تاۋەلسىزدىكتىڭ 30 جىلدىعى • 06 جەلتوقسان، 2021

تاۋەلسىز مەملەكەتتەر دوستاستىعى قالاي قۇرىلدى؟

64 رەت كورسەتىلدى

تۇڭعىش پرەزيدەنت – ەلباسى نۇرسۇلتان نازارباەۆ قازاقستان تاۋەلسىزدىگىن جاريالاۋ كەزىندەگى ەستەلىكتەرىمەن ءبولىستى، دەپ حابارلايدى Egemen.kz.

«بۇل ءبارىمىز كوپتەن كۇتكەن اي­شىق­­­تى مەزەت، تاريحي وقيعا ەدى. تاۋەل­سىز­­دىك بىزگە وڭايلىقپەن كەلگەن جوق. ال­دىن الا ويلاس­تىرۋمەن، زور ۇيىمداس­تىرۋ­­شى­­لىقپەن، قاپىسىز دايىندىقپەن جۇزەگە استى. ءبىز تاۋەلسىزدىككە بەيبىت جولمەن قول جەتكىزسەك تە، وعان بارار جولدا بابالار قانى از توگىلگەن جوق. تاۋەلسىزدىك سول كيەلى قاننىڭ وتەۋى ەدى»، دەپ جازادى نۇرسۇلتان نازارباەۆ.

ەلباسى ەلىمىزدىڭ تاۋەلسىزدىگى بيىك دەڭگەيدە مويىندالۋىن الدىن الا ويلاستىرىپ، بار كۇش-جىگەرىن سول ماقساتقا باعىندىرعانىن ايتادى.

«قازاقستان تاۋەل­سىزدىگىن جاريالاعان كۇننىڭ ەرتەڭىندە ەلىمىزگە رەسمي ساپارمەن اقش-تىڭ مەملەكەتتىك حاتشىسى دج.بەيكەردىڭ ءوزى كەلدى. بۇل ونىڭ قازاقستانعا ەكىنشى ساپارى بولاتىن. وسى ۋاقىت ىشىندە ەكەۋمىز ءوزارا سەنىمگە نەگىز­دەلگەن دوستىق قاتىناس ورناتىپ ۇلگەر­گەن ەدىك. اقش-تىڭ سىرتقى ساياساتىنا جاۋاپتى تۇلعا قازاقستاندى تۇڭعىش پرەزيدەنت سايلاۋىمەن، تاۋەلسىزدىك جاريالاۋىمەن شىن جۇرەكتەن قۇتتىقتادى. بۇل اقپاراتتى ونىمەن بىرگە كەلگەن شەتەل­­دىك جۋرناليستەر قاۋىمى اقش پەن باتىس ەلدەرىنە سول ساتتە-اق تاراتىپ جىبەردى. وقيعالار اعىنى قارقىن الا ءتۇستى. ەكونوميكالىق ىنتى­ماقتاستىقتى ساقتاۋ ءۇشىن 21 جەلتوقسان كۇنى رەسەي، ۋكراينا، بەلارۋس، وزبەكستان، تۇرىك­مەنستان، تاجىكستان، قىرعىزستان، ازەر­بايجان، ارمەنيا، مولدوۆا جانە قازاقستان پرەزيدەنتتەرى باس قوسقان كەزدەسۋ­دە تاۋەلسىز مەملەكەتتەر دوس­تاس­­تىعىن قۇرۋ جونىندە كەلى­سىمگە قول قويىلدى. سامميت قازاق­ستان تاراپىنىڭ باستاماسىمەن الماتىدا ءوتتى. بۇل ءبىر كەزدەرى «كسرو قۇرامىنا ەنگەن رەسپۋبلي­كالار­دىڭ ەندىگى تاع­دىرى قالاي بولادى، كىمنىڭ جەتە­گىندە كەتۋى مۇمكىن؟» دەگەن الەم مەملەكەتتەرىنىڭ الاڭداۋ­شىلىعىن ساپ تىيىپ، دوستاستىق مەملەكەتتەرىنىڭ بىرلەستىگى پايدا بولدى. تاۋەلسىزدىك وسىنداي «تار جول، تايعاق كەشۋلەر» مەن «سوق­تىقپالى، سوقپاقتى زامانداردان» امان ءوتىپ، ءوزىنىڭ ارنالى جولىن تاپتى»، دەپ ەسىنە الادى ەلباسى.

سوڭعى جاڭالىقتار

اماناتقا ادالدىق

ادەبيەت • كەشە

ديلليان ۋايت قاھارىنا ءمىندى

كاسىپقوي بوكس • كەشە

ۇقساس جاڭالىقتار