كەڭەس وتىرىسىنا قر مەملەكەتتىك حاتشىسى ق.ە. كوشەرباەۆ, قر پرەزيدەنتى اكىمشىلىگى باسشىسىنىڭ ءبىرىنشى ورىنباسارى د. اباەۆ, قر پرەمەر-ءمينيسترىنىڭ ورىنباسارى ە. توعجانوۆ, قر پارلامەنتى ءماجىلىسىنىڭ دەپۋتاتتارى جانە «وتانداستار قورى» كەاق قامقورشىلار كەڭەسىنىڭ باسقا دا مۇشەلەرى قاتىستى.
كەڭەس وتىرىسىنىڭ كۇن تارتىبىندە مەملەكەتتىك تاپسىرمانى ورىنداۋ بويىنشا قوعامنىڭ جۇمىسى تۋرالى جانە العا قويىلعان مىندەتتەرى تۋرالى ماسەلەلەر قارالدى.
كەڭەس وتىرىسىنىڭ قورىتىندىسىمەن مەملەكەتتىك حاتشى قۇزىرلى مەملەكەتتىك ورگان باسشىلارىنا قور جۇمىسىن جانداندىرۋ بويىنشا ءتيىستى تاپسىرمالار بەردى.
سونىمەن بىرگە «وتانداستار قورى» قوعامى قامقورشىلار كەڭەسىنىڭ جاڭا قۇرامى تانىستىرىلىپ, كەڭەستىڭ توراعالىعىنا قر مەملەكەتتىك حاتشىسى ق.ە.كوشەرباەۆ جانە ورىنباسارلىعىنا قر پرەزيدەنتى اكىمشىلىگى باسشىسىنىڭ ءبىرىنشى ورىنباسارى د. اباەۆ پەن قر پرەمەر-ءمينيسترىنىڭ ورىنباسارى ە.توعجانوۆ سايلاندى.
