كەشە قازاقستان رەسپۋبليكاسى پارلامەنتى سەناتى توراعاسىنىڭ ورىنباسارى اسقار بەيسەنباەۆ استاناعا رەسمي ساپارمەن كەلگەن فينليانديا رەسپۋبليكاسى پارلامەنتىنىڭ توراعاسى ەەرو حەينيالۋومامەن كەزدەستى, دەپ حابارلادى سەناتتىڭ ءباسپاسوز قىزمەتى.
كەزدەسۋ بارىسىندا قازاقستان – فينليانديا ىنتىماقتاستىعىنىڭ جانە پارلامەنتارالىق بايلانىستاردىڭ اۋقىمدى ماسەلەلەرى تالقىلاندى. ا.بەيسەنباەۆ اتاپ وتكەندەي, قازاقستان پارلامەنتىنىڭ دەپۋتاتتارى فين ارىپتەستەرىمەن ەكىجاقتى ىنتىماقتاستىقتى نىعايتۋعا, سونداي-اق, حالىقارالىق پارلامەنتتىك ۇيىم اياسىنداعى بايلانىستاردى دامىتۋعا مۇددەلى.
قازاقستان ەلىمىزدىڭ ەكونوميكاسىن ءارتاراپتاندىرۋ جانە عىلىمي نەگىزدەلگەن, جوعارى تەحنولوگيالىق وندىرىستەردى دامىتۋ جونىندەگى جوبالاردى ىسكە اسىرۋعا فين بيزنەسىنىڭ بەلسەندى قاتىسۋىنا مۇددەلى. سەنات توراعاسىنىڭ ورىنباسارى استانادا وتەتىن ەكسپو-2017 حالىقارالىق كورمەسىنە فين كومپانيالارىن شاقىردى.
ە.حەينيالۋوما فينليانديا سىرتقى ساياساتىنداعى قازاقستاننىڭ ماڭىزدى رولىنە نازار اۋداردى جانە وعان ءجيى بولاتىن جوعارى دەڭگەيدەگى ساپارلاردىڭ دالەل ەكەنىن اتاپ ءوتتى. مەيمان اتاپ وتكەندەي, ول استاناعا پارلامەنتارالىق بايلانىستاردى نىعايتۋ جانە ىسكەر بايلانىستاردى كەڭەيتۋ ماقساتىندا كەلگەن بولاتىن. كەزدەسۋ بارىسىندا ول جاڭارتىلاتىن ەنەرگيا كوزدەرى تەحنولوگيالارىن ەنگىزۋدەگى فينليانديا تاجىريبەسى تۋرالى جانە قازىرگى كەزدە ءوز ەلىندەگى تۇتىنىلاتىن ەنەرگيانىڭ 40 پايىزى بولاتىنى جايىندا اڭگىمەلەدى.
فينليانديا پارلامەنتىنىڭ توراعاسى «قازاقستان-2050» ستراتەگياسىندا العا قويىلعان دامۋدىڭ بيىك ماقساتتارى باسقا ەلدەرگە ونەگە ەكەنىن اتاپ ءوتتى.
سوڭعى جاڭالىقتار
كوكتەمگى ەگىسكە دايىندىق پىسىقتالدى
قوعام • بۇگىن, 00:07
يندونەزيا ەلشىسى ورالدىق عالىمدارمەن كەزدەستى
عىلىم • كەشە
بالاباقشالاردا تسيفرلىق باقىلاۋ تاجىريبەسى جۇرگىزىلىپ جاتىر
ايماقتار • كەشە
ەلىمىزدىڭ بەس وڭىرىندە سۋ تاسقىنى قاۋپى جوعارى
قازاقستان • كەشە
40 گرادۋسقا دەيىن اياز: ەلىمىزگە اركتيكالىق سۋىق كەلەدى
اۋا رايى • كەشە
استانا اۋەجايىنىڭ ۇشۋ-قونۋ جولاعى ۋاقىتشا جابىلادى
ەلوردا • كەشە
الەمدىك ەكونوميكانىڭ جاڭا كارتاسى: قازاقستان قاي ورىندا؟
ەكونوميكا • كەشە
