قازاقستان • 07 جەلتوقسان، 2021

قازاقستاندا «اقىلدى» فەرمالار سالىنۋى مۇمكىن

68 رەت كورسەتىلدى

وڭتۇستىك كورەيا قازاقستانمەن «اقىلدى» فەرمالار سالۋ تاجىريبەسىمەن بولىسۋگە نيەتتى. بۇل تۋرالى «كورەيا - ورتالىق ازيا» دوستىق قاۋىمداستىعىنىڭ ءۇشىنشى وتىرىسىندا بەلگىلى بولدى، دەپ حابارلايدى Egemen.kz.

«حابار 24» ارناسىنىڭ مالىمەتىنشە، ونلاين-فورۋم اۋىل شارۋاشىلىعى سالاسىن جان-جاقتى دامىتۋعا ارنالعان. وندا قازاقستان، كورەيا، قىرعىزستان، تاجىكستان جانە تۇرىكمەنستان وكىلدەرى ءسوز سويلەپ، پىكىرلەرىن ورتاعا سالدى.

پروفەسسور لي ەن بومنىڭ ايتۋىنشا، كورەيا پروۆينتسيالارىندا جۇمىس كۇشى جەتىسپەيدى، ال ءبىزدىڭ رەسپۋبليكامىزدا ادامي رەسۋرس پەن كەڭبايتاق اۋماق جەتكىلىكتى.

«كورەيانىڭ اۋىل شارۋاشىلىعىندا جۇمىس جاسايتىنداردىڭ 45%-ى 60 جاستان اسقان ادامدار. ەۋروپادا دا ءدال سونداي جاعداي. جاستار اۋىل شارۋاشىلىعى سالاسىندا جۇمىس ىستەگىسى كەلمەيدى. ورتالىق ازيادا جاستار كوپ. ولاردى «اقىلدى» فەرمالاردا جۇمىس ىستەۋگە تارتۋعا بولادى. ولار جاڭا تەحنولوگيالارمەن جانە ۇلكەن دەرەكتەرمەن تانىسادى. بۇل ورتالىق ازياداعى «اقىلدى» فەرمالاردى دامىتۋعا كومەكتەسەدى»، دەدى سەۋل قالالىق ۋنيۆەرسيتەتىنىڭ پروفەسسورى لي ەن بوم.

سوڭعى جاڭالىقتار

شابىت پەن شاراپ

ادەبيەت • بۇگىن، 22:13

ديلەتانتتان داۋىرگە دەيىن

ادەبيەت • بۇگىن، 21:57

ەرتەڭ اۋا رايى قانداي بولادى؟

قازاقستان • بۇگىن، 16:20

اندرادەنى مۋنگيا الماستىرۋى مۇمكىن

كاسىپقوي بوكس • بۇگىن، 14:25

ۇقساس جاڭالىقتار