قازاقستان • 06 جەلتوقسان، 2021

مۇعالىمدەردىڭ جالاقىسى قىسقاراتىنى راس پا؟

691 رەت كورسەتىلدى

الەۋمەتتىك جەلىلەردە جاڭا جىلدان باستاپ پەداگوگتەردىڭ ەڭبەكاقىسى قىسقاراتىنى تۋرالى بەيرەسمي اقپارات تاراۋدا، دەپ جازادى Egemen.kz.

«الەۋمەتتىك جەلىلەردە جاڭا جىلدان باستاپ پەداگوگتەردىڭ ەڭبەكاقىسى قىسقاراتىنى تۋرالى جالعان اقپارات تارادى. حابارلامادا ەڭبەكاقىنىڭ 25% وسكەنىنە قاراماستان، جاڭارتىلعان باعدارلاما بويىنشا ساباق بەرگەنى ءۇشىن 30%-دان قوسىمشا تولەمدەر الىنىپ تاستالاتىنى ايتىلعان. دەمەك، مۇعالىمدەردىڭ تابىسى 5% تومەندەيدى. بۇل – جالعان اقپارات. جاڭارتىلعان ءبىلىم بەرۋ مازمۇنى ءۇشىن قوسىمشا اقى بۇرىنعىداي تولەنەدى. سونىمەن قاتار كەلەسى جىلدىڭ قاڭتار ايىنان باستاپ مەملەكەت باسشىسى ق.توقاەۆتىڭ تاپسىرماسى بويىنشا پەداگوگتەردىڭ ەڭبەكاقىسى تاعى 25% كوتەرىلەتىنىن ەسكە سالامىز. ايتا كەتەيىن، 2020 جىلى پەداگوگتەردىڭ ەڭبەكاقىسى 25%، 2021 جىلى تاعى 25% ءوستى. بۇدان بولەك، پرەزيدەنتتىڭ قولداۋىنىڭ ارقاسىندا، بىلىكتىلىك ساناتى ءۇشىن قوسىمشا اقى 30-50% دەيىن ۇلعايتىلدى»، دەپ جازدى ءبىلىم جانە عىلىم مينيسترلىگىنىڭ ءباسپاسوز حاتشىسى ءمولدىر ابدۋاليەۆا Facebook پاراقشاسىندا.

سونداي-اق ول مۇعالىمدەرگە داپتەرلەردى تەكسەرۋ جانە سىنىپ جەتەكشىلىگى ءۇشىن ۇستەمەاقىنى ەكى ەسەگە ارتتىرىلعانىن، سونىمەن قاتار تالىمگەرلىك ءۇشىن قوسىمشا اقى تولەۋ سىندى جاڭا سانات پايدا بولعانىن اتاپ ءوتتى. 

«ەل پرەزيدەنتىنىڭ تاپسىرماسى بويىنشا ءبىلىم جانە عىلىم مينيسترلىگى پەداگوگتەردىڭ ەڭبەگىن ىنتالاندىرۋ ماقساتىندا جۇيەلى جۇمىس جۇرگىزۋدە. بارلىق شارالار ءبىلىم بەرۋ ۇيىمدارىن بىلىكتى كادرلارمەن قامتاماسىز ەتۋگە باعىتتالعان. پەداگوگيكالىق باعىتتار بويىنشا وقىتۋدىڭ تارتىمدىلىعىن ارتتىرۋ ءۇشىن وسى ماماندىقتار بويىنشا ءبىلىم الىپ جۇرگەن ستۋدەنتتەردىڭ شاكىرتاقىسى بيىل قىركۇيەك ايىنان باستاپ 42 مىڭ تەڭگەگە دەيىن كوتەرىلدى. جەلىدە تاراعان قاۋەسەتتەرگە سەڭبەڭىزدەر!»، دەپ جازادى ۆەدومستۆو وكىلى.

سوڭعى جاڭالىقتار

دوللار ارزاندادى

ەكونوميكا • بۇگىن، 16:42

ۇقساس جاڭالىقتار