ۇسىنىستار تالقىلاندى

سەنبى كۇنى پرەمەر-مينيستر سەرىك احمەتوۆ مەملەكەت باسشىسىنىڭ «كاسىپكەرلىك قىزمەت ءۇشىن جاعدايدى جاقسارتۋ جونىندەگى تۇبەگەيلى شارالار تۋرالى» جارلىعىن جۇزەگە اسىرۋ بويىنشا كەڭەس وتكىزدى, دەپ حابارلادى پرەمەر-ءمينيستردىڭ ءباسپاسوز قىزمەتى. كەڭەسكە ورتالىق اتقارۋشى ور­گان­داردىڭ, ۇلتتىق كاسىپ­كەر­لەر پالاتاسىنىڭ, ۇلتتىق كوم­پانيالاردىڭ باسشىلارى قا­تىستى. بۇل ماسەلە بويىنشا پرەمەر-مي­نيستردىڭ ءبىرىنشى ورىنباسارى ب.ساعىنتاەۆ, وڭىرلىك دامۋ مي­نيسترى ب.جامىشەۆ, ۇلتتىق كاسىپكەرلەر پالاتاسىنىڭ باس­قار­­ما توراعاسى ا.مىرزاحمەتوۆ سويلەدى. كەڭەس بارىسىندا كاسىپكەرلىك ءۇشىن جاعدايدى ودان ءارى جاقسارتۋ بويىنشا شارالار مەن ۇسىنىستار تالقىلاندى. كەڭەستى قورىتىندىلاي كەلە, پرەمەر-مينيستر: «مەملەكەت باسشىسىنىڭ جار­لىعىن ورىنداۋ بيزنەستى دامىتۋ ءۇشىن قۋاتتى قوزعاۋ بولادى», دەپ اتاپ ءوتتى. «پرەزيدەنت جارلىعىنا ءساي­كەس تەكسەرۋ جۇرگىزۋدىڭ بارلىق رەگ­لا­­مەنتتەرىن جەدەل تۇردە قايتا قا­­راۋ, بارلىق رەسىمدەردى زاڭمەن بەكىتۋ ماسەلەلەرىن پى­سىق­تاۋ قاجەت», دەدى پرەمەر-مينيستر. «سونداي-اق 2014 جىلدىڭ 1 ماۋ­سىمىنا دەيىن ءتيىستى زاڭنا­مالارعا تولىق رەۆيزيا جۇرگىزۋ كەرەك, 1 ساۋىرگە دەيىن پارلامەنتكە رۇقسات بەرۋ مەن حابارلاۋ ماسە­لەلەرى بويىنشا زاڭ جوباسىن, 1 قىركۇيەككە دەيىن جاعدايدى تۇبە­گەيلى جاقسارتۋ بويىنشا زاڭ جوباسىن ەنگىزۋ قاجەت», دەدى س.احمەتوۆ. مۇنىمەن قاتار, پرەمەر-مينيستر مەملەكەت باسشىسى جارلىعىن جۇزەگە اسىرۋ بويىن­شا كاسىپكەرلەر اراسىندا ءتۇسى­نىك جۇمىستارىن جۇرگىزۋدىڭ ماڭىزدىلىعىن اتاپ ءوتتى. «اتالعان قۇجاتتىڭ مازمۇنى ءاربىر كاسىپكەرگە تۇسىنىكتى جەتكىزىلۋى كەرەك. ءبىز اۋداندىق دەڭگەيگە دەيىن ۇلكەن تۇسىنىك جۇمىستارىن جۇرگىزۋىمىز قاجەت. ورتالىق جانە جەرگىلىكتى اتقارۋشى ورگاندار بۇل جارلىقتى جۇزەگە اسىرۋ بويىنشا تۇسىنىك جۇمىستارىن جان-جاقتى قامتاماسىز ەتۋى ءتيىس», دەپ تۇيىندەدى ءسوزىن س.احمەتوۆ.