جەدەل-ىزدەستىرۋ شارالارى بارىسىندا قارجى پيراميداسىن ۇيىمداستىرعاندار وزدەرىن «Crowd 1» حالىقارالىق جەلىلىك ۇيىم رەتىندە تانىستىرىپ, حالىققا ۆيرتۋالدى جەر ۋچاسكەلەرىن ساتىپ الۋ ءۇشىن پاكەتتەرگە اقشا ينۆەستيتسيالاۋدى ۇسىنعانى انىقتالدى.
پاكەتتەر اق, قارا, التىن جانە تيتان دەپ بىرنەشە تۇرگە بولىنگەن. قۇنى 99 ەۋرودان باستالىپ, 2 499 ەۋروعا دەيىن جەتكەن.
«وسىلايشا, ۇيىمداستىرۋشىلار كومپانياعا اكتيۆتەردى تارتىپ, ادامداردى ءتاپ-ءتاۋىر پايدا تابۋعا بولاتىنىنا سەندىرگەن», دەپ حابارلايدى قارجى مونيتورينگى اگەنتتىگى.
قازىر بۇل فاكتى بويىنشا قىلمىستىق كودەكستىڭ 217-بابى 1-بولىگى بويىنشا سوتقا دەيىنگى تەرگەۋ ءجۇرىپ جاتىر.
اگەنتتىك «Crowd 1»قارجى پيراميداسىنىڭ قۇربانى بولعان ازاماتتاردان اقتوبە وبلىسى بويىنشا ەكونوميكالىق تەرگەۋ دەپارتامەنتىنە اقتوبە قالاسى, 8 ناۋرىز 3ا كوشەسى مەكەنجايى بويىنشا نەمەسە 8 (7132) 97-51-51 سەنىم تەلەفونى ارقىلى حابارلاسۋدى سۇرادى.
بۇعان دەيىن اقمولا وبلىسىندا قارجى پيراميداسىنىڭ بەلگىلەرى بار River Coins Limited كومپانياسى انىقتالعانى حابارلانعان ەدى.
