ەلوردا • 08 جەلتوقسان، 2021

«استانا بالەت» تەاترى «ارناۋ» سيمفونيالىق مۋزىكا كەشىن ۇسىنادى

68 رەت كورسەتىلدى

قازاقستان رەسپۋبليكاسى مادەنيەت جانە سپورت مينيسترلىگى نۇر-سۇلتان قالاسى اكىمدىگىنىڭ قولداۋىمەن جانە «استانا بالەت» تەاترىمەن بىرلەسىپ، جامبىل اتىنداعى قازاق مەملەكەتتىك فيلارمونياسىنىڭ جوباسى - قازاقستان رەسپۋبليكاسى تاۋەلسىزدىگىنىڭ 30 جىلدىعىنا «ارناۋ» اتتى سيمفونيالىق مۋزىكا كەشىن ۇسىنادى، دەپ حابارلايدى Egemen.kz.

11 جەلتوقسان كۇنى ەلورداداعى «استانا بالەت» تەاترىنىڭ ساحناسىندا ليدس قالاسىنداعى ( ۇلىبريتانيا) بەدەلدى حح حالىقارالىق پيانيستەر بايقاۋىنىڭ لاۋرەاتى، فەنومەنالدى قازاقستاندىق پيانيست ءالىم بەيسەمباەۆتىڭ قاتىسۋىمەن قر مەملەكەتتىك اكادەميالىق سيمفونيالىق وركەسترىنىڭ كونتسەرتى وتەدى.

ءالىم بەيسەمباەۆتىڭ جەڭىسى بۇكىل الەمدىك كلاسسيكالىق مۋزىكا قاۋىمى ءۇشىن تىڭ سەرپىن بولعانى ءسوزسىز.

سوڭعى جىلدارى قازاقستاندىقتاردىڭ ونەر سالاسىنداعى جەتىستىكتەرى كۇللى عالامدى تاڭ قالدىرۋدا.

جاس پيانيست ءالىم بەيسەمباەۆتىڭ دا كلاسسيكالىق مۋزىكادا ورىنداۋشىلىق بيىگىنە جەتىپ، ەڭ بەدەلدى حالىقارالىق بايقاۋدىڭ جەڭىمپازى اتانعانى ەلىمىز ءۇشىن ۇلكەن جەتىستىك.

ءالىم قازىرگى ۋاقىتتا پروفەسسورلار ۆانەسسا لاتارش پەن دميتري الەكسەەۆتىڭ جەتەكشىلىگىمەن كورولدىك مۋزىكالىق كوللەدجدە ماگيستراتۋرادا وقيدى.

ەلوردا تورىندە وتەتىن كونتسەرت كورەرمەندەرگە جاقسى كوڭىل-كۇي سىيلاپ، ەرەكشە اسەرگە بولەيتىنى ءسوزسىز.

سوڭعى جاڭالىقتار

مۇناي باعاسى كوتەرىلە مە؟

ەكونوميكا • كەشە

الاشوردا وفيتسەرى

قازاقستان • كەشە

471 مىڭ دوللارعا ساتىلدى

ادەبيەت • كەشە

شابىت پەن شاراپ

ادەبيەت • كەشە

ۇقساس جاڭالىقتار