وبلىستىق توتەنشە جاعدايلار دەپارتامەنتى ءباسپاسوز قىزمەتىنىڭ مالىمەتىنشە, ەمحانا بۇگىن, 26 قاراشادا ورتەنگەن.
«توتەنشە جاعدايلار دەپارتامەنتىنىڭ ديسپەتچەرلىك پۋلتىنە ساعات 12:34-تە اتىراۋ قالاسىنىڭ «الماگۇل» شاعىن اۋدانىنداعى №7 ەمحانانىڭ عيماراتىندا ءتۇتىن شىققانى تۋرالى حابار ءتۇستى. وقيعا ورنىنا جەتكەن ءورت سوندىرۋشىلەر ەمحانانىڭ 3-قاباتىنداعى تەراپيا ءبولىمى مەڭگەرۋشىسىنىڭ كابينەتىندە دەربەس كومپيۋتەردىڭ جانعانىن انىقتادى. ەمحانا عيماراتىنان 45 ادام, 6 بالا قاۋىپسىز جەرگە ەۆاكۋاتسيالاندى. ءورت ەلەكتر جەلىسىنىڭ قىسقا تۇيىقتالۋىنان شىققان», دەپ حابارلادى دەپارتامەنتتىڭ ءباسپاسوز قىزمەتى.
جالىن ساعات 12:45-تە اۋىزدىقتالىپ, ساعات 12:49-دا تولىق جويىلدى. ءورتتى سوندىرۋگە دەپارتامەنتتىڭ 20 قىزمەتكەرى مەن 6 تەحنيكاسى, اپاتتىق مەديتسينا ورتالىعىنان 3 قىزمەتكەر مەن 1 تەحنيكا جۇمىلدىرىلدى.
