«سۋبسيديالاۋ جۇيەسى, ەڭ الدىمەن, ونىڭ تەتىكتەرىن وڭايلاتۋ جانە باعىتتاردى وڭتايلاندىرۋ, بارلىق سۋبەكتىلەر ءۇشىن تەڭ قولجەتىمدىلىكتى قامتاماسىز ەتۋ ەسەبىنەن رەفورمالانادى. بۇدان باسقا, سۋبسيديالار تۇپكىلىكتى ناتيجەگە قول جەتكىزۋگە باعىتتالادى. سونداي-اق سۋبسيديا الۋشىلار ناقتى ينديكاتيۆتىك كورسەتكىشتەرگە قول جەتكىزۋ ءۇشىن ءتيىستى مىندەتتەمەلەردى قابىلدايتىن نورما ەنگىزىلەدى», دەدى مينيستر.
قاراشوكەەۆتىڭ سوزىنشە, سۋبسيديالار بەرۋ تەتىگى ودان ءارى جەتىلدىرىلۋ ماسەلەسى تسيفرلاندىرۋدىڭ جاڭا پلاتفورماسىن ەنگىزۋ ارقىلى جۇزەگە اسىرىلادى.
«ەڭ ماڭىزدىسى, بۇل قىزمەت شارۋالار ءۇشىن اقىسىز تۇردە كورسەتىلەدى. وسى ىستەردى اتقارۋ ماقساتىندا مينيسترلىكتە ارنايى جۇمىس توبى قۇرىلدى. وعان سالالىق قاۋىمداستىقتار مەن وداقتاردىڭ, اگروبيزنەستىڭ, عىلىمنىڭ, مۇددەلى مەملەكەتتىك جانە جەرگىلىكتى اتقارۋشى ورگانداردىڭ, ونىڭ ىشىندە سىبايلاس جەمقورلىققا قارسى قىزمەتتىڭ وكىلدەرى دە كىردى», دەپ ءتۇسىندىردى اۋىل شارۋاشىلىعى ءمينيسترى ەربول قاراشوكەەۆ سەناتتا.
ءمينيستردىڭ ايتۋىنشا, سۋبسيديا تەتىكتەرىن جەتىلدىرۋ جۇمىستارى بىزگە ونىڭ ەكونوميكاعا تيگىزەر اسەرىن باعالاۋعا, سۋبسيديا الۋ پروتسەسستەرىنە ادامي فاكتورلاردىڭ ىقپالىن مەيلىنشە ازايتۋعا جانە دە مەملەكەتتىك قولداۋدىڭ تۇراقتىلىعىن ساقتاۋعا قول جەتكىزەدى.
