ايماقتار • 25 قاراشا، 2021

قارجى پيراميداسىنىڭ باسشىسىنان 70 ملن تەڭگە ءوندىرىلدى

21 رەت كورسەتىلدى

اقتوبەدە قارجى پيراميداسى دەپ تانىلعان «Golden city-200» جشس-نە باسشىلىق ەتىپ، ادامدارعا شىعىن كەلتىرگەن قايرات ىزتىلەۋگە قاتىستى سوت ۇكىمى شىقتى، دەپ حابارلايدى Egemen.kz اقتوبە وبلىستىق پوليتسيا دەپارتامەنتىنە سىلتەمە جاساپ.

بىلتىر «قارجىلىق (ينۆەستيتسيالىق) پيراميدانى قۇرۋ جانە وعان باسشىلىق ەتۋ» بابى بويىنشا قايرات ىزتىلەۋگە قاتىستى تەرگەۋ ءجۇردى. وبلىستىق پوليتسيا دەپارتامەنتى حابارلاندىرۋ ارقىلى جابىرلەنۋشىلەردى ىزدەدى. ال بۇگىن اقتوبە قالاسىنىڭ №2 سوتىندا سوتتالۋشى قايرات ىزتىلەۋگە قاتىستى قىلمىستىق ءىس قارالىپ، ۇكىم شىقتى.

ءىس ماتەريالىنا سۇيەنسەك، 2020 جىلدىڭ قاڭتار ايىنان باستاپ 2020 جىلدىڭ اقپان ايىنا دەيىن ق.ىزتىلەۋدىڭ قارجى پيراميداسى بولىپ تابىلاتىن فيليالدى باسقارىپ، «Golden city-200» جشس زاڭسىز قىزمەتىن جۇزەگە اسىرعان. جالعان شارتتار جاساسىپ، ازاماتتارعا جوعارى سىياقى ءۇشىن تولەمدەر الاتىنىنا كەپىلدىك بەرگەنى انىقتالدى. قىلمىستىق ءىس-ارەكەتتەردىڭ ناتيجەسىندە جابىرلەنۋشىلەرگە 71 550 000 كولەمىندە ماتەريالدىق زالال كەلتىرىلدى.

«سوت وتىرىسىندا سوتتالۋشى قىلمىس جاساعانى ءۇشىن وزىنە تاعىلعان ايىپ بويىنشا كىناسىن مويىندادى. سوتتالۋشىنىڭ كىناسى كۋالار مەن جابىرلەنۋشىلەردىڭ بەرگەن ايعاقتارى، سوت وتىرىسىندا زەرتتەلگەن ءىس بويىنشا باسقا دا دالەلدەمەلەردىڭ جيىنتىعىمەن دالەلدەندى. مەملەكەتتىك ايىپتاۋشى سوتتان ق.ىزتىلەۋگە 7 جىل مەرزىمگە باسشىلىق لاۋازىمدى اتقارۋ قۇقىعىنان ايىرا وتىرىپ، 6 جىل 6 اي مەرزىمگە باس بوستاندىعىنان ايىرۋ جازاسىن تاعايىنداۋدى سۇرادى. جازا تاعايىنداۋ كەزىندە جەڭىلدەتىلگەن جانە اۋىرلاتاتىن ءمان-جايلار ەسكەرىلەدى. سوتتالۋشى ق.ىزتىلەۋدىڭ كامەلەت جاسقا تولماعان بالالارى بار. بۇل قىلمىستىق جاۋاپتىلىقتى جەڭىلدەتەتىن ءمان-جايلارعا جاتادى. مەملەكەتتىك ايىپتاۋشى قىلمىستىق جاۋاپتىلىقتى اۋىرلاتاتىن ءمان-جايلاردى انىقتامادى. سوت ۇكىمىمەن ق.ىزتىلەۋگە 7 جىل مەرزىمگە كوممەرتسيالىق مەكەمەلەردە باسشىلىق لاۋازىمدى اتقارۋ قۇقىعىنان ايىرا وتىرىپ، 6 جىل 6 اي مەرزىمگە باس بوستاندىعىنان ايىرۋ جازاسى تاعايىندالعان. جابىرلەنۋشىلەردىڭ پايداسىنا 70 350 000 تەنگە ءوندىرىلدى»، دەدى وبلىستىق سوتتىڭ ءباسپاسوز قىزمەتى.

سوت ۇكىمى زاڭدى كۇشىنە ەنگەن جوق.

 

سوڭعى جاڭالىقتار

توقساننىڭ تورىندە

ايماقتار • بۇگىن، 09:16

تاتارستاننان ولجالى ورالدى

حوككەي • بۇگىن، 09:14

زەرتتەۋ اۋقىمىن كەڭەيتۋ ماڭىزدى

ايماقتار • بۇگىن، 09:11

تەڭدەسى جوق جەتىستىك

قازاقستان • بۇگىن، 08:54

باسىمىزداعى باقتى باعالاي بىلەيىك

قازاقستان • بۇگىن، 08:47

ەلباسى اماناتى

پىكىر • بۇگىن، 08:45

ءمىنسىز – كىم؟

رۋحانيات • كەشە

سەمەيدەگى سەرپىلىس

ايماقتار • كەشە

ۇقساس جاڭالىقتار