ايماقتار • 30 قاراشا، 2021

قازىنالى وڭىردە قۋاتتى سەرپىن بار

36 رەت كورسەتىلدى

ورتالىق كوممۋنيكاتسيالار قىزمەتى الاڭقايىندا «مەملەكەت باسشىسىنىڭ جولداۋى اياسىندا قاراعاندى وبلىسىنىڭ دامۋى تۋرالى» تاقىرىبى بويىنشا وتكەن ءباسپاسوز ءماسليحاتىندا ءوڭىر باسشىسى جەڭىس قاسىمبەك بايانداما جاساپ، جۋرناليستەردىڭ سۇراقتارىنا جاۋاپ بەردى.

قاراعاندى وبلىسىنىڭ اكىمى اڭگىمەسىن وڭىردەگى ەپيدەميالىق جاعداي تۋرالى قىسقاشا بايانداۋ­دان باستادى.

– سوڭعى ايدا وبلىس بويىنشا كوروناۆيرۋس ينفەكتسياسىمەن اۋىرۋ 2،3 ەسە ازايدى. قاراشا ايىن­دا ۆيرۋس جۇقتىرعاندار سانى تۇراقتى كورسەتكىش اياسىن­­دا. سوعان بايلانىستى اۋرۋحا­نا­لارداعى ينفەكتسيالىق ورىندار­دىڭ جۇكتەمەسى 35%-دان 22،9%-عا دەيىن قىسقاردى، – دەپ اتاپ ءوتتى ج.قاسىمبەك.

ءوڭىر باسشىسى كوروناۆيرۋس ينفەكتسياسى ازايا باستاسا دا، پان­­دەميانىڭ جاڭا تولقىنى جاع­­دايىنا ارقاشان دايىن بولۋ كەرەگىن ايتىپ ءوتتى. رەزەرۆتە 44 ستاتسيونار مەن 8 مىڭنان اس­تام مەديتسينا قىزمەتكەرى بار ينفرا­قۇرىلىمنىڭ دايىندىعى قامتاماسىز ەتىلگەن. بۇل رەتتە جوسپارلى مەديتسينالىق كومەك­تى تولىق كولەمدە كورسەتۋ ساقتا­لادى. وبلىستا كوروناۆيرۋس ين­فەك­تسياسىنا قارسى جاپپاي يممۋنداۋ جالعاسۋدا. بۇل ءۇشىن وبلىستا جەتكىلىكتى مولشەردە ۆاك­تسي­نالىق پرەپاراتتاردىڭ اسسورتيمەنتى بار. بيىلعى 29 قارا­شاداعى جاعداي بويىنشا وڭىردە يممۋنداۋمەن جالپى قامتۋ 64،8%-دى قۇراعان.

وبلىستىڭ الەۋمەتتىك-ەكو­نو­مي­كالىق دامۋى بويىنشا ايتقان­دا، وبلىس اكىمى بيىلعى 10 ايدىڭ قورىتىندىلارى بويىن­شا ەكونوميكانىڭ بارلىق نەگىزگى سالالارى بويىنشا وڭ كورسەت­كىشتەرگە قول جەتكىزىلگەنىن مالىمدەدى. ونەركاسىپ ءوندىرىسى 0،1%-عا ءوسىپ، 3،4 ترلن تەڭگەگە جەتتى. ونىڭ ىشىندە، قارا مەتاللۋرگيا 12،4%-عا، جەڭىل ونەركاسىپ 11،9%-عا، فارماتسەۆتيكا 5،8 ەسەگە ءوستى.

وبلىس باسشىسىنىڭ ايتۋىنشا، بۇگىندە وڭىردەگى تۇرعىن ءۇي قۇرىلىسىنىڭ قارقىنى تاۋەل­­سىزدىكتىڭ بارلىق جىلدارى ىشىندەگى كورسەتكىشتەرىنىڭ رە­كورد­­ت­ىق دەڭگەيىنە شىققان. جىل قورىتىندىسى بويىن­شا 662 مىڭ شارشى مەتر تۇر­عىن ءۇيدى پايدالانۋعا بەرۋ جوسپار­لانعان. بۇل وتكەن جىلمەن سالىس­تىرعاندا 25%-عا ارتىق. الداعى ۋاقىتتا 2 600-دەن استام وتباسى مەملەكەتتىك ارەندالىق جانە كرە­ديتتىك تۇرعىن ءۇي الادى، ونىڭ ىشىن­دە 621 كوپبالالى وتباسى بار.

