ماسكەۋدە تۇراتىن قازاقستاندىق ارداگەرلەرمەن كەزدەستى

ۇلى جەڭىستىڭ 65 جىلدىعى قار­سا­ڭىندا قازاقستان رەسپۋبليكا­سى­نىڭ رەسەي فەدەراتسياسىنداعى توتەنشە جانە وكىلەتتى ەلشىسى زاۋ­ىت­بەك تۇرىسبەكوۆ ماسكەۋدە تۇرا­تىن قازاقستاندىق سوعىس ارداگەر­لە­رىمەن كەزدەستى, دەپ حابارلادى قر-نىڭ رف-داعى ەلشىلىگىنىڭ ءباسپاسوز قىزمەتى. ەلشى قازاقستان پرەزيدەنتى نۇر­سۇلتان نازارباەۆتىڭ اتىنان مەيمان­داردى ۇلى جەڭىس كۇنىمەن قۇتتىقتاپ, بارلىق قاتىسۋشىلارعا ريزاشىلىق جانە قۇرمەت سوزدەرىن ايتتى. وسى رەتتە ول قازاقستان­دىق­تاردىڭ ورتاق جەڭىسكە قوسقان ۇلە­سىن ەرەكشە اتاپ كورسەتتى. “سىزدەر­دىڭ ەرلىكتەرىڭىز بەن ورلىكتەرىڭىز, وتانعا العاۋسىز بەرىل­گەندىكتەرىڭىز كەيىنگى ۇرپاق تاربيە­سى­نىڭ بەرىك نەگىزى, وتانعا دەگەن ءسۇيىس­پەن­شى­لىكتىڭ ەرەن ۇلگىسى بولىپ تابى­لا­دى”, – دەدى ءوز سوزىندە ز.تۇرىسبەكوۆ. ارداگەرلەرگە ەسكەرتكىش سىي­لىقتار تابىس ەتىلدى. قازاقستاننىڭ رەسەيدەگى ەلشى­لى­گى سونداي-اق “قازمۇنايگاز” ۇلت­تىق كومپانياسىنىڭ ىقپالىمەن “جەڭىس مۇراگەرلەرى” شاراسى شەڭ­بەرىندە استانا مەن ماسكەۋ قالا­لا­رى اراسىندا تەلەكوپىر ۇيىمداس­تىردى. مۇندا قازاقستاندىق جانە رەسەيلىك ارداگەرلەر ارادا 65 جىل وتكەن سوڭ ءبىر-بىرىمەن جۇزدەسۋگە مۇمكىندىك الدى.