قازاقستان • 08 جەلتوقسان، 2021

باسىمىزداعى باقتى باعالاي بىلەيىك

37 رەت كورسەتىلدى

ەلباسى نۇرسۇلتان نازارباەۆ ءوزىنىڭ «تاۋەلسىزدىك تاعىلىمى» اتتى ماقالاسىندا تاۋەلسىزدىك جولىنداعى قيىن قىستاۋ كەزەڭدەردى ايرىقشا تەبىرەنىسپەن بايانداپ، وي تولعاعان. ەلباسى ماقالاسى ەگەمەندىگىمىزدىڭ وتكەن تاريحىنا قايتا ءۇڭىلىپ شىعۋعا جانە ونىڭ ءاربىر جىلىنداعى جالىندى ىستەردى سارالاۋعا جەتەلەيدى.

شىندىعىندا، تاۋەلسىزدىكتىڭ ارقا­سىندا قازاق ەلى بارىمەن قايتا تابىسىپ، ءتىلىن ءتىرىلتتى، ءدىنىن قايتارىپ، تاريحىن تۇگەندەدى. ەلباسى ن.نازارباەۆ اتاپ وتكەندەي، تاۋەلسىزدىكتى جاريالاۋ ءبىر باسقا بولسا، ونى ۇستاپ تۇرۋ، مىعىم ەتۋ ودان دا كۇردەلى، بۇرىنعىدان دا قيىن ماسەلە بولعانى انىق. ەلباسى ءوز ماقالاسىندا ايتقانداي «تاۋەلسىز­دىگى­مىزدى جاريالاعاندا ءبىزدىڭ ءوز ۆاليۋ­تا­مىز دا جوق ەدى. الەمدىك قارجى نارى­عىن مۇقيات زەرتتەي كەلىپ، ۇلتتىق تەڭ­گە­­مىزدى دە دەر كەزىندە اينالىمعا ەن­گىز­­دىك». راسىندا، وداق ىدىراعاننان كە­يىن قازاقستانعا تيگەن باستى مۇرا جۇيەلى داعدارىس بولدى. ءبىزدىڭ ەنشىمىز­گە باسە­كەگە قابىلەتسىز ەكونوميكا، باسقارۋ­دىڭ ەسكىلىكتى جۇيەسى جانە قول-اياعى قۇر­ساۋلى مەملەكەتتىك اپپارات ءتيدى. بۇل ءبىز باستان وتكەرگەن العاشقى ەڭ اۋىر دا سوزىلمالى داعدارىس بولدى. سول كەزدە ءبىز، قيىنشىلىقتارعا توتەپ بە­رىپ قانا قويماي، سونىمەن بىرگە، ماكرو­ەكونوميكالىق تۇراقتىلىقتى قام­تا­­ماسىز ەتىپ، ۇزاق مەرزىمدى ستراتە­گيا­­لىق ماقساتتار، بەتبۇرىستىق سيپات­تاعى رەفورمالار جۇرگىزدىك. ءبىزدىڭ مەم­لەكەت تاۋەلسىزدىكتىڭ 30 جىلىندا ەكونو­ميكالىق، الەۋمەتتىك قۋاتتى رەفورمالاردى جەدەل دە ءتيىمدى ىسكە قوسقان ەل اتاندى. ءبىز، بۇل جەتىستىگىمىزگە ۇلت پەن ۇلىستىڭ تاتۋلىعى، دەموكراتيانىڭ بەرىك نەگىزدەرى مەن وتانداستارىمىزدىڭ جانقيارلىق ەڭبەگى ارقاسىندا قول جەتكىزدىك.

شىن مانىندە، تاۋەلسىزدىككە قول جەت­كىزگەن ساتتەن باستاپ، اسا ماڭىزدى تاريحي شەشىمدەر قابىلداندى. ولاردىڭ ءبىرى ەلىمىزدىڭ اتوم قارۋىنان ءوز ەركىمەن باس تارتۋى بولدى. بۇل الەم تاريحىنداعى ما­ڭىزدى شەشىمدەردىڭ ءبىرى ەدى. وسى­لايشا ءبىزدىڭ ەل بەيبىتشىلىك ورداسىنا اينالدى.

