قارجى • 02 جەلتوقسان، 2021

قازاقستاندا ەڭ جوعارى جالاقىنى قاي قالا تولەيدى

136 رەت كورسەتىلدى

ەلىمىزدىڭ باسقا وڭىرلەرىنە قاراعاندا الماتى قالاسىندا ورتاشا جالاقى كولەمى 20%-عا جوعارى. بۇل تۋرالى وڭىرلىك كوممۋنيكاتسيالار قىزمەتىندە وتكەن بريفينگتە الماتى اكىمىنىڭ ورىنباسارى ءىلياس وسەروۆ ايتتى، دەپ حابارلايدى Egemen.kz

الماتى اكىمىنىڭ ورىنباسارى 11 اي ىشىندە قالانىڭ ەكونوميكالىق كورسەتكىشتەرى قالاي وزگەرگەنىن بايانداپ بەردى. 

«الماتى - رەسپۋبليكالىق بيۋدجەتتىڭ دونورى. ول ۇزاق ۋاقىت بويى رەسپۋبليكانىڭ باسقا وڭىرلەرى اراسىندا جەتەكشى ورىنعا يە. قالانىڭ ءجىو ەلدىڭ ءجىو-ءنىڭ بەسىنشى بولىگىن قۇرايدى (1-ءشى جارتىجىلدىقتا - 105،5%، قر بويىنشا - 102،4%). مەملەكەتتىك بيۋدجەتكە سالىقتىق تۇسىمدەر ەل بويىنشا بارلىق تۇسىمدەردىڭ تورتتەن ءبىرىن قۇرايدى»، دەيدى ءىلياس وسەروۆ.

وتكەن جىلى كارانتين مەن لوكداۋننىڭ ەنگىزىلۋىنە بايلانىستى بيزنەسكە سالىق تولەۋ مەرزىمى كەيىنگە قالدىرىلعانى اتاپ ءوتىلدى. جەرگىلىكتى بيۋدجەتكە شاعىن جانە ورتا بيزنەس سۋبەكتىلەرىنەن كورپوراتيۆتىك تابىس سالىعى بەرىلدى، سونداي-اق رەسپۋبليكالىق بيۋدجەتتەن جەرگىلىكتى بيۋدجەتتىڭ شىعىندارى 64،4 ملرد تەڭگە كولەمىندە وتەلدى.

ءىلياس وسەروۆتىڭ ايتۋىنشا، بيىل سالىق تۇسىمدەرىنىڭ ءوسۋ قارقىنى جوعارى.

«11 ايدىڭ قورىتىندىسى بويىنشا ءبىز وتكەن جىلدىڭ سايكەس كەزەڭىمەن سالىستىرعاندا سالىق تۇسىمدەرىنىڭ 28،7%-عا ءوسۋىن بايقاپ وتىرمىز»، دەيدى اكىم ورىنباسارى.

وسىلايشا، ساۋدا-ساتتىق - 144%، بايلانىس - 161%، قارجى جانە ساقتاندىرۋ - 137%، كاسىبي، عىلىمي جانە تەحنيكالىق قىزمەت - 121%، قۇرىلىس - 120% سالالارىندا سالىقتار ايتارلىقتاي ءوستى.

بۇل رەتتە، ستاتيستيكالىق مالىمەتتەرگە سايكەس، وسى جىلدىڭ 3-توقسانىندا وتكەن جىلدىڭ ءتيىستى كەزەڭىمەن سالىستىرعاندا جالاقى 20،1%-عا ءوستى. وسىلايشا، قالا بويىنشا ورتاشا ايلىق جالاقى رەسپۋبليكالىق دەڭگەيدەن 16،4%-عا جوعارى بولىپ، 283 700 تەڭگەنى قۇرايدى. ايتا كەتسەك، قازاقستان بويىنشا ورتاشا جالاقى - 243 667 تەڭگە.

سوڭعى جاڭالىقتار

شابىت پەن شاراپ

ادەبيەت • بۇگىن، 22:13

ديلەتانتتان داۋىرگە دەيىن

ادەبيەت • بۇگىن، 21:57

ەرتەڭ اۋا رايى قانداي بولادى؟

قازاقستان • بۇگىن، 16:20

اندرادەنى مۋنگيا الماستىرۋى مۇمكىن

كاسىپقوي بوكس • بۇگىن، 14:25

ۇقساس جاڭالىقتار