پرەزيدەنت • 07 جەلتوقسان، 2021

مەملەكەت باسشىسى تالاس وماربەكوۆتىڭ وتباسىنا كوڭىل ايتتى

2278 رەت كورسەتىلدى

مەملەكەت باسشىسى بەلگىلى عالىم تالاس وماربەكوۆتىڭ وتباسى مەن جاقىن تۋىستارىنا كوڭىل ايتۋ جەدەلحاتىن جولدادى. بۇل تۋرالى پرەزيدەنتتىڭ ءباسپاسوز حاتشىسى بەرىك ءۋالي الەۋمەتتىك جەلىدەگى پاراقشاسىندا مالىمدەدى، دەپ جازادى Egemen.kz.

قاسىم-جومارت توقاەۆ بەلگىلى قوعام قايراتكەرى، عالىم-پەداگوگ، تاريح عىلىمدارىنىڭ دوكتورى، پروفەسسور، ۇلتتىق عىلىم اكادەمياسىنىڭ قۇرمەتتى مۇشەسى تالاس وماربەكوۆتىڭ وتباسى مەن جاقىن تۋىستارىنا كوڭىل ايتتى. 

«ۇزاق جىلدار بويى اباي اتىنداعى قازاق پەداگوگيكا ۋنيۆەرسيتەتىندە جانە ءال-فارابي اتىنداعى قازاق ۇلتتىق ۋنيۆەرسيتەتىندە ۇستازدىق قىزمەت اتقارعان تالاس وماربەك ۇلى وتاندىق عىلىمنىڭ وركەندەۋىنە ەلەۋلى ۇلەس قوستى. تاۋەلسىز قازاق ەلىنىڭ جاڭا تاريحىن قالىپتاستىرۋعا سىڭىرگەن ەڭبەگى وراسان زور. بۇكىل تۇركى دۇنيەسىن، ۇلتىمىزدىڭ شەجىرەسىن، ورتالىق ازيا حالىقتارىنىڭ وركەنيەتكە بەت العان كوشپەلى مادەنيەتىن تەرەڭ زەردەلەدى. تالاس وماربەك ۇلىنىڭ ەسىمى مەن جارقىن بەينەسى حالقىمىزدىڭ، ارىپتەستەرى مەن شاكىرتتەرىنىڭ جادىندا ماڭگى ساقتالادى. مارقۇمنىڭ جانى ءجانناتتا، يمانى سالامات بولسىن»، دەلىنگەن پرەزيدەنتتىڭ جەدەلحاتىندا.

سوڭعى جاڭالىقتار

مۇناي باعاسى ارزاندادى

ەكونوميكا • بۇگىن، 13:23

دوستىق بەسىگى

ايماقتار • بۇگىن، 08:43

ەل كۋبوگى ءۇشىن تالاسادى

فۋتبول • بۇگىن، 08:40

شيرەك فينالدا ۇتىلدى

تەننيس • بۇگىن، 08:39

دايارلىقتارىن پىسىقتادى

حوككەي • بۇگىن، 08:37

ۇقساس جاڭالىقتار