ەلباسىمىز تاۋەلسىزدىك جولىندا ايانباي تەر توگىپ، تاۋەلسىزدىگىمىزدى تۇعىر­­لى ەتىپ، ەلىمىزدى ودان ءارى وركەندەتۋ جولىن­دا ەل بىرلىگى مەن كەلەشەگى ءۇشىن قىز­مەت ەتۋدە. تاۋەلسىز­دىككە قول جەتكىز­گەن سوڭ، ءبىز ءوز شەكارامىزدى نىق شە­گەن­دەپ، الپاۋىت ەلدەرمەن قارىم-قاتى­ناستى باستادىق.

ەلباسى ءوز ماقالاسىندا وسى قيىن كەزەڭدەردە قابىلدانعان شەشىمدەر مەن باستامالارعا ەرەكشە توقتالعان. سونداي باستامالاردىڭ ءبىرى «بولاشاق» باعدارلاماسى بولدى. جاھاندىق ارەنادا باسەكەگەگە قابىلەتتى، كاسىپقوي مامان­داردى دايارلاۋ ماقساتىندا «بولا­شاق­پەن» وقىتقان ستۋدەنتتەرىمىز قازىرگى كەزدە ەلىنە ايانباي قىزمەت ەتىپ، ءوز بىلىم­دەرىن حالىقارالىق دارەجەدە كورسەتۋدە.

قايسار حالقىمىز بەن كەمەڭگەر ەلباسىمىزدىڭ ارقاسىندا از ۋاقىتتا تەرەزەسى الەمنىڭ الپاۋىت ەلدەرىمەن تەڭ مەملەكەتكە اينالدىق.

قازىرگى زامان بىلىمدىلەردىڭ زامانى. كەلەشەك ۇرپاق اتا-بابالارى بىلەكتىڭ كۇشىمەن ساقتاپ قالعان جەرىن قالامنىڭ ۇشىمەن، وتكىر بىلىمىمەن كوركەيتۋى قاجەت.

سونىمەن قاتار ءوز ماقالاسىندا ەلباسى، «ەڭ باستىسى – ەلىمىز امان، ۇر­پا­عى­مىز ازات. ءبىز الاقانعا سالىپ وسىر­گەن سول ازات ۇرپاق ەندىگى جەردە «مەن قازاقستانىما نە بەرەمىن؟» دەگەندى ويلاۋى كەرەك»، دەدى.

راسىندا قازىرگى اشىق اسپان مەن تاۋەلسىز ءومىر وڭاي جولمەن كەلگەن جوق. ەندى، وسى تاۋەلسىزدىگىمىزدى نىعايتۋ ماق­­ساتىندا ايانباي ەڭبەك ەتىپ، وسكەلەڭ ۇر­پاق­قا ۇلگى بولۋ ءبىزدىڭ مىندەت. ەلباسى­مىز­دىڭ ماقالاسى، حالقىمىزعا ونەگە، كەلەشەك ۇرپاققا تاريح بولارى ءسوزسىز.

مەملەكەتىمىزدىڭ مىزعىماستىعى مەن، تاۋەلسىزدىگىمىزدىڭ تۇعىرىن ءوز قال­­­پىن­دا ۇستاپ، كوك تۋىمىزدىڭ جەل­بى­­رەۋىنە اتسالىسىپ، باسقا قونعان باقتى باعالاي ءبىلۋ ءار ازاماتتىڭ مىندەتى.

ەل­با­سى­مىزدىڭ كەمەل ساياساتى قاشان دا جالعاسىن تاۋىپ، حالقىمىز­دى جار­قىن بولاشاققا جەتەلەيتىنى ءسوزسىز. ەگەمەن ەلدىڭ ەڭسەسى بيىك، ازات ەلدىڭ اسپانى اشىق بولسىن!

 

ناريمان تورەعاليەۆ،

سەنات دەپۋتاتى، 

الەۋمەتتىك-مادەني دامۋ جانە عىلىم كوميتەتىنىڭ حاتشىسى

سوڭعى جاڭالىقتار

نگاننۋ ءجۋرناليستىڭ اۋزىن جاپتى

جەكپە-جەك • بۇگىن، 18:00

ۇقساس جاڭالىقتار