قارجى • 02 جەلتوقسان، 2021

اتىراۋ وبلىستىق بيۋدجەتىنىڭ 1،2 ملرد تەڭگەسى يگەرىلمەگەن - ەسەپ كوميتەتى

132 رەت كورسەتىلدى

رەسپۋبليكالىق  بيۋدجەتتىڭ اتقارىلۋىن باقىلاۋ جونىندەگى ەسەپ كوميتەتىنىڭ وتىرىسىندا اتىراۋ وبلىسىنا بولىنگەن بيۋدجەت قاراجاتىن پايدالانۋ تيىمدىلىگىنە جۇرگىزىلگەن اۋديت قورىتىندىلارى جاسالدى. بۇل تۋرالى ەسەپ كوميتەتىنىڭ ءباسپاسوز قىزمەتى حابارلادى، دەپ جازادى Egemen.kz.

اتىراۋ  وبلىسى – مۇناي-گاز سەكتورى دامىعان، ونەركاسىپتىك ءونىمنىڭ 88% ۇلەسى بار وندىرىستىك ءوڭىر.  ءوڭىر ەلىمىزدە مۇناي ءوندىرۋ جانە ەكسپورتتاۋ بويىنشا كوش باستاپ تۇر. وبلىس اۋماعىندا ەلىمىزدە مۇناي وڭدەۋ سالاسىندا ءبىرىنشى زاۋىت اتىراۋ مۇناي وڭدەۋ زاۋىتى ورنالاسقان.

اۋديتورلىق ءىس-شارالاردىڭ ناتيجەسىندە جالپى سوماسى 10،9 ملرد تەڭگەنى قۇرايدى، راسىمدىك سيپاتتاعى 223 بۇزۋشىلىق، 5 جۇيەلى كەمشىلىك انىقتالدى، 22،7 ملرد تەڭگەنى ءتيىمسىز جوسپارلاۋ، 7،8 ملرد تەڭگەنى ءتيىمسىز پايدالانۋ، 0،2 ملرد تەڭگەگە ىقتيمال شىعىندار مەن جىبەرىلگەن پايدا انىقتالدى.

جۇرگىزىلگەن اۋديت  وبلىس بيۋدجەتىنىڭ  كىرىس بولىگىن 5،4 ملرد تەڭگەگە ارتىق ورىنداۋدى جانە 1،2 ملرد تەڭگە سوماسىنا قاراجاتتىڭ يگەرىلمەۋىن كورسەتەتىن ساپاسىز بولجاۋدى انىقتادى، بۇل 2019 جىلدىڭ سوڭىندا 6،7 ملرد تەڭگە سوماسىنا بوس قالدىقتاردىڭ پايدا بولۋىنا اكەپ سوقتى.

2016-2020 جىلدارعا ارنالعان اتىراۋ  وبلىسىنىڭ اۋماقتاردى دامىتۋ باعدارلاماسىنىڭ ورىندالماعان نىسانالى ينديكاتورلارىنىڭ ۇلەسى جىل سايىن ارتۋدا (14،8%-دەن 28،3%-گە دەيىن)، بۇل رەتتە مەملەكەتتىك باعدارلامالار نىسانالى ينديكاتورلارىنىڭ 58،4%-ى وسى باعدارلامادا كورسەتىلمەگەن. سونداي-اق وبلىستىڭ جەرگىلىكتى اتقارۋشى ورگانىنىڭ مەموراندۋمى ءتۇيىندى نىسانالى ينديكاتورلارىنىڭ ورىندالماۋىنا جول بەرىلگەن،  2018-2020 جىلداردا ورتا ەسەپپەن 24%.

«الەۋمەتتىك مەديتسينالىق ساقتاندىرۋ قورى» اق «COVID-19»-بەن كۇرەس شەڭبەرىندە ەپيدەمياعا قارسى جۇمىلدىرىلعان جۇمىسكەرلەرگە جالپى سوماسى 105،9 ملن تەڭگەگە نەگىزسىز قوسىمشا اقى تولەگەن.

