قازاقستان • 08 جەلتوقسان، 2021

جاستار تاۋەلسىزدىكتىڭ قادىرىن تۇسىنسە يگى

28 رەت كورسەتىلدى

تاۋەلسىز مەملەكەتىمىزدىڭ 30 جىلدا ءجۇرىپ وتكەن جولى وردا بۇزار جاستاعى ازاماتتىڭ عۇمىرىمەن تەڭ. وسى ۋاقىت ارالىعىندا ەلباسىنىڭ اتقارعان ىستەرى، كوتەرگەن باس­تامالارى قازاقستاننىڭ زاماناۋي جىلناماسىندا ويىپ تۇرىپ ورىن الارىنا شاك كەلتىرمەيمىن. تۇڭعىش پرەزيدەنتتىڭ تاعىلىمدى ماقالاسىندا، اسىرەسە، جاستار دەن قويىپ، وقيتىن قۇندى دۇنيە از ەمەس.

ەگەمەندىكتىڭ العاشقى جىل­دارى جاقسى ەسىمدە. 1991 جىلى قى­زىل ارميا قاتارىنا شاقى­رى­لىپ، 1993 جىلى تاۋەلسىز قازاق­ستان­نىڭ قارۋلى كۇشتەرىنىڭ قۇرا­مىندا بورىشىمدى وتەپ شىق­تىم. سول كەزەڭدە ەلىمىزدەگى جاع­داي قانداي ەدى؟ وداق تاراعان بويدا ونەركاسىپ ورىندارىندا ءوندىرىس تۇراقتاپ، اۋىل شارۋاشى­لى­عى­نىڭ جاعدايى مۇشكىل بولا­تىن. جۇمىسسىزدىق بەلەڭ الدى. كوپشىلىك مەنەن «30 جىلدا ا­ت­قارىلعان شارۋاعا قانداي باعا بەرەر ەدىڭ» دەپ سۇراعاندا ايتا­رىم، بۇل ۋاقىتتا ىسكە اسىرىلعان اۋقىمدى جۇمىستىڭ بارلىعى نۇرسۇلتان ءابىش ۇلى نازارباەۆتىڭ اتقارعان قاجىرلى ەڭبەگى مەن ساليقالى ساياساتىنىڭ جەمىسى. ءوز باسىم ەلباسى قولعا العان بارلىق ىسكە زور قۇرمەتپەن قارايمىن!

نۇرسۇلتان نازارباەۆ ءوز ماقا­لاسىندا ايتقانداي، ءبىز – كوشپەندى حالىقتىڭ ۇرپاعىمىز. وسىنداي ۇلان-عايىر دالانى بىزگە اماناتتاپ، تابىستاعان بابالارىمىزدىڭ الدىندا بورىشتارمىز. كولەمدىلىگى جاعىنان الەمدە 9-ورىن الاتىن مەملەكەتتى قاناتتىعا قاقتىرماي، تۇمسىقتىعا شوقىتتىرماي ۇستاۋ وڭاي ەمەس.

راس، قازىر دۇنيە جۇزىندە ءوز ال­دى­نا تۋ تىگىپ، مەملەكەت قۇرۋدى ار­­مان­­داپ وتىرعان حالىقتار قان­شاما؟! سوندىقتان دا باردى بار دەپ باعالاعانىمىز دۇرىس دەپ ەسەپتەيمىن.

اسىرەسە، اتالعان ماقالانى جاس­تار زەيىن قويىپ، وقىپ شىقسا ارتىق بولمايدى. بۇگىنگى جاستار باقىتتى ۇرپاق دەپ ايتۋعا تولىق نەگىز بار. نەگە دەسەڭىز، ولاردىڭ قازىر كەز كەلگەن مەملەكەتكە سايا­حاتتاپ، ءبىلىم الىپ، وزىق يدەيا­لارىن جۇزەگە اسىرۋعا تولىق مۇم­كىندىگى بار. مىنە وسىنىڭ ءبارى ەگە­مەندىكتىڭ جەمىسى دەمەي نە دەي­سىز؟ تاۋەلسىزدىك وڭاي جولمەن كەل­مەدى. سوندىقتان وسى باعىمىزعا بۇيىر­عان دەربەستىگىمىزدى ساقتاپ، ونى كەلەر ۇرپاققا اماناتتاۋ – ءسىز بەن ءبىزدىڭ پارىزىمىز. ەلىمىزدىڭ بولاشاعى جارقىن بولسىن دەسەك، وزگەرىستى ءار ادام الدىمەن وزىنەن باستاعان ءلازىم. بۇگىنگى ۇرپاق زاما­ناۋي قازاقستاننىڭ جىلناماسى قالاي باستالعانىن بىلسە، ەلىمىزدەن جىراقتاماي، ونى وركەندەتۋ ءۇشىن اتسالىسادى دەگەن ويدامىن.

 

قۋانىش سۇلەيمەنوۆ،

Qazaq Aqbas رەسپۋبليكالىق پالاتاسىنىڭ توراعاسى

سوڭعى جاڭالىقتار

ۇقساس جاڭالىقتار