قوعام • 06 جەلتوقسان، 2021

ايەلدەردىڭ زەينەتكە شىعۋ جاسى ۇزارادى

7069 رەت كورسەتىلدى

قازاقستاندا ايەلدەردىڭ زەينەت جاسىن كەزەڭ-كەزەڭىمەن ۇلعايتۋ قولعا الىنۋدا. وسىعان بايلانىستى 2022 جىلدىڭ قاڭتارىنان باستاپ ايەلدەردىڭ زەينەتكە شىعۋ جاسى 60 جاس 6 اي بولىپ بەلگىلەندى، دەپ حابارلايدى Egemen.kz قر ەڭبەك جانە حالىقتى الەۋمەتتىك قورعاۋ مينيسترلىگىنىڭ ءباسپاسوز قىزمەتىنە سىلتەمە جاساپ.

بۇگىندەرى ەلىمىزدىڭ زەينەتاقى جۇيەسىنە بىرقاتار وزگەرىس ەنگىزىلىپ جاتىر. سولاردىڭ ءبىرى – ايەلدەردىڭ زەينەت جاسىن ۇلعايتۋ. «قازاقستان رەسپۋبليكاسىندا زەينەتاقىمەن قامسىزداندىرۋ تۋرالى» قر زاڭىنىڭ 11-بابىنا سايكەس ايەلدەردىڭ زەينەت جاسى 2027 جىلعا دەيىن جىل سايىن 6 ايعا ۇلعايتىلىپ وتىرادى.

بۇل وزگەرىستى جۇزەگە اسىرۋ ءۇشىن 2018-2027 جىلدار ارالىعىنداعى 10 جىل ىشىندە ايەلدەردىڭ زەينەت جاسىن كەزەڭ-كەزەڭىمەن 63 جاسقا دەيىن جەتكىزۋ جوسپارلانعان. ياعني بيىل قازاقستاندىق ايەلدەر 60 جاستا زەينەتكە شىققان بولسا، 2022 جىلدىڭ 1 قاڭتارىنان باستاپ 60 جاس 6 اي بولعان كەزدە عانا زەينەتكە شىعا الادى.

قر ەڭبەك مينيسترلىگىنىڭ مالىمەتىنشە ايەلدەردىڭ زەينەت جاسىن كەزەڭ-كەزەڭمەن ۇلعايتۋ كوزدەلگەن:

2018 جىلعى 1 قاڭتاردان باستاپ – 58،5 جاسقا تولعاندا;

2019 جىلعى 1 قاڭتاردان باستاپ – 59 جاسقا تولعاندا;

2020 جىلعى 1 قاڭتاردان باستاپ – 59،5 جاسقا تولعاندا;

2021 جىلعى 1 قاڭتاردان باستاپ – 60 جاسقا تولعاندا;

2022 جىلعى 1 قاڭتاردان باستاپ – 60،5 جاسقا تولعاندا;

2023 جىلعى 1 قاڭتاردان باستاپ – 61 جاسقا تولعاندا;

2024 جىلعى 1 قاڭتاردان باستاپ – 61،5 جاسقا تولعاندا;

2025 جىلعى 1 قاڭتاردان باستاپ – 62 جاسقا تولعاندا;

2026 جىلعى 1 قاڭتاردان باستاپ – 62،5 جاسقا تولعاندا;

2027 جىلعى 1 قاڭتاردان باستاپ – 63 جاسقا تولعاندا.

وسىعان وراي 1961 جىلدىڭ ەكىنشى جارتىسىندا دۇنيەگە كەلگەن نازىك جاندار 2021 جىلدىڭ سوڭىنا دەيىن زەينەتاقى تولەمدەرىن تاعايىنداۋعا ءوتىنىش بەرۋلەرى قاجەت. ءوتىنىش بەرىپ ۇلگەرمەگەن جاعدايدا تەك جارتى جىلدان كەيىن، ياعني 2022 جىلدىڭ شىلدە ايىنان كەيىن عانا زەينەتتىك دەمالىسقا شىعا الادى.

ەڭبەك مينيسترلىگى ءوتىنىش بەرىلگەن كۇننەن باستاپ 10 جۇمىس كۇنى ىشىندە قارالاتىنىن ەسكەرتەدى.

سوڭعى جاڭالىقتار

الماتىدا ەپيداحۋال كۇردەلەنىپ بارادى

كوروناۆيرۋس • بۇگىن، 11:00

«سارى» ايماقتا تۇركىستان وبلىسى تۇر

كوروناۆيرۋس • بۇگىن، 09:10

كوروناۆيرۋس قايتا كۇشەيدى

كوروناۆيرۋس • بۇگىن، 08:54

وڭتايلىسى – ونلاين وقۋ

ايماقتار • بۇگىن، 08:53

ساپا ارتپايىنشا، سۋبسيديا جوق

ايماقتار • بۇگىن، 08:45

كوروناۆيرۋس قايتا ءورشىدى

الەم • بۇگىن، 08:42

ۆيرۋس جۇقتىرۋ ازايماي تۇر

كوروناۆيرۋس • بۇگىن، 08:30

اسىعىس شەشىم

قازاقستان • بۇگىن، 08:15

كومەك كورسەتىلەدى

قوعام • بۇگىن، 08:10

قور ستراتەگياسى ازىرلەنەدى

قازاقستان • بۇگىن، 08:00

ۇقساس جاڭالىقتار