پەتروپاۆل قالاسىنىڭ 22 جاستاعى تۇرعىنى تامىز ايىنىڭ سوڭىندا سولتۇستىك قازاقستان وبلىسىنىڭ ەسىرتكى قىلمىسىمەن كۇرەسكەرلەرىنىڭ نازارىنا ىلىككەن. ءتارتىپ ساقشىلارىنىڭ قاراماعىنا جاس جىگىتتىڭ ەسىرتكىنى تاراتۋعا قاتىسى بولۋى مۇمكىن ەكەندىگى تۋرالى اقپارات تۇسكەن.
جەدەل-ىزدەستىرۋ شارالارىنىڭ ناتيجەسىندە كۇدىكتى ۇستالىپ, تۇرعىلىقتى جەرى بويىنشا ءتىنتۋ كەزىندە قۇرامىندا ۇنتاق زات بار پوليمەرلىك تۇيىنشەك تابىلعان. الىنعان زاتتىڭ جالپى سالماعى 31 گراممدى قۇرادى. ساراپتاما كورسەتكەندەي, بۇل - كوكايننىڭ سينتەتيكالىق انالوگى بولىپ تابىلاتىن «مەفەدرون» پسيحواكتيۆتى زاتى. الىنعان سالماق شامامەن 500 ءبىر رەتتىك دوزانى قۇرايدى. الايدا كۇدىكتىنىڭ «اسسورتيمەنتى» ەمەس ەكەنى انىقتالدى.
«وعان قوسا, پوليتسەيلەر كۇدىكتىدەن MDMA پسيحوتروپتىق زاتى نەمەسە «ەكستازي» دەگەن اتپەن تانىمال مەتامفەتامين ەسىرتكىسىن تاپتى. بۇل بيىلعى جىلى سقو-دا مەتامفەتاميندى تاركىلەۋدىڭ العاشقى جاعدايى. ەسىرتكى زاتتارىمەن اسا ءىرى مولشەردە زاڭسىز جۇمىس ىستەۋ فاكتىسى قر قىلمىستىق كودەكسىنىڭ 297-بابىنىڭ ءۇش بولىگى «ەسىرتكى قۇرالدارىن, پسيحوتروپتىق زاتتاردى, سول تەكتەستەردى وتكىزۋ ماقساتىندا زاڭسىز دايىنداۋ, قايتا وڭدەۋ, ساتىپ الۋ, ساقتاۋ, تاسىمالداۋ, جونەلتۋ نە وتكىزۋ» بويىنشا سوتقا دەيىنگى تەرگەپ-تەكسەرۋدىڭ بىرىڭعاي تىزىلىمىنە ەنگىزىلدى. كۇدىكتىگە قاتىستى كۇزەتپەن ۇستاۋ تۇرىندەگى بۇلتارتپاۋ شاراسى تاڭدالدى», دەپ ناقتىلادى سقو پد ەسىرتكى قىلمىسىنا قارسى ءىس-قيمىل باسقارماسى باستىعىنىڭ مىندەتىن اتقارۋشى يۆان تەرزيدي.
