ءبىلىم • 25 قاراشا، 2021

50 ماماندىق بويىنشا كوللەدجدەرگە قابىلداۋ توقتاتىلدى - بعم

113 رەت كورسەتىلدى

ءبىلىم جانە عىلىم مينيسترلىگى سۇرانىسقا ساي كەلمەيتىن 50 ماماندىق بويىنشا كوللەدجدەرگە قابىلداۋدى توقتاتتى، دەپ جازادى Egemen.kz  بعم سىلتەمە جاساپ.

ۆەدومستۆو تەحنيكالىق جانە كاسىپتىك ءبىلىم بەرۋ (تجكب) ماماندىقتارى مەن بىلىكتىلىكتەرىنىڭ جاڭا سىنىپتاۋىشىن ازىرلەپ، بەكىتتى. وزگەرىستەر كوللەدجدەردە وقىتىلاتىن ماماندىقتار ەڭبەك نارىعىنىڭ قازىرگى سۇرانىستارىنا سايكەس كەلۋى ءۇشىن جاسالعان. ەندىگى كەزەكتە وقۋ پروتسەسىنە سۇرانىسقا يە ماماندىقتار بويىنشا جاڭا ءبىلىم بەرۋ باعدارلامالارى ەنگىزىلىپ جاتىر.

ماسەلەن، قازاقستاندىق كوللەدجدەردە سىناما ىرىكتەۋشى، شام جاساۋشى، گۋۆەرنەر، زاڭگەر-كونسۋلت جانە تاعى باسقا ماماندىقتار بويىنشا قابىلداۋ توقتاتىلدى. سونداي-اق جىكتەۋشىدەن ء«بىلىم بەرۋ ۇيىمىنىڭ زەرتحاناشىسى»، «پاتەنتتانۋ» جانە باسقا دا ماماندىقتار الىنىپ تاستالدى.

ء«بىزدىڭ باستى ماقساتىمىز – ءبىلىم بەرۋ باعدارلامالارى مەن وقىتىلاتىن ماماندىقتاردى جۇمىس بەرۋشىلەردىڭ زاماناۋي سۇرانىستارىنا سايكەستەندىرۋ بولىپ تابىلادى. سوندىقتان ءبىز ۇلكەن تالداۋ جۇمىستارىن جۇرگىزىپ، ەڭبەك نارىعىنا مونيتورينگ جۇرگىزدىك. جۇمىس بەرۋشىلەرمەن جانە سالالىق قاۋىمداستىقتاردىڭ وكىلدەرىمەن كەزدەستىك. ولاردىڭ ۇسىنىستارىن ەسكەرە وتىرىپ، ماماندىقتار جىكتەۋىشىسىن جاڭارتتىق. ەندى قازاقستاندىق كوللەدجدەردە «روبوتوتەحنيكا جانە ەندىرىلگەن جۇيەلەر»، «نانوماتەريالدار نەگىزىندەگى بۇيىمدار تەحنولوگياسى»، ء«وندىرىستىڭ ءادديتيۆتى تەحنولوگيالارى»، «قاشىقتان باسقارىلاتىن اۆياتسيالىق جۇيە»، «عيماراتتاردى جوبالاۋ مەن پايدالانۋدىڭ اۆتوماتتاندىرىلعان جۇيەلەرى»، «جىلىجاي شارۋاشىلىعىن ۇيىمداستىرۋ»، «گرافيكالىق جانە مۋلتيمەديالىق ديزاين»، «تاس وڭدەۋ ءوندىرىسى»، «لاندشافتىق ديزاين»، «جىلجىمايتىن م ۇلىكتى باسقارۋ»، «دەستيناتسيانى باسقارۋ»، «قۇرىلىستاعى سمەتالىق ءىس»، «ەڭبەكتى قورعاۋ جانە تەحنولوگيالىق پروتسەستەردىڭ قاۋىپسىزدىگى» جانە باسقا دا جاڭا ماماندىقتار وقىتىلادى»، دەپ اتاپ ءوتتى قر بعم تەحنيكالىق جانە كاسىپتىك ءبىلىم بەرۋ دەپارتامەنتىنىڭ ديرەكتورى ناسىمجان وسپانوۆا.

سوڭعى جاڭالىقتار

توقساننىڭ تورىندە

ايماقتار • بۇگىن، 09:16

تاتارستاننان ولجالى ورالدى

حوككەي • بۇگىن، 09:14

زەرتتەۋ اۋقىمىن كەڭەيتۋ ماڭىزدى

ايماقتار • بۇگىن، 09:11

تەڭدەسى جوق جەتىستىك

قازاقستان • بۇگىن، 08:54

باسىمىزداعى باقتى باعالاي بىلەيىك

قازاقستان • بۇگىن، 08:47

ەلباسى اماناتى

پىكىر • بۇگىن، 08:45

ءمىنسىز – كىم؟

رۋحانيات • كەشە

سەمەيدەگى سەرپىلىس

ايماقتار • كەشە

ۇقساس جاڭالىقتار