وسىلايشا, پەداگوگتەردى اتتەستاتتاۋدان وتكىزۋ ءۇشىن ءبىلىم بەرۋدى باسقارۋ ورگاندارىندا كوميسسيالار قۇرىلادى.
پەداگوگتەردى اتتەستاتتاۋ جونىندەگى كوميسسيانىڭ قۇرامىنا كەمىندە 10 جىل جۇمىس ءوتىلى, «پەداگوگ-زەرتتەۋشى» نەمەسە «پەداگوگ-شەبەر» بىلىكتىلىك ساناتتارى بار پەداگوگتەر, وقۋ-ادىستەمەلىك كابينەتتەردىڭ (ورتالىقتاردىڭ), بىلىكتىلىكتى ارتتىرۋ ۇيىمدارىنىڭ ادىسكەرلەرى, قوعامدىق جانە ۇكىمەتتىك ەمەس ۇيىمداردىڭ, كاسىپوداقتاردىڭ وكىلدەرى, ءبىلىم بەرۋدى باسقارۋ ورگاندارىنىڭ, ۆەدومستۆولىق باعىنىستى ۇيىمداردىڭ ماماندارى كىرەدى.
ءبىلىم بەرۋ ۇيىمدارىنىڭ باسشىلارى مەن باسشىلارىنىڭ ورىنباسارلارىن اتتەستاتتاۋعا ارنالعان كوميسسيانىڭ قۇرامىنا مەملەكەتتىك ورگانداردىڭ, ەڭبەك جونىندەگى ۋاكىلەتتى مەملەكەتتىك ورگاننىڭ وكىلدەرى, كاسىپوداقتاردىڭ, ۇكىمەتتىك ەمەس ۇيىمداردىڭ, ءبىلىم بەرۋ ۇيىمدارىنىڭ القالى باسقارۋ ورگاندارىنىڭ, قوعامدىق كەڭەستەردىڭ وكىلدەرى, سونداي-اق اتتەستاتتاۋشى ورگاننىڭ قۇرىلىمدىق بولىمشەلەرىنىڭ قىزمەتكەرلەرى كىرەدى.
ءتيىستى دەڭگەيدەگى كوميسسيا اتتەستاتتالۋشىنىڭ قۇجاتتارىن جىلىنا ەكى رەت قارايدى.
اتتەستاتتاۋ كەلەسى كەزەڭدەردى قامتيدى:
پەداگوگتەر ءۇشىن:
- نكت;
- ەسسە;
- بىلىكتىلىك باعاسى;
- قىزمەت ناتيجەلەرىن كەشەندى تالدامالىق جيناقتاۋ.
ءبىلىم بەرۋ ۇيىمدارى باسشىسىنىڭ ورىنباسارلارى مەن ادىسكەرلەر ءۇشىن:
- بىلىكتىلىك باعاسى;
- قىزمەت ناتيجەلەرىن كەشەندى تالدامالىق جيناقتاۋ;
- اتتەستاتتاۋ كوميسسياسىنىڭ وتىرىسىندا قىزمەت ناتيجەلەرىن تانىستىرۋمەن اڭگىمەلەسۋ (كوميسسيانىڭ ءوزىن-ءوزى باعالاۋى مەن باعالاۋى سايكەس كەلمەگەن كەزدە).
ءبىلىم بەرۋ ۇيىمدارىنىڭ جانە ادىستەمەلىك كابينەتتەردىڭ باسشىلارى ءۇشىن:
- نكت;
- بىلىكتىلىك باعاسى;
- قىزمەت ناتيجەلەرىن كەشەندى تالدامالىق جيناقتاۋ;
- كوميسسيا وتىرىسىندا قىزمەت ناتيجەلەرىن تانىستىرۋمەن اڭگىمەلەسۋ (كوميسسيانىڭ ءوزىن-ءوزى باعالاۋى مەن باعالاۋى سايكەس كەلمەگەن جاعدايدا).
قۇجاتتىڭ تولىق ماتىنىمەن مىنا سىلتەمە ارقىلى تانىسۋعا بولادى.
بۇيرىق 2021 جىلعى 5 جەلتوقساننان باستاپ قولدانىسقا ەنگىزىلەدى.
