وقيعا • 06 جەلتوقسان، 2021

ەلوردادا 37 كيلوگرامم گاشيش تاركىلەندى

72 رەت كورسەتىلدى

ەلوردادا 37 كەلى گاشيش تاركىلەندى، دەپ حابارلايدى Egemen.kz.

نۇر-سۇلتان قالاسىنىڭ ەسىرتكى قىلمىسىنا قارسى ءىس-قيمىل باسقارماسى گاشيش ساتۋمەن اينالىسىپ كەلگەن قىلمىستىق توپتى اشكەرلەدى. ەسىرتكى ەلدىڭ وڭتۇستىك وڭىرىنەن اكەلىنگەن. ارنايى وپەراتسيا جۇرگىزۋ بارىسىندا گاشيشتى وتكىزۋ ۇستىندە قىلمىستىق توپتى ۇيىمداستىرۋشىلاردىڭ ءبىرى ۇستالدى. ونىڭ كولىگىن ءتىنتۋ كەزىندە 8 كگ 700 گرامم گاشيش الىندى. كەيىننەن ەسىرتكىنىڭ ءىرى پارتيالارىن جەتكىزۋمەن اينالىساتىن توپتىڭ تاعى ەكى مۇشەسى انىقتالدى. ولاردىڭ بىرەۋىنىڭ پاتەرىندەگى بالكوننان ءبىر كگ گاشيش، ەلەكتروندى تارازى جانە ەسىرتكىنى ءبولىپ سالۋعا ارنالعان باسقا دا جاراقتار تابىلدى. ءتىنتۋ كەزىندە ءۇشىنشى فيگۋرانت – قىلمىستىق توپ باسشىسىنىڭ كولىگىنەن 26 كگ-دان استام ەسىرتكى انىقتالدى.

«ودان ءارى، جەدەل ارەكەتتەر كەزىندە پوليتسەيلەر جەرلەستىك قاعيداتى بويىنشا ءوزارا بايلانىستى ەسىرتكى ساۋداسىمەن اينالىساتىن 5 قىلمىسكەردى انىقتادى. ونىڭ ىشىندە ۇشەۋى – ەسىرتكى جەتكىزۋشىلەر. ولار وڭتۇستىك وڭىردەن گاشيشتى جەتكىزىپ، سەنىمدى ادامدار ارقىلى ەلوردادا وتكىزىپ وتىرعان. تىكەلەي ساتۋمەن اينالىساتىن توپتىڭ 2 مۇشەسىنەن شامامەن 200 گرامم گاشيش تابىلدى. سونىمەن قاتار، ۇستالعانداردىڭ ەكى كولىگى مەن ۇيالى تەلەفوندارى تاركىلەندى. تاركىلەنگەن ەسىرتكىنىڭ جالپى سالماعى 37 كگ-دى قۇرادى»، دەلىنگەن پوليتسيا مالىمەتىندە.

ءىىم ەسىرتكى قىلمىسىنا قارسى ءىس-قيمىل دەپارتامەنتىنىڭ باستىعى ەرلان وماربەكوۆ تۇسىندىرگەندەي، بۇل وپەراتسيا قالا پروكۋراتۋراسىنىڭ ۇيلەستىرۋىمەن ءىىم ارنايى بولىمشەسىنىڭ كۇشتەرىن جۇمىلدىرۋ ارقىلى جۇرگىزىلدى.

«قىلمىستىق توپتىڭ بارلىق قاتىسۋشىلارى قاماۋعا الىندى. ولارعا قاتىستى اسا ءىرى كولەمدە ەسىرتكىنى وتكىزۋ، ساقتاۋ جانە تاسىمالداۋ فاكتىسى بويىنشا قىلمىستىق ءىس قوزعالدى. گاشيشتىڭ مۇنداي كولەمىنىڭ زاڭسىز اينالىمى اسا اۋىر قىلمىستارعا جاتادى جانە مۇلكىن تاركىلەي وتىرىپ، 15 جىلدان ءومىر بويىنا دەيىن باس بوستاندىعىنان ايىرۋعا جازالانادى»، دەپ ناقتىلادى پوليتسەيلەر.

 

 

سوڭعى جاڭالىقتار

مۇناي باعاسى ارزاندادى

ەكونوميكا • بۇگىن، 13:23

ۇقساس جاڭالىقتار