سپورت • 26 قاراشا، 2021

ەسەنكەلدىنى ەسكە الدى

474 رەت كورسەتىلدى

اقتوبەدە گرەك-ريم كۇرەسىنەن 2002-2004 جىلدارى تۋعان جاستار اراسىندا حالىقارالىق دارەجەدەگى سپورت شەبەرى ەسكەنكەلدى باتىرعاريندى ەسكە تۇسىرۋگە ارنالعان ءداستۇرلى تۋرنير ءوز مارەسىنە جەتتى. بۇل جارىستا ەلىمىزدىڭ بىرقاتار ايماقتارى مەن كورشىلەس قىرعىزستاننان كەلگەن بالۋاندار باق سىنادى.

نەبارى 24 جىل عۇمىر كەشكەن ەر مىنەزدى ەسەنكەلدىنىڭ ەسىمى جان­كۇيەرلەردىڭ ەسىن­دە. 1971 جىلى اقتوبە وبلى­سىنداعى شال­قار قالاسىندا تۋىپ-وسكەن ول ال­ماتىداعى قا­جىمۇقان اتىنداعى سپورت مەكتەپ-ينتەرناتى مەن قا­زاق­­­تىڭ دەنە شىنىقتىرۋ جانە سپورت ينستيتۋتىندا شە­­بەرلىگىن شىڭدادى. اري­­نە، توقسانىنشى جىل­دار­دىڭ باسىندا بۇل با­لۋان­نىڭ بوز كىلەمدە جاسىن­داي جار­قىلداعانى بارشا­مىز­دىڭ جادىمىزدا. اسا جەڭىل سال­ماقتا كۇرەسكەن قول­توق­پاق­تاي عانا قازاق جىگىتى جاس­وس­پىرىمدەر ارا­­سىنداعى الەم بىرىنشىلىگىنىڭ كۇمىس جۇل­دەگەرى اتانىپ، قىراعى باپكەرلەردىڭ نازارىنا ىلىكتى. سودان كەيىن-اق ەرەسەكتەر دۋىنا ەركىن قوسىلىپ، تالاي دۇرمەكتە دارا تالانتىمەن وقشاۋلاندى.

1

1990-1991 جىلدارى با­تىر­عارين الەم جانە كسرو كۋبوك­­تارىنىڭ يەگەرى، كسرو حا­­لىقتارى سپارتاكيادا­سى مەن بۇكىلوداقتىق ۋنيۆەرسيا­دانىڭ جەڭىمپازى، وداق چەم­پيوناتىنىڭ كۇمىس جۇلدەگەرى اتاندى. باسقا دا ءدۇبىرلى دودالاردا توپ جاردى. ءبىر عا­جابى، اسا دارىندى بالۋان بۇل بەلەستەردىڭ بارلىعىن 20 جاسقا جەتەر-جەتپەس شا­عىندا-اق با­عىندىردى. جال­پى، ەسەنكەلدى گرەك-ريم كۇ­رەسىنەن اقتوبە وڭىرىنەن شىققان تۇڭعىش حا­لىقارالىق دارەجەدەگى سپورت شەبەرى ەكە­نىن دە ايتا كەتۋگە ءتيىسپىز. ارا­دا 20 جىل وتكەن سوڭ عانا اس­قات قۇدايبەرگەنوۆ پەن اسەت ءادىلوۆ سول دەڭگەيگە جەت­سە، بۇگىنگى تاڭدا الەم چەم­­پيوناتىنىڭ كۇمىس جانە قولا جۇلدەگەرى، قۇر­لىقتىق جارىستاردا سان مارتە جەڭىس تۇعى­رىنا كوتەرىلگەن مەي­رام­­بەك ايناعۇلوۆ اتوي سالىپ ءجۇر. اقتوبەلىك بالۋانداردىڭ وسى جارقىن جەڭىستەرىنىڭ التىن باس­تاۋىندا قىرشىن كەتكەن ەسەن­­كەلدىدەي ازاماتتىڭ تۇر­عانىن كەيىنگى ۇرپاق ۇمىت­پاۋى كەرەك. 

