ەلباسى • 30 قاراشا، 2021

تۇڭعىش پرەزيدەنت ءھام تاۋەلسىزدىك

39 رەت كورسەتىلدى

زامانىمىزدىڭ ءىرى رەفورماتور­لا­رىنىڭ ءبىرى لي كۋان يۋ ەلىمىز تاۋەلسىزدىگىن الماي تۇرىپ-اق، «پرەزيدەنت نازارباەۆ – كە­ڭەستىك ساياساتتاعى جارىق جۇلدىز، ءتۇرلى رەسپۋبليكالار اراسىنداعى ءىرى تۇلعا. قازاق­ستاننىڭ 50 جاستاعى ليدەرى – بەلگىلى دەڭگەيدە قاتال، تاجىريبەلى، جەدەل شەشىم قابىل­داي الاتىن ادام.

وداقتىڭ باسقا رەسپۋب­ليكالارىنىڭ ءوزى مويىنداعان جىلى شى­رايلى، تالانتتى جانە تاباندى باسشى. نازارباەۆ رەس­پۋبليكانى باسقارىپ تۇر­عاندا، قازاق­ستان­نىڭ تابىستارعا جەتۋ مۇمكىندىگى مول بولادى»، دەگەن بولاتىن. لي كۋان يۋدىڭ ايتقانى اينا قاتەسىز كەلدى.

ءيا، كەڭەستىك جۇيەدەن شىڭدالىپ، شي­رىعىپ شىققان نۇرسۇلتان نازارباەۆ بارلىق جيناعان تاجىريبەسىن، كۇش-جىگە­رىن ءوز ەلىنىڭ، ءوز حالقىنىڭ يگىلىگى ءۇشىن جۇم­سادى. ەلباسى تاۋەلسىز مەم­لەكە­تىمىز­دىڭ نەگىزىن قالادى. حالقىمىز ءۇشىن ۇلى مۇم­كىندىك – ەگەمەن ەل اتانۋ باقىتىن بايان­دى ەتۋدە بارلىق جاۋاپكەرشىلىكتى ءوز موي­نىنا الدى. الماعايىپ كەزەڭنەن، بەينەلەپ ايتقاندا، «قۇلاۋ ىقتيمالدىلىعى جو­عارى جامان كوپىردەن» قازاقستاندى امان-ەسەن الىپ ءوتىپ، ءوز ەلىن وركەندەۋ جولىنا سالدى.

ەلباسى نۇرسۇلتان نازارباەۆ ەلىمىز­دى ساياسي-ەكونوميكالىق تۇرعىدا جاڭ­عىرت­تى. ن.نازارباەۆ قازاقستاندى قۋاتتى ەكونوميكاسى بار، ۋاقىت تالاپ ەتكەن كەز كەلگەن اۋقىمدى ساياسي رەفورمالاردى ەڭ­­سەرۋگە قابىلەتتى ەلگە اينالدىردى. قا­زاق­ستاندى دامىعان 50 مەملەكەتتىڭ قاتا­رىنا قوسىپ، ودان ءارى وزىق وتىز ەلدىڭ ورتاسىنان ورىن الۋعا ۇمتىلدىردى.

ەلباسىنىڭ ەرەن ەڭبەگىنىڭ ارقاسىندا شەكارامىز شەگەندەلىپ، ۇلتتىق تەڭ­گە­­مىز اينالىمعا ەندى، ءتىلىمىز، ءدىنىمىز، ما­دە­نيەتىمىز بەن اتا ءداستۇرىمىز قايتا جاڭ­­عىردى، تاريحىمىز تۇگەندەلدى. ۇلت­تىق­ قور ۇلتىمىزدىڭ ەڭسەسىن كوتەردى، قازاق­ستان حالقى اسسامبلەياسى قۇرىلىپ، بىرلى­گىمىز بەكەمدەلدى، جاڭا استانا ارقا تو­سىندە بوي كوتەردى، سوعان قاراپ حالقىمىز وي تۇزەدى.

تاۋەلسىزدىك جىلدارىندا حالىقتىڭ تۇرمىسىن جاقسارتۋعا باعىتتالعان باع­دار­لامالار قابىلداندى. ەلگە ەل قوسىلىپ، الىستاعى اعايىن اتاجۇرتىمەن تابىس­تى. «قازاقستان-2030»، «قازاقستان-2050» ستراتەگيالىق جوسپارلار، «نۇرلى جول»، «نۇرلى جەر»، «مادەني مۇرا»، «رۋحاني جاڭعىرۋ» سىندى باعدارلامالار ەلدىڭ باعىن جاندىردى. يادرولىق ءىرى ارسەنالدان باس تارتۋ، كونفەسسياارالىق كەلىسىمدى نىعايتۋ قازاقستاننىڭ ءورىسىن كەڭەيتتى، تارتىمدى ەلگە اينالدىردى.

ەلباسىنىڭ جاستاردى قولداۋى، ءبى­لىم بەرۋ سالاسىنا، ۇلت ساۋلىعىنا ەرەك­شە كوڭىل اۋدارۋى ەلىمىزدىڭ تىنىسىن اشا ءتۇستى. «بولاشاق» ستيپەن­دياسىن تاعايىنداۋ، نازارباەۆ زياتكەرلىك مەك­تەپ­تەرىن، نازارباەۆ ۋنيۆەرسيتەتتى اشۋ، مەديتسينالىق كلاستەر قۇرۋ، عارىشتىق باعدارلاما، «استانا» حالىقارالىق قارجى ورتالىعىن قۇرۋ، كاسپيدىڭ قۇقىق­تىق مارتەبەسىن ايقىنداۋ، مۇنىڭ بار­لىعى ەلىمىزدىڭ يگىلىگى، ەلباسى ەڭبەگىنىڭ جەمىسى.

ن.نازارباەۆتىڭ كوپۆەكتورلى سىرت­قى ساياساتى، اوسشك، تمد، شىۇ، ەاەو سىندى ۇيىمداردى قۇرۋداعى باس­تا­ماشىل­دىعى، الەمدىك جانە ءداستۇرلى دىن­دەر كوش­باس­شىلارىنىڭ سەزىن شاقىرۋى، قازاق­ستاننىڭ بىتىمگەرلىك ساياساتىن ىلگەرى­لەتۋى، ەقىۇ-عا جانە بۇۇ قاۋىپسىزدىك كەڭە­­سىنە قازاقستاننىڭ توراعالىق ەتۋى، «ەكسپو-2017» حالىقارالىق كورمەسىن ۇيىم­داس­تىرۋى جانە تاعى باسقالاردىڭ بار­لىعى تۇڭ­عىش پرەزيدەنتتىڭ ەل تاۋەلسىزدىگى مەن حا­لىق يگىلىگى ءۇشىن جا­ساعان ولشەۋسىز قىزمەتى.

سوڭعى جاڭالىقتار

مۇناي باعاسى كوتەرىلە مە؟

ەكونوميكا • كەشە

الاشوردا وفيتسەرى

قازاقستان • كەشە

471 مىڭ دوللارعا ساتىلدى

ادەبيەت • كەشە

شابىت پەن شاراپ

ادەبيەت • كەشە

ۇقساس جاڭالىقتار