وڭىردە بيۋدجەتتىك ينۆەستيتسيالىق جوبالاردى ىسكە اسىرۋ بالاباقشالارداعى كەزەك، اپاتتى جاعدايداعى جانە  ءۇش اۋىسىمدى مەكتەپتەر پروبلەمالارىن شەشۋدى قامتاماسىز ەتپەگەن. وسىلايشا، بالاباقشالارداعى ورىن سانىن ارتتىرۋ بويىنشا قابىلدانعان شارالار 28،0 مىڭ ورىندىق تاپشىلىقتى قامتي المادى.

جولاۋشىلار كولىگى جانە اۆتوموبيل جولدارى باسقارماسىنىڭ  وبلىستىق جانە اۋداندىق ماڭىزى بار اۆتوجولداردىڭ جالپى ۇزىندىعى مەن ساپاسىنىڭ جاي-كۇيى تۋرالى ەسەپتىك دەرەكتەردى انىق كورسەتپەۋى  2025 جىلعا قاراي جاقسى جانە قاناعاتتانارلىق كۇيدەگى اۆتوجولداردى 95% كورسەتكىشكە جەتكىزۋ بويىنشا ۇكىمەت تاپسىرماسىنىڭ ورىندالماۋ قاۋپىن تۋدىرادى. 

16،2 ملرد تەڭگە سوماسىنا 4 جوبا بويىنشا الەۋمەتتىك جانە كوممۋنالدىق ينفراقۇرىلىم قۇرىلىس وبەكتىلەرىنىڭ  ۋاقتىلى اياقتالماۋى حالىقتىڭ ءومىر ساپاسىنا تەرىس اسەر ەتەدى.

دوسسور كەنتىندەگى كارىز جەلىلەرىن سالۋ بويىنشا جوبانى جوسپارلاۋ جانە 95% ناقتى اياقتالۋى كەزىندە اعىن سۋ باعىتى بويىنشا شەشىمدەر پىسىقتالماعان. سونىمەن بىرگە جوسپارلانىپ وتىرعان ماقات اۋىلى باعىتىنداعى ۇزىندىعى 35 كم كارىزدىك اعىن سۋلار باعىتى ەكونوميكالىق نەگىزدەلمەگەن جانە 3،9 ملرد. تەڭگە سوماسىنا ارتىق بيۋدجەت شىعىندارىنا اكەلەدى.

قالالىق قۇرىلىس ءبولىمى از قامتىلعان كوپ بالالى وتباسىلارعا ارنالعان جالپى قۇنى 1،4 ملرد تەڭگە بولاتىن، اۋدانى 60 ش.م. كەم 173 پاتەر ساتىپ الدى. ونىڭ قۇنى 1،3 ملرد. تەڭگە بولاتىن 160 بىرلىك پاتەرى  جەرگىلىكتى اتقارۋشى ورگان كەزەگىندە تۇرعاندار اراسىندا تاراتىلماعان (21 ايدان ارتىق).

اۋديت قورىتىندىسى بويىنشا ەسەپ كوميتەتى ۇكىمەتكە زاڭنامانى جەتىلدىرۋ جونىدەگى ءتيىستى ۇسىنىمدار بەردى. اتىراۋ وبلىسىنىڭ اكىمىنە انىقتالعان بۇزۋشىلىقتار مەن كەمشىلىكتەردى جويۋ بويىنشا شارالار قابىلداۋعا جانە قولدانىستاعى زاڭنامانى بۇزۋعا جول بەرگەن لاۋازىمدى تۇلعالاردىڭ جاۋاپكەرشىلىگىن قاراۋعا تاپسىرما بەرىلدى. 

اكىمشىلىك ىستەردى قاراۋعا ۋاكىلەتتى ورگاندارعا 40 بۇزۋشىلىق فاكتىلەرى بويىنشا ماتەريال جىبەرىلدى.

سوڭعى جاڭالىقتار

شابىت پەن شاراپ

ادەبيەت • بۇگىن، 22:13

ديلەتانتتان داۋىرگە دەيىن

ادەبيەت • بۇگىن، 21:57

ەرتەڭ اۋا رايى قانداي بولادى؟

قازاقستان • بۇگىن، 16:20

اندرادەنى مۋنگيا الماستىرۋى مۇمكىن

كاسىپقوي بوكس • بۇگىن، 14:25

ۇقساس جاڭالىقتار