قازاقستان رەسپۋبليكاسى ۇكىمەتىنىڭ قاۋلىسى №36

2014 جىلعى 29 قاڭتار             استانا, ۇكىمەت ءۇيى ەلەكتر نەمەسە جىلۋ جەلىلەرىنە قوسۋدىڭ جانە جاڭارتىلاتىن ەنەرگيا كوزدەرىن پايدالانۋ جونىندەگى وبەكتىلەردى قوسۋدىڭ ەڭ تاياۋ نۇكتەلەرىن ايقىنداۋ قاعيدالارىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2012 جىلعى 19 قاڭتارداعى № 119 قاۋلىسىنا وزگەرىستەر مەن تولىقتىرۋلار ەنگىزۋ تۋرالى قازاقستان رەسپۋبليكاسىنىڭ ۇكىمەتى قاۋلى ەتەدى: 1. «ەلەكتر نەمەسە جىلۋ جەلىلەرىنە قوسۋدىڭ جانە جاڭارتىلاتىن ەنەرگيا كوزدەرىن پايدالانۋ جونىندەگى وبەكتىلەردى قوسۋدىڭ ەڭ تاياۋ نۇكتەلەرىن ايقىنداۋ قاعيدالارىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2012 جىلعى 19 قاڭتارداعى №119 قاۋلىسىنا (قازاقستان رەسپۋبليكاسىنىڭ ءپۇاج-ى, 2012 ج., №27-28, 368-قۇجات) مىناداي وزگەرىستەر مەن تولىقتىرۋلار ەنگىزىلسىن: كورسەتىلگەن قاۋلىمەن بەكىتىلگەن ەلەكتر نەمەسە جىلۋ جەلىلەرىنە قوسۋدىڭ جانە جاڭارتىلاتىن ەنەرگيا كوزدەرىن پايدالانۋ جونىندەگى وبەكتىلەردى قوسۋدىڭ ەڭ تاياۋ نۇكتەلەرىن ايقىنداۋ قاعيدالارىندا: 2-تارماقتا: 1) جانە 2) تارماقشالار مىناداي رەداكتسيادا جازىلسىن: «1) جىلۋ جەلىلەرىنە قوسۋدىڭ ەڭ تاياۋ نۇكتەسى - جاڭارتىلاتىن ەنەرگيا كوزدەرىن پايدالانۋ جونىندەگى وبەكتىدەن جىلۋمەن جابدىقتاۋدىڭ جالپى جەلىسىندە جىلۋ تاسىمالداعىشتىڭ پارامەترلەرىنە سايكەس كەلەتىن پارامەترلەرمەن ەلدى مەكەندى جىلۋمەن جابدىقتاۋدىڭ جالپى جۇيەسىنە قۇبىر ويىعىنىڭ ەڭ تاياۋ نۇكتەسى; 2) ەلەكتر جەلىلەرىنە قوسۋدىڭ ەڭ تاياۋ نۇكتەسى - ەنەرگيا بەرۋشى ۇيىمنىڭ كەرنەۋ كلاسى بويىنشا سايكەس كەلەتىن جاڭارتىلاتىن ەنەرگيا كوزدەرىن پايدالاناتىن ەنەرگيا ءوندىرۋشى ۇيىم ەنەرگەتيكالىق قوندىرعىسىنىڭ ەلەكتر جەلىلەرىمەن ناقتى قوسىلاتىن ەڭ تاياۋ جەرى;»; مىناداي مازمۇنداعى 6) تارماقشامەن تولىقتىرىلسىن: «6) جاڭارتىلاتىن ەنەرگيا كوزدەرىن پايدالانۋ وبەكتىسى - جاڭارتىلاتىن ەنەرگيا كوزدەرىن پايدالانا وتىرىپ, ەلەكتر جانە (نەمەسە) جىلۋ ەنەرگياسىن وندىرۋگە ارنالعان تەحنيكالىق قۇرىلعىلار جانە ولارمەن ءوزارا بايلانىستى جاڭارتىلاتىن ەنەرگيا كوزدەرىن پايدالانۋ جونىندەگى وبەكتىنى پايدالانۋعا بەرۋ ءۇشىن تەحنولوگيالىق تۇرعىدان قاجەتتى جانە جاڭارتىلاتىن ەنەرگيا كوزدەرىن پايدالانۋ جونىندەگى وبەكتىنىڭ مەنشىك يەسىنىڭ تەڭگەرىمىندەگى قۇرىلىستار مەن ينفراقۇرىلىم.»; مىناداي مازمۇنداعى 2-1-تارماقپەن تولىقتىرىلسىن: «2-1. جاڭادان سالىنعان جاڭارتىلاتىن ەنەرگيا كوزدەرىن پايدالانۋ جونىندەگى وبەكتىلەر, سونداي-اق پايدالانۋعا بەرىلۋ مەرزىمىنە قاراماستان, رەكونسترۋكتسيالانعان وبەكتىلەر كەرنەۋ كلاسى بويىنشا نەمەسە جىلۋمەن جابدىقتاۋدىڭ جالپى جەلىسىندەگى جىلۋ تاسىمالداعىشتىڭ پارامەترلەرىنە سايكەس كەلەتىن ەنەرگيا بەرۋشى ۇيىمنىڭ ەلەكتر نەمەسە جىلۋ جەلىلەرىنىڭ ەڭ تاياۋ نۇكتەسىنە قوسىلادى.»; 5-تارماق مىناداي رەداكتسيادا جازىلسىن: «5. ەنەرگيا بەرۋشى ۇيىم ينۆەستوردان ءوتىنىم تۇسكەن كۇننەن باستاپ كۇنتىزبەلىك ون بەس كۇننەن كەشىكتىرىلمەيتىن مەرزىمدە ەلەكتر جەلىلەرىنە قوسۋدىڭ ىقتيمال ەڭ تاياۋ نۇكتەلەرىن ءتيىستى جوبالاۋ قىزمەتىنە ليتسەنزياسى بار مامانداندىرىلعان جوبالاۋ ۇيىمدارى ازىرلەيتىن «ەلەكتر ستانتسياسىنىڭ قۋات بەرۋ سحەماسىندا» قاراۋ ءۇشىن ينۆەستورعا حات تۇرىندە حابارلايدى.»; 13-تارماقتىڭ ەكىنشى بولىگى مىناداي رەداكتسيادا جازىلسىن: «تەحنيكالىق شارتتاردى ەلەكتر بەرۋشى ۇيىم تەحنيكالىق شارتتاردى الۋعا ارنالعان ءوتىنىمدى قاراۋ مەرزىمى وتكەن سوڭ ءۇش جۇمىس كۇن ىشىندە بەرەدى.»; 17-تارماق مىناداي رەداكتسيادا جازىلسىن: «17. ەنەرگيا بەرۋشى ۇيىمداردىڭ جەلىلەرىنە جاڭارتىلاتىن ەنەرگيا كوزدەرىن پايدالانۋ جونىندەگى وبەكتىلەردى قوسۋ الىنعان تەحنيكالىق شارتتار نەگىزىندە وبەكتىنى پايدالانۋعا بەرگەننەن كەيىن جۇرگىزىلەدى.». 2. وسى قاۋلى العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى. قازاقستان رەسپۋبليكاسىنىڭ پرەمەر-ءمينيسترى س.احمەتوۆ.