بۇگىن جانكۇيەرلەر اراسىندا جۇرگىزىلگەن ساۋالدامانىڭ ناتيجەسى بەلگىلى بولىپ وتىر. سول باسەكەدە «بارىستىڭ» شابۋىلشىسى نيكيتا ميحايليس تە ونەر كورسەتەدى. 26 جاستاعى قاراعاندى حوككەي مەكتەبىنىڭ تۇلەگى كەزىندە رەسپۋبليكامىزداعى ءتۇرلى كلۋبتاردىڭ جەيدەسىن كيدى. جاسوسپىرىمدەر مەن جاستاردى قوسا العاندا, بەس بىردەي الەم بىرىنشىلىگىندە باق سىنادى. 2014 جىلدان بەرى ول ەلوردالىق كلۋبتىڭ ساپىندا. ايتۋلى دودادا جەرلەسىمىز «ەۋرازيا» كومانداسىنىڭ نامىسىن قورعايدى. وسىلايشا, نيكيتا «جۇلدىزدار ماتچىنا» العاش رەت قاتىسپاق.
سونداي-اق كەشە اككرەديتتەۋدەن وتكەن باق وكىلدەرى اراسىندا ساۋالداما جۇرگىزىلە باستالدى. جۋرناليستەردىڭ ءۇش ويىنشىنى تاڭداۋىنا قۇقى بار. قالعاندارىن قحل-دىڭ ءوزى تولىقتىرادى. ءسويتىپ 44 حوككەيشى ىرىكتەلگەننەن كەيىن «سولتۇستىك امەريكا», «ەۋرازيا», «سكانديناۆيا» جانە «رەسەي» كوماندالارى اراسىنداعى باسەكەلەردى تاماشالايمىز.
