پىكىر • 10 جەلتوقسان، 2021

ەرتەڭىن ويلاعان ەل وزادى

50 رەت كورسەتىلدى

قازاقستان رەسپۋبليكاسىنىڭ تۇڭعىش پرەزيدەنتى – ەلباسى نۇرسۇلتان ءابىش ۇلى نازارباەۆتىڭ «تاۋەلسىزدىك تاعىلىمى» اتتى تانىمدىق ماقالاسى ەل تاۋەلسىزدىگىنىڭ 30 جىلدىق تويىنا تارتۋ دەسەك بولادى.

ەگەمەندىكتىڭ ەلەڭ-الاڭىنان بۇگىنگە دەيىنگى ايتۋلى وقيعالار جاي فاكتى عانا ەمەس، ونىڭ ارعى جاعىندا ۇلت كوشباس­شىسىنا حالىق سەنىمىن اقتاۋعا جۇكتەلگەن زور جاۋاپكەرشىلىك، ايانباي جۇمسالعان كۇش-جىگەر، جۇرەك تەبىرەنتەرلىك تاريحي ساتتەر جاتىر. سوندىقتان ءبىز مۇنى وتىز جىل­دىق تورقالى توي قارساڭىندا تۇڭعىش پرە­زي­دەنتتىڭ تۋعان حالقىمەن وي ءبولىسۋى، تاۋەلسىزدىك تاعىلىمى دەپ قابىلدادىق.

ماقالادا قيىندىق اتاۋلىعا قاسقايا قارسى تۇرىپ، ۇزدىكسىز العا جىلجىعان قازاق حال­قى­نىڭ قيلى تاعدىرى، كۇرەسى مەن جاسام­پاز­­د­ىعى ەرەكشە باياندالادى. اسىرەسە، اشار­شىلىقتىڭ ەكى بىردەي تولقىنى – 1921-1922 مەن 1930-1933 جىلدارداعى سۇر­قيا ساياسات سالدارىنان ورنا­عان زۇلمات كەزىندە ۇلتتىڭ تەڭ جار­تىسى قىرىلعانى، ودان كەيىن ەسىن ەندى جيا باستاعاندا ستا­لين­­دىك قاندى رەپرەسسيا ءسۇت بەتى­نە شىعار قايماقتارىمىزدى جالماپ كەتۋى جۇرەككە قانشا سالماق تۇسىرسە دە، تاۋەلسىزدىك جولىن­داعى قۇرباندىقتىڭ ءمانى مەن مارتەبەسىن ايقىندايدى.

«مەن بۇل وقيعالاردىڭ ءبارىن كوزىممەن كورمەسەم دە، اكەم مەن انامنىڭ وزەگىن مۇڭ مەن زار ورتەپ، جانارىن جاسقا شىلاپ وتىرىپ ايتقان سوزدەرىنەن، ازاتتىق جولىندا شەيىت بولعان ارۋاقتارعا ارناپ، كۇبىرلەپ وقىعان دۇعالارىنان ەستىپ-ءبىلىپ، كوكىرەگىمە ءتۇيىپ ءوستىم»، دەيدى ەلباسى. سودان كەيىن ەكىنشى دۇنيەجۇزىلىك سوعىستى ەسكە تۇسىرە كەلىپ، قارشاداي كۇنىنەن وگىزگە جەگىلگەن سوقامەن جەر جىرتىپ، ماساق تەرىپ، ەڭبەكپەن كوزىن اشقان قاتارلاستارىن جادىندا جاڭعىرتادى. ءبىز بۇدان سۇم سوعىستا ۇرلانعان تالايلاردىڭ بالالىق شاعىن عانا ەمەس، ادامدى قانداي قيىندىقتان دا امان الىپ شىعاتىن قۇدىرەت ەڭبەك ەكەنىن اڭعارا تۇسەمىز.

تۇڭعىش پرەزيدەنت كەشەگى كەڭەس وداعى قۇرامىنداعى جەتپىس جىلدىقتىڭ دا ناتيجەسى ەلىمىزدىڭ پايداسىنا شەشىلمە­گەنىن ايتا كەلىپ، حح عاسىر باسىنداعى الاش قايراتكەرلەرىنىڭ سوزىنەن مىسال كەلتىرەدى. مۇنىڭ ءبارى ازات ەلدىڭ جاستارىنا تاۋەلسىزدىككە بارار جولدىڭ قانداي ازاپتى بولعانىن جانە وتكەن تاريحتى قاستەرلەپ، ودان ساباق الۋدىڭ قاجەت ەكەنىن ۇعىندىرادى. ەلباسىنىڭ «تاۋەلسىزدىك – بابالار قانىمەن كەلگەن كيەلى قۇندىلىق» دەيتىنى سوندىقتان بولسا كەرەك.

قازىرگى تاڭدا ەلىمىز دامۋدىڭ جاڭا تاريحي كەزەڭىنە اياق باستى. سەبەبى وسى كۇنگە دەيىن قول جەت­كىزگەن جەتىستىكتەر قازاق­ستان­نىڭ بولاشاعىن جاڭاشا مەجە­لەۋگە مۇمكىندىك بەرىپ وتىر. كەلەسى كەزەڭدە، ياعني 2030 جىل­عا دەيىن ەكونوميكالىق سايا­سات نە­گىزىنە يننوۆاتسيالىق ەكونومي­كا الىنادى. وسىلايشا، حالقىمىز­دىڭ ءومىر ءسۇرۋ ساپاسى ورتاشا ەۋرو­پالىق دەڭگەيگە سايكەس بولماق.

«تاۋەلسىزدىك تاعىلىمى» ەل ءۇشىن، اسىرەسە، جاڭا بۋىن ءۇشىن پارا­سات پەن ەڭ­بەك­تىڭ، تاۋەكەل مەن جا­سامپازدىقتىڭ، تالعام مەن تال­داۋ­دىڭ ماڭىزىن جان-جاق­تى ب­ا­يىپ­تاتادى. وتكەن جول – تاعى­لىم، جاڭا جول – ءۇمىت. ەلدىڭ بەرە­كە-بىر­لىگى ارتسا، ەكەۋىنىڭ دە قادىرى ەسە­لەنەدى. ەرتەڭىن ويلاعان ەل وزادى!

 

ەرلان سىدىقوۆ،

ل.ن.گۋميلەۆ اتىنداعى  ەۋرازيا ۇلتتىق ۋنيۆەرسيتەتىنىڭ باسقارما توراعاcى-رەكتورى،

ۇعا اكادەميگى

سوڭعى جاڭالىقتار

وتكەن تاۋلىكتە 187 ادام ىندەت جۇقتىردى

كوروناۆيرۋس • بۇگىن، 10:40

دوللار ارزاندادى

قارجى • كەشە

ۇقساس جاڭالىقتار