ديپلوماتيالىق قاتىناستار – جاڭا ەلدەرمەن

سينگاپۋردە بىرلەسكەن كومميۋنيكەگە قول قويۋ ارقىلى قازاقستان رەسپۋبليكاسى مەن ۆانۋاتۋ رەسپۋبليكاسى اراسىندا ديپلوماتيالىق قاتىناستار ورنادى. اتالعان قۇجاتقا قازاقستاندىق تاراپتان سينگاپۋردەگى ەلشى ە.باۋداربەك-قوجاتاەۆ, ال ۆانۋاتۋ تاراپىنان پرەمەر-ءمينيستردىڭ ورىنباسارى – سىرتقى ىستەر ءمينيسترى ەدۆارد نيپاكە ناتاپەي قول قويدى. كەزدەسۋ بارىسىندا تاراپتار ءتۇرلى سالاداعى ەكى ەل ىنتىماقتاستىعىنىڭ بولاشاعىن تالقىلادى. سونداي-اق, نيۋ-يوركتە قازاقستان رەسپۋبليكاسى مەن كيريباتي رەسپۋبليكاسىنىڭ بۇۇ جانىنداعى تۇراقتى وكىلدەرى قايرات ءابدىراحمانوۆ جانە ما­كۋريتا باارو ەكى ەل اراسىندا ديپلوماتيالىق قا­تىناستار ورناتۋ تۋرالى بىرلەسكەن كومميۋنيكەگە قول قويدى. قول قويۋ ءراسىمى كەزىندە ەكىجاقتى دەڭگەيدەگى ىنتىماقتاستىقتىڭ بولاشاعى جانە قازاقستان مەن كيريباتي ءۇشىن قىزىعۋشىلىق تۋدىراتىن بۇۇ كۇن تارتىبىندەگى ماڭىزدى ماسەلەلەر تۋرالى پىكىر الماسۋ ءوتتى. سولاردىڭ ىشىندە تەڭىزگە شىعا المايتىن ەلدەردىڭ ماسەلەلەرىن شەشۋ, كىشكەنە ارالدى ەلدەر, تۇراقتى دامۋدىڭ ماقساتتارىن جاساۋ, قورشاعان ورتانى قورعاۋ جانە ت.ب. بار. كيريباتي ەلشىسى قازاقستانمەن بەرىك تۇراقتى ارىپتەستىك ورنايتىنىنا سەنىمىن ءبىلدىردى. «ەگەمەن-اقپارات».