ينۆەستيتسيالىق تارتىمدى ءوڭىر بولىپ سانالاتىن وبلىستا 2021 جىلدىڭ سوڭىنا دەيىن ينۆەستيتسيا كولەمىن 740،3 ملرد تەڭگەگە دەيىن جەتكىزىپ، 14 جاڭا ءوندىرىس ەسەبىنەن 2 مىڭعا جۋىق جۇمىس ورنىن قۇرۋ جوسپارلانعان. ونىڭ جەتەۋى قازىردىڭ وزىندە ىسكە قوسىلدى.

– بيىلعى 10 ايدىڭ قورىتىن­دىسى بويىنشا، جوسپارلاردا بەلگىلەنگەن كورسەتكىشتەردەن وزىپ كەلەمىز دەپ نىق سەنىممەن ايتا الامىن. نەگىزگى كاپيتالدا 607 ملرد تەڭگەدەن استام قاراجات بار، ونىڭ 73 پايىزى – جەكە ينۆەس­تيتسيالار، – دەپ اتاپ ءوتتى سپيكەر.

وبلىستا مەملەكەت باسشىسى­نىڭ تاپسىرماسىنا ساي، مونو­قا­لالاردىڭ ەكونوميكاسىن ءار­تاراپتاندىرۋ بويىنشا بەل­سەندى جۇمىس جۇرگىزىلىپ جات­قانى ايتىلدى. مىسالى، ساران قالاسىنداعى بۇرىنعى ءرتو زاۋىتىنىڭ الاڭىندا «يندۋستريالىق اي­ماق» قۇرىلعان. قازىردىڭ وزىندە «يۋتونگ» ماركالى اۆتوبۋستار شىعاراتىن زاۋىت جۇمىس ىستەيدى. رەسەيلىك «تاتنەفت» كومپانياسىمەن بىرگە KamaTyresKZ اۆتوموبيل شينالارىن شىعاراتىن زاۋىتتىڭ قۇرىلىسى جۇرگىزىلۋدە. زاۋىت كەلەسى جىلدىڭ قاراشا ايىن­دا ىسكە قوسىلماق.

بيىلعى 20 قازاندا قازاقستان رەسپۋبليكاسى پرەزيدەنتىنىڭ قاتىسۋىمەن جايرەم كەن-بايىتۋ كومبيناتىنىڭ جاڭا پوليمەتالل فابريكاسى ىسكە قوسىلدى. كاسىپورىندا جىلىنا 5 ملن تونناعا جۋىق كەن وڭدەلەدى. جاڭا فابريكا مونوقالانى كەلەشەكتە 100 جىلعا دەيىنگى جۇمىس پەرسپەكتيۆاسىمەن قامتاماسىز ەتەدى.

ءباسپاسوز ءماسليحاتىندا ءوڭىر باسشىسى قاراعاندى وبلىسىندا «اۋىل – ەل بەسىگى» جوباسى بويىنشا سوڭعى ءۇش جىلدا 38 اۋىلدىق ەلدى مەكەندە جولدار جوندەلگەنىن ءمالىم ەتتى. سونداي-اق وڭىردە 1،5 مىڭ شاقىرىم اۆتوجول جوندەۋدەن وتكەن.

– رەسپۋبليكالىق ماڭىزى بار 674 شاقىرىم تراسسانى جانە جەرگىلىكتى جەلىنىڭ 800 شاقىرىمنان استام اۆتوجولىن رەكونسترۋكتسيالاۋ جالعاسۋدا. جالپى ۇزىندىعى 513 شاقىرىم بولاتىن قاراعاندى – بالقاش جانە بالقاش –بۋرىلبايتال جاڭا جولىمەن ءجۇرۋ قامتاما­سىز ەتىلدى. يندۋستريا جانە ينفرا­قۇرىلىمدىق دامۋ مينيستر­لىگىنىڭ مالىمەتىنشە، بۇل جۇ­مىستاردى كەلەسى جىلعا تولىق اياقتاۋ جوسپارلانعان، – دەدى ج.قاسىمبەك.

سونداي-اق ول كەلەسى جىلى جەزقازعان – قىزىلوردا اۆتوجولى بويىنشا  قاراعاندى وبلىسىنىڭ ۋچاسكەسىندە جول-قۇرىلىس جۇمىستارى باستالۋى ءتيىس ەكەندىگىن حابارلادى. ساپالى جول جەزقازعان مەن ساتباەۆتىڭ ساۋدا-كولىك بايلانىسىن كۇشەيتۋگە، سونداي-اق جۇك ءترانزيتىن ارتتىرۋعا مۇمكىندىك بەرەتىنىن اتاپ ءوتتى.

