتەيىك, جەڭىل سالماق دارەجەسىندەگى الەمنىڭ ءابسوليۋتتى چەمپيونى اتاعى ساراپقا سالىناتىن كەتي تەيلور مەن فيرۋزا شاريپوۆا اراسىنداعى كەزدەسۋ 11 جەلتوقساننان 12 جەلتوقسانعا قاراعان ءتۇنى ليۆەرپۋل قالاسىندا وتەدى.
