شولاققورعانعا بەينەباقىلاۋ ورناتىلدى

جاقىندا سوزاق اۋدانىنىڭ ورتالىعى شولاققورعان اۋىلىندا بەينەباقىلاۋ قوندىرعىلارىنىڭ ورتالىق جۇيەسىنىڭ اشىلۋ ءراسىمى ءوتتى. وسى جىلدان باستاپ اۋدان اكىمى امانعالي ايمۇرزاەۆتىڭ باس­تاماسىمەن جەرگىلىكتى حالىقتىڭ تىنىشتىعى مەن ءتارتىبىن قاداعالاپ, قۇقىق بۇزۋشىلىقتىڭ الدىن الۋ ماقساتىندا اۋداندىق بيۋدجەت ەسەبىنەن 43 ميلليون تەڭگەگە 24 بەينەباقىلاۋ قوندىرعىلارى الىنىپ, نەگىزگى نىساندارعا ورناتىلىپ, ىسكە قوسىلعان بولاتىن. وڭتۇستىك قازاقستان وبلىسىنا ارنايى ىسساپارمەن كەلگەن ىشكى ىستەر ءمينيسترىنىڭ ورىنباسارى ەرلىك كەنەنباەۆ جاقىندا سوزاق اۋدانىندا بولىپ, ەل ىشىندەگى ءتارتىپ پەن رەتتىلىكتىڭ دەڭگەيىمەن تانىسىپ, اۋداندىق ىشكى ىستەر ءبولىمى قىزمەتكەرلەرىنىڭ جۇمىس جۇيەسىن كوردى. جانە جىلقى جىلىن جا­عىمدى جاڭالىقپەن باستاپ, وزىق تەحنولوگيالىق قوندىرعىلارمەن جابدىقتالعان اۋداندىق ىشكى ىستەر ءبولىمىنىڭ ورتالىق جۇيەسىنىڭ اشىلۋ راسىمىنە قاتىستى. اۋداندىق ىشكى ىستەر ءبولىمىنىڭ باستىعى ج. الىمبەكوۆ ۆيتسە-مينيسترگە اۋدان ورتالىعىنىڭ نەگىزگى 24 نۇكتە­سىنە ورناتىلعان بەينەباقىلاۋ جۇمىسىنىڭ شارتتى ورىنداۋلارى مەن باقىلاۋ جاساپ وتىرعان وپەراتورلاردىڭ ءىس-ارەكەتتەرىنىڭ جەلىسىن ءتۇسىندىردى. سونداي-اق, بولىمدەگى جەدەل توپتىڭ شۇعىل ءىس-قيمىلدارىن بەينەباقىلاۋ ارقىلى كورسەتتى. «مۇنداي بەينەباقىلاۋ قوندىرعىلارى رەسپۋبليكا كولە­مىندە وبلىس ورتالىقتارى مەن ۇلكەن قالالاردا ورناتىلعانىمەن, اۋداندار بويىنشا ءبىرىنشى رەت وسى سوزاق اۋدانىندا ورناتىلىپ تۇر. وسىنداي يگى ىسكە قولداۋ تانىتقان اۋدان اكىمى امانعالي ايمۇرزاەۆقا ريزاشىلىعىمىزدى بىلدىرەمىز. بۇل جۇيە ءبىرىنشى كەزەكتە ەل ىشىندەگى قۇقىق بۇزۋشىلىقتىڭ الدىن الۋعا, قوعامدىق ءتارتىپتىڭ ساقتالۋىنا ۇلكەن اسەرىن تيگىزەدى» دەگەن ءمينيستردىڭ ورىنباسارى ە.كەنەنباەۆ قۇقىق قورعاۋ ورگانى قىزمەتكەرلەرىنىڭ الداعى ءىس-ارەكەتتەرىنە ساتتىلىك تىلەپ, اۋدان اكىمى ا.ايمۇرزاەۆقا ءىش­كى ىستەر ءمينيسترىنىڭ بۇيرىعىمەن بەلگىلەنگەن «قر ىشكى ىستەرى سالاسىنا 20 جىل» مەرەيلى مەدالىن تاپسىردى. وسىن­داي ماراپاتقا سوزاق اۋداندىق ىشكى ىستەر ءبولىمىنىڭ باستىعى, پوليتسيا پودپولكوۆنيگى ج.الىمبەكوۆ تە يە بولدى. نۇرجامال مايۋسوۆا. وڭتۇستىك قازاقستان وبلىسى.