ج.قاسىمبەك قاراعاندى وبلىسىندا بالامالى ەنەرگيا ۇلە­سىنىڭ ارتقانىن اتاپ ءوتتى. بۇگىندە وڭىردە 5 كۇن ەلەكتر ستانساسى، 2 بيوگاز قوندىرعىسى مەن شاعىن گەس جۇمىس ىستەيدى. «جاسىل» ەنەرگەتيكانىڭ جالپى قۋاتى 200 مەگاۆاتتان اسقان.

– جاڭارتىلاتىن جانە بالامالى ەنەرگەتيكانىڭ جاڭا كوزدەرىن بەلسەندى تۇردە سالۋ ءجۇرىپ جاتىر. 228 مۆت-قا 8 جوبا ىسكە اسىرىلدى. بالقاش ماڭىندا 100 مۆت كۇن ەلەكتر ستانساسى سالىنۋدا. ساران قالاسىندا 100 مۆت جانە ودان جوعارى جيناقتاۋىشتارى بار گيبريدتى كۇن ستانساسىنىڭ قۇرىلىسى جوس­پارلانۋدا، – دەپ مالىمدەدى وبلىس باسشىسى.

سونىمەن قاتار ول «جاسىل» ەنەرگەتيكا جوبالارى شەتەلدىك كومپانيالاردىڭ قاتىسۋىمەن جۇزەگە اسىرىلىپ جاتقانىن، قۇيىلعان ينۆەستيتسيالاردىڭ 100 ملرد تەڭگەدەن اسقانىن اتاپ ءوتتى.

وبلىس اكىمى قاراعاندى وبلىسىندا بالالاردىڭ سپورت مەك­تەپتەرىنە تەگىن كىرۋىنە ميل­ليارد­تان استام تەڭگە بو­لىن­گە­نىن بايان ەتتى. جان باسىنا قار­جىلاندىرۋ جوباسى سپورت­­تىڭ 17 ءتۇرى بويىنشا سەكتسيالارعا 5 مىڭنان استام جاس قاراعاندىلىقتاردى تارتۋعا مۇمكىندىك بەرگەن.

– دەنە شىنىقتىرۋ مەن سپورت­تىڭ قولجەتىمدىلىگى جاڭا سپورت الاڭدارىن سالۋ ەسەبىنەن قامتاماسىز ەتىلەدى. بيىل وبلىستا 13 ءىرى سپورت نىسانى سالىنۋدا. ونىڭ تورتەۋى اياقتا­لۋ ساتىسىندا. اتالعان 4 نىسان – ۇلى­تاۋ اۋدانىنىڭ قارساقباي اۋى­ل­ىن­داعى دسك، جاڭاارقا اۋدا­نىنىڭ جاڭاارقا كەنتىندەگى باسسەين، نۇرا اۋدانىنىڭ نۇرا كەنتىندەگى كوپبەيىندى سپورت كە­شەنى جانە قاراعاندىداعى قانات بايشولاقوۆ اتىنداعى سپورت كەشەنى، – دەپ اتاپ ءوتتى ج.قاسىمبەك.

وبلىستا وقۋشى ورىندارىنىڭ تاپشىلىعى ماسەلەسى دە شەشىمىن وڭىنان تابۋدا. 2025 جىلعا قاراي 17 مەكتەپ سالىنادى. ونىڭ تورتەۋى بيىل سالىنادى. بۇگىندە 166 اۋىلدىق مەكتەپتە جوندەۋ جۇمىستارى جۇرگىزىلدى. 2025 جىلعا دەيىن تاعى 299 وقۋ ورنىن جاڭعىرتۋ جوسپاردا بار.

– قازىرگى ۋاقىتتا حالىقتىڭ الەۋمەتتىك وسال توپتارىنان شىققان بالالار قاشىقتىقتان جانە دەربەس جۇمىس فورماتىندا وقىتۋ ءۇشىن كومپيۋتەرلىك تەحنيكامەن تولىق قامتاماسىز ەتىلگەن. سونىمەن قاتار 1- 4 سىنىپ وقۋشىلارى تەگىن ىستىق تاماقپەن قامتىلعان، – دەدى ءوڭىر باسشىسى.

