تاريح • 07 جەلتوقسان، 2021

ۆيلنيۋستە ليتۆا تىلىنە اۋدارىلعان «قازاقستان تاريحى» كىتابىنىڭ تۇساۋكەسەرى ءوتتى

35 رەت كورسەتىلدى

مارتيناس ماجۆيداس اتىنداعى ليتۆا ۇلتتىق كىتاپحاناسىندا ليتۆا تىلىنە اۋدارىلعان «قازاقستان تاريحى» كىتابىنىڭ تۇساۋكەسەرى ءوتتى، دەپ جازادى Egemen.kz.

قر ەلشىسى ۆيكتور تەمىرباەۆ قازاقستان تاۋەلسىزدىگىنىڭ 30 جىلدىعىنا ورايلاستىرىلعان ءىس-شارانى اشا وتىرىپ، بۇل قازاقستان-ليتۆا مادەني قاتىناسىنداعى ماڭىزدى وقيعا ەكەنىن اتاپ ءوتتى. ليتۆالىق وقىرماندار قازاق حالقىنىڭ ەجەلگى داۋىردەن بۇگىنگى كۇنگە دەيىنگى تاريحى، سونداي-اق ونىڭ بوستاندىعى مەن تاۋەلسىزدىگى ءۇشىن كۇرەسى تۋرالى بىلە الادى.

ديپلومات قوناقتاردى قازاقستاننىڭ تۇڭعىش پرەزيدەنتى – ەلباسى نۇرسۇلتان نازارباەۆتىڭ دايەكتى جانە كورەگەن ساياساتىنىڭ ارقاسىندا قول جەتكىزىلگەن ەلىمىزدىڭ ءۇش ونجىلدىقتاعى تابىستارىمەن تانىستىردى. ەلشى پرەزيدەنت قاسىم-جومارت توقاەۆ باعىتىنىڭ ساباقتاستىعىن اتاپ ءوتىپ، ەلىمىزدە جۇرگىزىلىپ جاتقان ساياسي رەفورمالار مەن ازاماتتاردىڭ ءال-اۋقاتىن جاقسارتۋ جونىندەگى ۇكىمەتتىڭ شارالارى تۋرالى اقپارات بەردى.

كىتاپ اۆتورى، قر ءبىلىم جانە عىلىم مينيسترلىگى مەملەكەت تاريحى ينستيتۋتىنىڭ ديرەكتورى ەركىن ءابىل ءوزىنىڭ بەينەۇندەۋىندە بۇل باسىلىمنىڭ نەگىزگى ماقساتى - وقىرمانداردى ۇلى دالا وركەنيەتىنىڭ تاريحىمەن تانىستىرۋ ەكەنىن اتاپ ءوتتى. ە.ءابىلدىڭ ايتۋىنشا، سوڭعى جىلدارى رەسپۋبليكا باسشىلىعى قازاقستان تاريحىنىڭ اسپەكتىلەرىن عىلىمي تۇرعىدان زەرتتەۋگە كوپ كوڭىل ءبولىپ كەلەدى.

ليتۆا تىلىنە اۋدارىپ، كىتاپ باسىپ شىعارعان «جارا» باسپا ءۇيىنىڭ باسشىسى رامۋتە جانداريەنە ءوز سوزىندە ەكى ەل حالىقتارىنىڭ تاريحىنداعى ورتاق بايلانىستاردى اتاپ ءوتتى.

«ليتۆا مەن قازاقستان تاريحي وقيعالاردى جاقىنداستىردى - كوپتەگەن ليتۆالىقتار كەڭەس زامانىندا قازاقستانعا جەر اۋدارىلدى. ليتۆالىقتار مۇنى ءاردايىم ەستە ساقتايدى جانە ەڭ قيىن تاريحي كەزەڭدەگى قازاق حالقىنىڭ كومەگىن جوعارى باعالايدى»، دەدى كىتاپ باسپاگەرلەرى.

ليتۆا سەيمىنىڭ قازاقستانمەن پارلامەنتارالىق بايلانىستار توبىنىڭ توراعاسى ەدمۋنداس پۋپينيس ءوز سوزىندە رەسپۋبليكامىزدىڭ تاۋەلسىزدىك جىلدارىنداعى الەۋمەتتىك-ەكونوميكالىق سالاداعى جەتىستىكتەرىن، سونداي-اق قازاقستاندا تاياۋدا بولعان ساياسي وزگەرىستەردى جوعارى باعالادى. ونىڭ ايتۋىنشا، ۇسىنىلعان كىتاپ ليتۆا مەن قازاقستان حالىقتارى اراسىنداعى گۋمانيتارلىق بايلانىستاردىڭ دامۋىنا ەلەۋلى ۇلەس قوسادى.

اشىلۋ سالتاناتىنا سەيمنىڭ دەپۋتاتتارى، سىرتقى ىستەر مينيسترلىگىنىڭ، ىسكەرلىك جانە اكادەميالىق ورتا وكىلدەرى، قازاقستاننىڭ قۇرمەتتى كونسۋلدارى، مادەنيەت قايراتكەرلەرى جانە قازاقستاندىق ستۋدەنتتەر قاتىستى.

كىتاپتاردىڭ كوشىرمەلەرى ليتۆانىڭ جەتەكشى ۋنيۆەرسيتەتتەرىنىڭ كىتاپحانا قورلارىنا جانە ۆيلنيۋس، كلايپەدا جانە كاۋناس ورتالىق قالالىق كىتاپحانالارىنا جىبەرىلەدى.

سوڭعى جاڭالىقتار

مۇناي باعاسى كوتەرىلە مە؟

ەكونوميكا • بۇگىن، 23:15

بيلىك جانە ۇلت مەنتاليتەتى

قازاقستان • بۇگىن، 22:54

استاناداعى العاشقى مەشىت

رۋحانيات • بۇگىن، 22:42

الاشوردا وفيتسەرى

قازاقستان • بۇگىن، 22:32

471 مىڭ دوللارعا ساتىلدى

ادەبيەت • بۇگىن، 22:19

شابىت پەن شاراپ

ادەبيەت • بۇگىن، 22:13

ديلەتانتتان داۋىرگە دەيىن

ادەبيەت • بۇگىن، 21:57

ەرتەڭ اۋا رايى قانداي بولادى؟

قازاقستان • بۇگىن، 16:20

ۇقساس جاڭالىقتار