12-25 قاراشا ارالىعىندا 1 919 جاعداي تىركەلدى. بۇل الدىنداعى ەكى اپتاعا قاراعاندا 5,3 پايىزعا تومەن. بىراق قاۋىپ سەيىلگەن جوق. جەكەلەگەن اۋدانداردا سىرقاتقا ۇشىراعاندار سانى ءتىپتى ارتا تۇسكەن. مىسالى, ەسىل اۋدانىندا 1,3 ەسە كوبەيدى.
رەسەي فەدەراتسياسىمەن شەكتەسەتىن جولدارداعى شەكارالىق باقىلاۋ بەكەتتەرى ارقىلى وبلىسقا جىل باسىنان بەرى بارلىعى 314 145 ادام كەلسە, سونىڭ ىشىندە 165 947 ادام پتر ساراپتاماسىنىڭ انىقتامالارىمەن جاياۋ ءوتتى, ال قازاقستان رەسپۋبليكاسىنىڭ 5 782 ازاماتى انىقتاماسىز كەلىپ, COVID-19-عا زەرتحانالىق تەكسەرۋدەن ءوتۋ ءۇشىن كارانتيندىك ستاتسيونارلارعا ورنالاستىرىلادى. ولاردىڭ اراسىنان 315 ادامنىڭ بويىنان ىندەت بەلگىسى تابىلدى.
ال 72 ساعاتتان كەشىكتىرمەي الىنعان پتر ءادىسى بويىنشا COVID-19 سىناۋىنان وتكەنى تۋرالى كۋالىكتەرى بولماعاندىقتان 1 613 شەتەل ازاماتىنا قازاقستان اۋماعىنا وتۋگە تىيىم سالىندى. شەكارالىق وتكىزۋ-شىعارۋ بەكەتىندەگى جامان ىندەتكە قاتىستى جالپى جاعداي وسىنداي.
وبلىستا 260 226 ادام ۆاكتسينانىڭ ءبىرىنشى كومپونەنتىمەن ەگىلگەن. بۇل – تۇرعىنداردىڭ 70,2%-ى. ەكىنشى كومپونەنتپەن 243 144 ەگىلگەن, ياعني تۇرعىنداردىڭ 65,6%-ى ۆاكتسينامەن تولىق قامتىلدى. 12-25 قاراشا ارالىعىندا 12 جاستان اسقان جاسوسپىرىمدەردى, جۇكتى ايەلدەردى (جۇكتىلىكتىڭ 16-دان 37-ءشى اپتاسىنا دەيىن), لاكتاتسيا كەزىندەگى ايەلدەردى ۆاكتسينالاۋ جالعاسۋدا. ولاردىڭ اراسىنان 1 567 ادام ەگىلدى, سونىڭ ىشىندە 1 149 ءجاسوسپىرىم, 371 بالا ەمىزەتىن جانە 47 جۇكتى ايەل بار. ەكپە العانداردىڭ بارلىعى وزدەرىن جاقسى جاعدايدا سەزىنەدى, جاعىمسىز رەاكتسيالار تىركەلمەگەن. ال قايتا رەۆاكتسينالاۋ بويىنشا 978 ادام قايتا ەگىلدى.
«شەكتەۋ شارالارىنىڭ اسەرىن جالعاستىرۋ ءۇشىن ەڭ الدىمەن, ۆاكتسينالانۋىمىز كەرەك. ويتكەنى ۆاكتسينالانباعان ادامدار نەعۇرلىم كوپ بولسا, اۋرۋدىڭ تاراۋ جانە جاڭا مۋتاتسيالاردىڭ پايدا بولۋ قاۋپى سوعۇرلىم جوعارى بولادى. ال ۆاكتسينالاردىڭ تيىمدىلىگىنە ۋاقىت وتكەن سايىن كوزىمىز جەتىپ كەلەدى», دەيدى ءا.جۇماتاەۆ.
قاراشا ايىنىڭ باسىنان بەرى 23 ادامنان تۇراتىن مونيتورينگتىك توپ 1 092 نىساندى قامتىعان 202 رەيد جۇرگىزىپ, 1,5 ملن تەڭگەگە 26 تۇلعانى جاۋاپكەرشىلىككە تارتتى. الايدا توي-تومالاق سانى ازايار ەمەس. ءداستۇرلى تۇردە كۇزدە جاسالاتىن وتباسىلىق مەرەكەلەر كوبەيە تۇسكەنى بايقالادى.
«اشىق» جوباسىن بۇزۋشىلارعا وبلىستا وسى ايدا 4 ملن 897 مىڭ تەڭگەدەن استام سوماعا 126 ايىپپۇل سالىندى. بۇقارالىق اقپارات قۇرالدارىندا اكىمشىلىك ايىپپۇل تولەگەن 116 شەكتەۋ شارالارىن بۇزۋشى جاريالاندى. «قىزىل ايماقتان» شىعا الماي تۇرعان وڭىردەگى ىندەتپەن كۇرەستىڭ جالپى احۋالى وسىنداي. ونى تەك ساقتانۋمەن, سونىڭ ىشىندە ماسكا رەجىمىن بۇلجىتپاي ورىنداۋمەن جانە ۆاكتسينا ەكتىرۋمەن توقتاتۋعا بولاتىنى جايلى جان-جاقتى اقپاراتتاندىرۋ جۇمىستارى جۇرگىزىلىپ كەلەدى.
سولتۇستىك قازاقستان وبلىسى