سونىمەن قاتار ول وڭىردە ەرەكشە بالالاردى الەۋمەتتىك قولداۋعا كوپ كوڭىل بولىنەتىنىن ايتتى. كەلەسى جىلى اۋتيستىك سپەكتر بۇزىلىسى بار بالالارعا ارنالعان وڭالتۋ ورتالىعىنىڭ اشىلاتىنىن اتاپ ءوتتى.

وڭىردە مال شارۋاشىلىعىن­داعى ءوندىرىستىڭ ارتۋى ەسەبىنەن اۋىل شارۋاشىلىعىندا تۇراقتى ءوسىم بايقالادى. بيىلعى قيىن­دىقتارعا قاراماستان، ءداندى دا­قىل­داردىڭ جاقسى جانە ساپالى ءونى­مىن جيناۋعا مۇمكىندىك تۋعان.

– بيىل 940 مىڭ توننادان استام جوعارى ساپالى استىق باس­تىرىلدى. ونىڭ ىشىندە 1 جانە 2 سىنىپتى 600 مىڭ توننادان استام بيداي، 410،5 مىڭ توننا كارتوپ جانە 109،5 مىڭ توننا كوكونىس جينالدى، – دەدى سپيكەر.

سونىمەن قاتار استىقتىڭ، كارتوپتىڭ جانە كوكونىستەردىڭ رەزەرۆتىك جانە تۇراقتاندىرۋ قورلارى قۇرىلعان.

وبلىس باسشىسى قاراعاندى وبلىسىندا ورتالىق سۋمەن قالا تۇرعىندارىنىڭ 98%-ى جانە اۋىل تۇرعىندارىنىڭ 89،9%-ى قامتىلعانىن اتاپ ءوتتى. مەم­لەكەتتىك باعدارلامالار ءوڭىردىڭ شالعاي ەلدى مەكەندەرىندە دە سۋ ماسەلەسىن شەشۋگە كومەكتەسە­دى. سۋمەن جابدىقتاۋ ساپاسىن جاقسارتۋ ءۇشىن 35 ينفراقۇ­رىلىمدىق جوبا ىسكە اسىرىلۋدا.

– پرەزيدەنتتىڭ تاپسىرماسىنا سايكەس، كەلەسى جىلى ءۇيتاس-ايدوس سۋاعارىن قايتا جاڭارتۋ بويىنشا جوبانى ىسكە اسىرۋ باستالادى. بۇل جەزقازعان تۇرعىندارىن قوجامسەيىت كەن ورنىنان ساپالى سۋمەن قامتاماسىز ەتەدى. ال بيىل ساتباەۆتى ساپالى اۋىز سۋمەن قامتاماسىز ەتەتىن ەسقۇلا سۋ تارتقىشى ىسكە قوسىلدى، – دەدى ج.قاسىمبەك.

سونىمەن بىرگە ءوڭىر باسشىسى وبلىستا گازداندىرۋ جۇمىس­تارىنىڭ جالعاسىپ جاتقا­­نىن حابارلادى. كوگىلدىر وتىن قارا­عاندى ءوڭىرى تۇرعىندارى­نىڭ         3 مىڭ ۇيىنە جەتكىزىلگەن. جا­­قىن­دا قاراعاندى، تەمىرتاۋ جا­نە جەزقازعاننىڭ العاشقى ابو­نەنتتەرىن گازبەن جابدىقتاۋعا قو­سۋ باستالماق. ال تاريفكە كەل­­­سەك، ونىڭ 1 تەكشە مەترى 40،8 تەڭ­­گەنى قۇرايدى.

سونداي-اق ساران قالاسىنا گاز قۇبىرى سالىنۋدا، جۇمىستاردى جەلتوقسان ايىنىڭ سوڭىنا دەيىن اياقتاۋ جوسپارلانۋدا. ناۋ­رىز ايى­نان باستاپ جاڭاارقا، وسا­­كاروۆ اۋداندارىندا جانە شاح­تينسك قالاسىندا جەلىلەر قۇرىلىسى باستالادى.

 

قاراعاندى وبلىسى

سوڭعى جاڭالىقتار

شابىت پەن شاراپ

ادەبيەت • بۇگىن، 22:13

ديلەتانتتان داۋىرگە دەيىن

ادەبيەت • بۇگىن، 21:57

ەرتەڭ اۋا رايى قانداي بولادى؟

قازاقستان • بۇگىن، 16:20

اندرادەنى مۋنگيا الماستىرۋى مۇمكىن

كاسىپقوي بوكس • بۇگىن، 14:25

ۇقساس جاڭالىقتار