بۇل تۋرالى The Sydney Morning Herald سايتى جازادى.
اۋستراليا پرەمەر-ءمينيسترى سكوتت مورريسون سيدنەيدەگى ءباسپاسوز ءماسليحاتىندا اۋستراليا اتىنان رەسمي وكىلدەر قىسقى وليمپيادا ويىندارىنا قاتىسپايتىنىن ءتۇسىندىردى. سونىمەن قاتار, ەل نامىسىن قورعايتىن قۇراماسى باسىندا جوسپارلانعانداي سپورتتىق ءىس-شاراعا قاتىسادى.
مورريسوننىڭ ايتۋىنشا, بويكوت تۋرالى شەشىمدى ۇكىمەت شىڭجاڭ-ۇيعىر اۆتونوميالىق اۋدانىنداعى بولجامدى ادام قۇقىقتارىنىڭ بۇزىلۋىنا, سونداي-اق, قىتايدىڭ اۋستراليانىڭ ىشكى ىستەرىنە ارالاسۋىنا قاتىستى بىرقاتار باسقا ماسەلەلەرگە بايلانىستى قابىلداعان. سونداي-اق, بەيجىڭنىڭ اۋسترالياعا قارسى ساۋدا سانكتسيالارىنا دا نازار اۋداردى.
ەسكە سالايىق, 6 جەلتوقساندا اقش بەيجىڭدەگى 2022 جىلعى وليمپياداعا ديپلوماتيالىق بويكوت جاريالادى, بۇل رەسمي تۇلعالاردىڭ ويىندارعا بارۋدان باس تارتۋىن بىلدىرەدى. اقش-تان كەيىن جاڭا زەلانديا بيلىگى XXIV قىسقى وليمپيادا ويىندارىنا قاتىسۋدان باس تارتتى.
