ماگدالەنا اندەرسسون سارسەنبىدە ۇكىمەت باسشىسى بولىپ تاعايىندالدى, دەگەنمەن ونىڭ كواليتسيالىق سەرىكتەسى ۇكىمەتتەن شىعىپ, ۇسىنعان بيۋدجەتى قابىلدانباعاننان كەيىن وتستاۆكاعا كەتتى.
ونىڭ ورنىنا پارلامەنت وپپوزيتسيا دايىنداعان بيۋدجەتكە داۋىس بەردى. «مەن سپيكەرگە وتستاۆكاعا كەتكىم كەلەتىنىن ايتتىم», دەدى م.اندەرسسون جۋرناليستەرگە.
دەسە دە اندەرسسون تاعى دا پرەمەر-مينيستر بولۋعا ۇمىتتەنەتىنىن جەتكىزدى. «كواليتسيالىق ۇكىمەت ءبىر پارتيا باسەكەلەستىكتەن شىققان كەزدە وتستاۆكاعا كەتۋى كەرەگى جونىندە كونستيتۋتسيالىق تاجىريبە بار. مەن زاڭدىلىعى كۇمان تۋدىراتىن ۇكىمەتتى باسقارعىم كەلمەيدى», دەدى سوتسيال-دەموكراتتار وكىلى.
شۆەد ايەلدەرى سايلاۋدا داۋىس بەرۋ قۇقىعىنا يە بولعاننان ءجۇز جىل وتكەن سوڭ العاش رەت ۇكىمەت باسشىسى بولعان 54 جاستاعى سوتسيال-دەموكرات جەتەكشىسىنە پارلامەنت نەمەسە ريكسداگ مۇشەلەرى قول شاپالاقتادى.
ونىڭ ۇكىمەت باسشىسى بولىپ سايلانۋى وپپوزيتسيالىق سولشىل پارتيامەن 11 ساعاتتىق كەلىسىمنەن كەيىن جۇزەگە اسقان. ناتيجەسىندە, دەموكراتتار ازاماتتاردىڭ زەينەتاقىسىن كوبەيتۋگە كەلىسىم بەردى.
نەگىزىندە ريكسداگتىڭ 349 مۇشەسىنىڭ 174-ءى وعان قارسى داۋىس بەردى. بىراق م.اندەرسسوندى قولداعان 117 دەپۋتاتتان باسقا, تاعى 57 ادام قالىس قالىپ, وعان پرەمەر-مينيستر بولۋعا مۇمكىندىك بەرىلدى.
ۋپپسالا ۋنيۆەرسيتەتى قالاشىعىنىڭ ءجۇزۋ بويىنشا بۇرىنعى چەمپيونى, ءوزىنىڭ ساياسي مانسابىن 1996 جىلى سول كەزدەگى پرەمەر-مينيستر گوران پەرسسوننىڭ ساياسي كەڭەسشىسى رەتىندە باستاعان. سوڭعى جەتى جىل ىشىندە ول قارجى ءمينيسترى قىزمەتىن اتقاردى.