– ەسەنكەلدىنىڭ ەكپىنىنە قاراپ، كوپشىلىك «كەلەشەكتە ول وليمپيا ويىندارى مەن الەم چەمپيوناتتارىندا توپ جارۋعا ءتيىس» دەپ توپشىلادى. بىراق ادامنىڭ ايتقانى ەمەس، اللانىڭ بۇيرىعى بولادى ەكەن. نارىق قىسپاققا العان تۇستا وتباسىن اسىراۋ ءۇشىن دوسىم ۇلكەن سپورتتان قول ءۇزىپ، ءتۇرلى كاسىپتىڭ تۇتقاسىن ۇستادى. اراعا ەكى جىلدان اسا ۋاقىت سالىپ، تۇرمىستىق جاعدايى تۇزەلگەن سوڭ بوز كىلەمگە قايتا ورالدى. كەلگەن بەتتە قازاقستان چەمپيونى اتاندى. بۇل – 1994 جىل ەدى... سودان اتلانتا وليمپياداسىندا اتوي سالسام دەپ ارماندادى. باسقا دا بايراقتى باسەكەلەردە قازاق­تىڭ تۋىن بيىكتە جەلبىرەتۋدى اڭسادى. بىراق ول جوسپارلارى جۇزەگە اسپادى. ناعىز جالىنداپ تۇرعان شاعىندا دوسىم ءىز-ءتۇزسىز جوعالىپ كەتتى، – دەيدى كەزىندە باتىرعارينمەن بىرگە كۇرەسكەن دوسى ءارى جەرلەسى، بەلگىلى سپورت كوممەنتاتورى اسپانديار ەسەنجولوۆ.

وسىعان دەيىن ەسەنكەلدى باتىر­عاريندى ەسكە الۋ ءتۋرنيرى شالقاردا ۇيىمداستىرىلىپ كەلگەن ەدى. كەيىنگى كەزدە ول وبلىس ورتالىعىندا ءوتىپ ءجۇر. بيىلعى باسەكەدە بىر­لەسكەن كۇ­رەس الەمى (UWW) ۇيىمىنىڭ تالابىنا ساي 10 سالماق دارەجەسى بويىنشا ءتۇرلى-ءتۇستى مەدال ساراپقا سالىندى. بۇل جارىستا قىر­عىز­ستان قۇراماسى كومانداسى مۇشەلەرىنىڭ دايارلىعى وتە جوعارى دەڭگەيدە ەكەنى انىق بايقالدى. الاتاۋدىڭ ارعى جاعىنان كەلگەن بالۋاندار باس جۇلدەنىڭ ۇشەۋىن ولجالادى. ولار – رازاق باي­شەكەەۆ (63 كگ)، ابدىعازيز اس­قاربەك (67 كگ) جانە جەڭىس جۇ­مابەك (87 كگ). ال قالعان سال­ماقتاردا تالدىقورعاندىق ەربول كاماليەۆ (55 كگ) پەن دامير تۇرسىنوۆ (82 كگ)، ەسەت باتىر كوللەدجىنىڭ تۇلەگى دياس سايلاۋوۆ (60 كگ)، قا­را­عاندىلىق ولجاس ەرعالي (72 كگ)، قوستانايلىق دياس جا­لەلوۆ (77 كگ)، جامبىلدىق تە­مىربەك ەرتىلەۋ (97 كگ) جانە شىم­­كەنتتىك نۇرتاس قىدىر­باي (130 كگ) التىن تۇعىرعا كوتەرىلدى.

سوڭعى جاڭالىقتار

سىردىڭ سۋى تومەندەپ بارادى

ايماقتار • بۇگىن، 17:27

دوللار ارزاندادى

قارجى • بۇگىن، 16:56

الماتى ماڭىندا جەر سىلكىندى

ايماقتار • بۇگىن، 16:38

قازاقستاندا ەت قىمباتتادى

قوعام • بۇگىن، 15:10

ەلىمىزدە كيىك سانى كوبەيىپ كەلەدى

قازاقستان • بۇگىن، 14:41

ۇقساس جاڭالىقتار