وقيعا • 02 جەلتوقسان، 2021

جاپون تەڭىزىنە 8 توننا كومىر توگىلدى

145 رەت كورسەتىلدى

پاناما تۋى ىلىنگەن Houei Crystal جۇك كەمەسى جاپون تەڭىزىنە باتىپ كەتتى. 17 ەكيپاج مۇشەسى قۇتقارىلدى، بىرەۋىن ىزدەۋ جالعاسۋدا، دەپ جازادى Egemen.kz.

اپات تۋرالى دابىل جاپونيانىڭ باتىسىنداعى شيمانە ايماعىنداعى جاعالاۋىنان تۇسكەن.

وڭىرگە جاپوندىق جاعالاۋ كۇزەتىنىڭ فرەگاتتارى جىبەرىلدى.

مالىمەتتەرگە سايكەس، جۇك تاسىمالداۋشى وكينوسيما ارالىنان سولتۇستىك-شىعىسىقا قاراي 380 شاقىرىم جەردە سۋعا باتىپ كەتكەن.

وڭتۇستىك كورەيانىڭ جاعالاۋ كۇزەتى كەمەلەرى ايماققا كەلىپ، قۇتقارۋ قايىعىنان 17 ەكيپاج مۇشەسىن تاپتى.

جوعالعان ەكيپاج مۇشەسىن ىزدەۋمەن جاپونيانىڭ جاعالاۋ كۇزەتى اينالىسۋدا.

بورتىندا 8 توننا كومىرى بار كەمە رەسەيدىڭ ناحودكا پورتىنان جاپونيانىڭ ورتالىق بولىگىندەگى كينۋرا پورتىنا بەت العان.

ايتا كەتەيىك، بارلىق ەكيپاج مۇشەلەرى ۆەتنام ازاماتتارى.

سوڭعى جاڭالىقتار

مۇناي باعاسى ارزاندادى

ەكونوميكا • بۇگىن، 13:23

ۇقساس جاڭالىقتار